"Stepfather" [[ COMPLETED ]]✔

Chapter (35) Ending

Step Father
____________

Ending___❗

" ရော့ ဒီဆေးကိုသောက်လိုက်.. "

Jk က နှုတ်ခမ်းထောင့် တစ်ဖက် တွန့်ကွေးစွာပြုံးပြီး ဆော့ဂျင် လက်ထဲဆေးတစ်လုံး လာထည့်တယ်..။ Capsule တောင့် ဖြစ်သည့်အပြင် ပါကင်ပိတ်ထားခြင်းလည်း မရှိတာမို့ ဆော့ဂျင် က ဆေးတောင့်ကို ကြည့်ကာ မျက်မှောင် ကြုတ်လိုက်ပြီး..

" ဘာဆေးလဲ..?"

"မေးဖို့လိုသေးလို့လား ဒီမျက်နှာအလှလေးကို ခွဲစိတ်ပေးထားတာ ငါ ကိုယ်တိုင်ပါ နမ်ဂျွန်းအသဲလေးကို ဒီကောင်က မဟုတ်တာ မလုပ်ရဲပါဘူး.."

Jk ဆိုတဲ့ ကောင်ကတော့ သူနဲ့ဘယ်တော့မှ သင့်မြတ်ဖို့ဆိုတာ မဖြစ်နိုင်ပေ..။ ဆော့ဂျင် မှာ ဆေးကိုယူထားလိုက်ပြီး..

"ကောင်းပြီ ငါသောက်လိုက်မယ် "

" အင်း ခွဲစိတ်မှုကြောင့် ဆေးတွေနေ့တိုင်းလိုလို သောက်နေရတော့ သနားမိလို့ ၁ လလောက် ဆေးသောက်စရာ မလိုတဲ့ဆေးပါ ဘေးထွက်ဆိုးကျိုး မရှိဘူး "

အစကတည်းက ခုလိုအကျိုးသင့် အကြောင်းသင့် ပြောပါလား..? နှုတ်ခမ်းစူစူနဲ့ပဲ ဆော့ဂျင်မှာ ဆေးကို သောက်ချလိုက်တယ်..။ မီးဖိုချောင်ထဲ ပန်းကန်တွေ ဆေးနေရတာမို့ စိတ်ကသိပ်မကြည်ချင်ဘူး..။ ဧည်သည့်တွေစားတဲ့ ပန်းကန်တွေက နည်းနည်းလေးမှ မဟုတ်တာကို..။

"ရေမသောက်ပဲနဲ့ ဒီအတိုင်း မြိုချလိုက်တာလား..? "

"ဟုတ်တယ် "

"ရေသောက်လိုက် အစာအိမ်ထဲ ရောက်သွားမှ အဆင်ပြေမှာ "

Jk က ရေတစ်ခွက်ငှဲ့ရင်း ဆော့ဂျင်ကို ကမ်းပေးလာတယ်..။ ရေကိုကုန်စင်အောင် သောက်ပြလိုက်မှ စိတ်ချသွားပုံနှင့်..

" Ok သွားပြီ ခဏနေရင် ကင်နမ်ဂျွန်းကို လွှတ်လိုက်မယ် ပန်းကန်ဆေးတာ ဝိုင်းကူဖို့..ဟ..ဟား "

ဘာမဆိုင် ညာမဆိုင် အော်ကြီး ဟစ်ကျယ် ထရယ်သွားပုံက တစ္ဆေဝင်ပူးခံလိုက်ရသလို..။ ဘာလဲ..? ကိုယ်ကပဲ စိတ်ထင်နေလို့လား..Jk ဆိုတဲ့ကောင် တစ်ခုခုကြံနေပြီဆိုတာပဲ..။

မကြာဘူး..။
အိမ်ရှေ့က အသံတွေထွက်လာတယ်..။ သူ့သူငယ်ချင်းအရင်းကြီး ဂျောင်ဟိုဆော့အသံပင်..။