+ក្លឹប
"ឯណាក្មេងនោះ?"
"ក្មេងនោះនៅក្នុងបន្ទប់របស់ចៅហ្វាយ ខ្ញុំបានចាប់គេដាក់ច្រវ៉ាក់ពីថ្ងៃមិញ"
"ឯងប្រាកដទេថាជាគេ? ជាក្មេងដែលសម្ដីថ្លោះដាក់យើងនៅថ្ងៃមុន!!"
"ប្រាកដណាស់ចៅហ្វាយ ក្មេងនោះឈ្មោះផាក ជីមីន នៅរៀនទី១២ ប៉ារបស់គេជាថៅកែនៅប៊ូសាន មានចំការតែរាប់សិបហិចតា ដោយសារតែប៉ារបស់គេជាអ្នកមានបែបនេះ ទើបធ្វើឲ្យក្មេងនោះមិនខ្លាចអ្នកណា ជាហេតុធ្វើឲ្យគេនិយាយឈ្លើយដាក់ចៅហ្វាយបែបនេះ"គីសរៀបរាប់ប្រាប់ចៅហ្វាយរបស់ខ្លួនយ៉ាងក្បោះក្បាយ ដើម្បីបញ្ជាក់ប្រាប់ចៅហ្វាយខ្លួនថានាយចាប់មនុស្សមិនខុស។
"ហេតុអីឯងចាប់គេបានស្រួលម្លេះ?"កម្លោះសង្ហារញោចចុងមាត់ពេលដឹងថាក្មេងឈ្លើយដែលនិយាយសម្ដីថ្លោះដាក់នាយត្រូវកូនចៅចាប់បាន នាយគុំក្មេងនឹងតាំងពីថ្ងៃនោះមក សម្ដីបានណាស់ ចាំមើលនាយប្រដៅចេញម្ដង។
"ម្សិលម្ង៉ៃក្មេងនោះមកផឹកនៅក្លឹបចៅហ្វាយជាមួយមិត្តភក្តិ ចៃដន្យខ្ញុំឃើញក៏ប្រាប់មេកាឲ្យយកថ្នាំទើបនាំចូលថ្មីដាក់ក្នុងស្រារបស់គេ ថ្នាំល្អសាកហើយធ្វើឲ្យអារម្មណ៍សប្បាយមិនកើតទុកព្រួយតែញៀនខ្លាំង ទើបម្សិលមិញក្មេងហ្នឹងមករកថ្នាំទៀត ខ្ញុំក៏ឲ្យទៅគេមួយគ្រាប់ទៀត ឥឡូវប៉ារបស់គេដឹងថាគេប្រើថ្នាំ ខំចាប់ឃុំទុកតែក្មេងហ្នឹងនៅលួចរត់មកទៀត លើកនេះមកសុំថ្នាំម្ដងព្រោះគ្មានលុយជាប់ខ្លួន គេថាចង់ឲ្យគេធ្វើអីក៏បាន គេព្រមទាំងអស់ ឲ្យតែបានថ្នាំ"គីសនិយាយប្រាប់តាមដំណើរ ហើយក៏ប្រញាប់អោនក្បាលគោរពពេលចៅហ្វាយរបស់ខ្លួនញញឹមចុងមាត់មិននិយាយអីមួយម៉ាត់ រួចដើរទៅរកបន្ទប់ដែលនាយឃុំក្មេងសម្ដីថ្លុះនោះទុក។
~~ក្រាក~~
សម្លេងទ្វាបើកពន្លឺឡើង ក្មេងតូចអាយុ១៧ឆ្នាំប្រញ៉ាប់ងាកទៅមើល ហើយក៏ត្រូវបើកភ្នែកធំៗ ព្រោះឃើញមនុស្សប្រុសដែលគេបាននិយាយឈ្លើយដាក់កំពុងដើរមកជិតគេ។
"ជុ! ជុ!"កម្លោះសង្ហារជញ្ចក់មាត់ក្រវីក្បាលតិចៗធ្វើដូចអាណិតជីមីនណាស់ តែតាមពិត នាយកំពុងតែសមបំណងទៅវិញទេ។
