Legend Of Male Empress(Completed)

Part..3

ဆောင်းဦးဝင်ကာစအချိန်အနီရောင်မက်မွန်ပွင့်တို့မှာအဖူးအညွှန့်တလူလူ။ဆောင်းလေပြေသည်မနက်ခင်းအချိန်အခါပိုမိုလတ်ဆတ်သန့်ရှင်းနေပြီး စိတ်ကြည်လင်လန်းဆန်းစေသည်။ချင်နိုင်ငံရဲ့မင်းနေပြည်တော် ချန်အန်းမှာရှိတုန်းအခိုက်မက်မွန်တွေပွင့်ချိန်ထိုအနီရောင်မက်မွန်ပန်းပွင့်တွေအားငေးကြည့်ရသည်ကိုထယ်ယောင်းအလွန်နှစ်ခြိုက်မိသည်။အခုတော့ထိုအနီရောင်မက်မွန်ပွင့်တွေနဲ့ဝေးကွာခဲ့ရပြီလေ။ဂျီယာ မှာမက်မွန်တွေထက်ချယ်ရီတွေပိုများပြားကာဂျီယာ၏နန်းတော်အတွင်းတွင်ရောင်စုံချယ်ရီပန်းတွေက အကိုင်းအခက်အလက်အပြည့်အစုံဖြင့်ဖူးပွင့်ဝေဆာနေကြသည်။ချယ်ရီနဲ့မက်မွန်ဘယ်ဟာပိုလှလဲလို့မေးရင်....ထယ်ယောင်းကချန်အန်းကမက်မွန်တွေကိုသာရွေးမိပါလိမ့်မယ်။ဂျီယာရဲ့ချယ်ရီတွေက...သူ့လိုသစ္စာဖောက်တစ်ယောက်နဲ့မထိုက်တန်။အခုဆိုရင် ဂျီယာသို့ရောက်နှင့်တာသုံးရက်
မြောက်ပြီးဖြစ်သော်လည်းရိုးရာ ဟန်ဘော့အားပြန်လည်ဝတ်ဆင်းရခြင်းမရှိသေးပါ။သူ့လိုတိုင်းပြည်သစ္စာဖောက်တစ်ယောက်အတွက်ရိုးရာ ဟန်ဘော့နှင့်မအပ်စပ်ဟုဧကရာဇ်အရှင်က ထုတ်ပြန်ထားသည်။ထို့ကြောင့်ထယ်ယောင်းအပြင်အဆင်မှာဟန်းဂုလူမျိုးတွေနဲ့ကွဲထွက်ပြီး
အရှေ့ပြည်မကြီးသားတစ်ယောက်နှင့်သာဆင်တူ
တော့သည်။နန်းတွင်းမှာတော့...သစ္စာဖောက်ကင်ထယ်ယောင်းတစ်ယောက်ကွပ်မျက်ခြင်းမခံရသည်မှာမဟာကံကောင်းမူ့တစ်ခုလို​ပြောသော်ငြားထယ်ယောင်းကမူ့ဒါကိုကံကောင်းခြင်းဟုမထင်သူဆပ်ရမည့်အကုသိုလ်ဝ၌ကြွေးတစ်ခုလို့သာခံယူထားသည်။လွန်ခဲ့သောဆစ်နှစ်တာရဲ့နယ်စပ်စစ်ပွဲ တွေအတွင်းသူ၏သွေးသောက်ညီအစ်ကိုတွေနဲ့သူပါတစ်ခါတည်းရောသေခဲ့ရင်ဒီနေ့ဒီလိုနာကျည်းစရာအဖြစ်မျိုးကရှိနိုင်တော့မည်မဟုတ်ပါ။အခုတော့...ထယ်ယောင်းမှာမရှည်သောသက်ပြင်းကိုသာ ချရင်း ပြူတင်းပေါက်က တဖွဲဖွဲကျနေတဲ့နှင်းထုကိုသာတမေ့တမောငေးနေမိသည်။ ထယ်ယောင်း၏လှပသောမျက်နှာလေးမှာအတော့်ကိုချောင်ကျသွားပြီးမျက်ဝန်းအိမ်တွေမှာညိူးရော်နေသယောင်။မျက်ခမ်းစပ်နားကမျက်ရည်ပူတွေစီးကျလာခဲ့ပေမဲ့သူထိုမျက်ရည်တွေကိုမသုတ်ဖြစ်ခဲ့ပါ။