♾ نهاية ألبداية ♾

P 4

كل أللحظات التي بدوت لك فيها بأني
بارد وكاني لا أشعر
كنت أشعر حينها كثيراً
"أكثر مما ينبغي"
✨______________________✨

.
.

ليقاطعه أسامة الذي واقف ورآه وحاطط أيده بجيوبه: مرحبا غيث

ليلتفت غيث ونظر له وهو كاتم ضحكته
"على تفكيره انو أسامة بيحب أمه"
نور: يعني انتو بتعرفو بعض؟ الله يسامحك اخي طيب ليش ماحكيتلي كنت اجي اشوفو معك مابعرف غير خالتي
غيث ضحك وحك رقبته: بتضلي أحسن مني أنا ماكنت بعرف حتى خالتي
أسامة شاف خدود غيث عم يصيرو حمر ليقرب منه ويمد ايده: مرحبا مره تانية غيث
غيث مد أيده هو ايضا: مرحبا، "ليقلب عيونه" يلا خلونا ننزل لتحت
أسامة: انا راح اغير تيابي واجي
أومى كل من نور وغيث، و قاعد غيث يشرح الها عن الي كان أبالو لأنو سالتو ليش عم يضحك ونزلو وهما عم يضحكو لحتى ماوصلو وقعدو على الطاولة
شيرين: ليش عم تضحكو؟ ضحكونا معكم
نور: ولاشي بيني وبين غيث
نزل أسامة وقعد امام غيث
شيرين: غيث تعرفت على أسامة؟ هذا بيكون ابني الوسطاني
غيث ونور اطلعو ببعض وضحكو
ليلى: شو عم يصيرمعكم انتو ؟
نور: غيث ماعاد فيني لازم احكيلهم، غيث كان مفكر
غيث: نور، نورررر لااا
نور: ماما غيث كان مفكر انو أسامة عم بتقرب لخالتو الصبح بالاجتماع لانو بأس ايدها
غيث خجل صار وجهه أحمر من الخجل
ضحكو الكل على تفكيره
ليلى: كان عم يحكيلهم اني خالته ولانو غيث مابيفهم إيطالي مافهم الموضوع
شيرين: ليش مابيعرف مو كان لازم تعلمي لغة بابا شو بس لغة ماما معلمتي
غيث: مو صح خالتو لا وماحكولي وانا أساساً كنت كابب القهوة على أسامة الصبح وعصب عليه وعشنا قبلها حادث صغير
شيرين: حادث شو؟ أسامة عنجد هلحكي ؟
أسامة: مو شي مهم كانو عم يزعجو وهو لأنو مافهم عليهم ساعدتو بعدين ماكنت بعرف انو هو غيث
شيرين: لاتزعل غيث بس أسامة مابيعرف يحكي منيح مع ناس جدد ومو قراب عليه حتى احنه لحد الان ماسمعنا كلمة طيبة منه دائماً يحكي بأمر
ليلى: لا مابسمحلك تحكي عنو هيك لو مو هو ماكان جيت اليوم وسويت هالمفاجاة الحلوة
شيرين: اي والله ليش ماحكيتلي انك جاية البارحة كنت عم احكي معك ولا بينتيلي انك هون
شيرين: اي حبينا نفاجاكم أنا وأبن اختي
أسامة: صح غيث اسف على الي صار الصبح
نور: شو شو؟ ماما كانو أسامة اعتذر لغيث والا انا سمعت غلط ؟!
أسامة بحده: نوررر !
نور: اوك اوك نزل حواجبك وماتعصب
ليلى: مافهمت ليش مكبرين والقصة ؟
شيرين: لساتك مابتعرفي أسامة اختي، أسامة مابعتذر من حده
أسامة ببرود: يعني اجتمعتو لحتى تحكو عني، خالتو راح تضلي هون صح؟
ليلى: لا يعيوني حاجزين فندق
شيرين: فندق شو وبيتنا موجود عيب هالحكي اختي
أسامة: اي راح تضلو هون
ليلى: مابعرف شو رأيك غيث ؟
غيث: لا خالتو ان شاءلله غير مره بلكي
نور بترجي: غيثثث بليزززز بليززز ضلو هون في غرف كتير هون اختار اي وحده بدك ياها
أسامة: راح تضلو هون خلص تسكر الموضوع ماراح اسمح لخالتي تضل بفندق
غيث بعصبية خفيفة: شو على كيفك مابدي
أسامة: ماتعاند بعدين شو الي زاعجك ؟
غيث: مابعاند بس بكره عندي مقابلة مع أحدى الشركات وغراضي كلها بالفندق
"هو صح عنده مقابلة بس كمان مابدو يضل لأنو ماحب أسامة"