နာကျင်မျက်ရည်( 2)- part (7)
သီချင်းဆိုနေသည့် မင်းခ ကို ပန်းစည်းပေးတော့ အာက်က ပရိတ်တွေက လက်ခုပ်တွေတီးကြသည်။
မင်းခ မယူချင်ဘဲ ပန်းစည်းကို လက်ခံလိုက်ရသည်။ မယူလိုက်လျှင် မင်းခက မာနကြီးပြီးကိုယ့်ပရိတ်သတ်ကို စော်ကားသည်ဟု ပြောကြပေဦးမည်။ ထို့ကြောင့် လက်ခံထားလိုက်ရသည်။
သီချင်းဆိုနေသော မင်းခရဲ့ နားရွက်နားကို ဖြည်းဖြည်းချင်းကပ်လာပြီး
" ကို့နာမည်က ရှိန်း...." ဟု ခပ်တိုးတိုးလေးပြောသွားသည်။
နာမည်လိုက်အောင် မင်းခရင်ထဲ ရှိန်းသွားသလို ဒေါသတွေလည်း ထွက်လာသည်။
သီချင်းဆိုပြီး နားနေခန်းကို ရောက်တော့
ပန်းစည်းကို ဒေါသတကြီး အားကုန်ပစ်ပေါက်ပစ်လိုက်သည်။အားလုံးက မင်းခကို အံ့ဩသည့်မျက်လုံးတွေနှင့် ငေးကြည့်နေကြတာကို မင်းခသိသည်။
" မင်းခရယ်.... ကိုယ့်ပရိတ်သတ်က လက်ဆောင်ပေးတာကို ဘာလို့ဒေါသထွက်နေရတာလဲ...." စည်သူမောင်မောင်က ပြောတော့
" စည်သူ သူ့က ပရိတ်သတ်ဆိုတာကို ခုတုံးလုပ်ပြီး ငါ့ကိုလာချိုးသွားတာ... ဘာတဲ့
အဲ့ကောင်နာမည်က ရှိန်းတဲ့...." မင်းခက ပြန်ပြောသည်။Dancerအဖွဲ့ထဲမှ တစ်ယောက်က
"ဟင်....ရှိန်းတဲ့လား.... ရှိန်းဆိုတာ Grand Ace Villa ပိုင်ရှင်ရဲ့သား ရှိန်းဆက်နောင် များလား..." ဟု ဝင်ပြောလိုက်သည်။
" Grand Ace Villa ဟုတ်လား ...
သူ့ အကြောင်းကိုငါ ကြားဖူးတယ်
High boss ကြီးရဲ့သားဆိုတော့ နာမည်ကြီးတယ်လေ .... ရုပ်ကလည်း ရှယ်လန်း... Modelလုပ်လို့ရရဲ့သားနဲ့ သူက စိတ်မဝင်စားလို့သာရယ်..."" ဒီလောက် ချမ်းသာတာ ဘာလို့ Modelလုပ်မှာလဲ နင်ကလည်း...." ကောင်မလေးတွေ အချင်းချင်းပြောနေကြသည်။
" သူက ဒီကို ဘာလာလုပ်တာလဲ...."
"ဒီလာမှတော့ Stage show လာကြည့်တာနေမှာပေါ့..."
"သူလာကြည့်တဲ့အချိန်ကလည်း မင်းခ တက်တဲ့ အချိန်ကြည့်ပဲ..." ကောင်မလေးတွေ နောက်တော့ မင်းခပိုပြီး ဒေါသထွက်လာသည်။ ထို့ကြောင့် ထိုနေရာကနေ ချာခနဲ လှည့်ထွက်လာခဲ့သည်။
YOU ARE READING
နာကျင်မျက်ရည် (BL Story) Season 2
Romans"သူ့အတွက်ပေးဆပ်ခဲ့သမျှ ပြန်ရခဲ့တဲ့အရာတွေက နာကျင်စွာကျခဲ့ရတဲ့ မျက်ရည်တွေ..." Coming soon