Legend Of Male Empress(Completed)

Part.16

အိမ်ရှေ့စံငယ်လေးမှာအရင်လို စာသင်ချိန်တွေ
ပတ်မပြေးတော့။လိမ်လိမ်မာမာစံအိမ်တော်အတွင်းစာအံနေသည်ကိုကြည့်ရင်းအရှင်မင်းကြီး
ဂျုံးကုမှာသဘောတကျရှိလှသည်။တိုင်းပြည်အုပ်
ချုပ်မင်းလုပ်မဲ့ဘုရင်ကတိုက်ခိုက်မူ့၊လက်ရုံးရည်ပဲ
ပြည့်စုံနေလို့မရ။တစ်ခြားဥာဏ်ပညာဗဟုသုတကြွယ်ဝစေမည့်စာပေကျမ်းဂန်များကိုလည်းလေ့
လာလိုက်စားသင့်သလိုလောကနီတိ၊လူကျင့်ဝတ်
အထွေထွေကိုလည်းသင်ယူတတ်မြောက်ရန်အရေး
ကြီးသည်။ထယ်ယောင်းကလည်းကြိုးစားပန်းစား
ကိုယ်ဖိရင်ဖိသင်ပေးတယ်။မနက်ဆိုအိမ်ရှေ့စံနန်းဆောင်၌တည်ငြိမ်သောအိန္ဒြေဖြင့်စာပေသင်ကြားနေသောထယ်ယောင်းကိုတွေ့ရမည်ဖြစ်ပြီးညဘက်ဆိုဧကရာဇ်၏စာကြည့်ဆောင်တွင်မှတ်တမ်းမှတ်ရာများကိုကူညီရေးသားပေးနေသည့်စစ်သူကြီးကင်မ်ထယ်ယောင်းကိုတွေ့မြင်ရမည်သာ။ဧကရာဇ်နှင့်အပြိုင်ညီလာခံအတွင်းရော၊တစ်ခြား လူမူ့ရေးနယ်ပယ်အသီးသီတို့တွင်စစ်သူကြီးကင်မ်ထယ်ယောင်းသြဇာအာဏာသည်တစ်စတစ်စကြီးထွား
လာရသည်။တစ်ချို့ဆို...နောက်ကွယ်ကနေဧကရာဇ်၏လုပ်ပိုင်ခွင့်အားလုံးကိုစစ်သူကြီးကချုပ်ကိုင်ထားဘိသကဲ့သို့ပြောကြဆိုကြကုန်၏။

ထိုသတင်းစကားများသည် မိဖုရားခေါင်ဧကရီ၏
ရွှေနားတော်အတွင်းမရောက်ပဲနေပါ့မလား။ဧကရီ
သည်အမြဲထိုသတင်းတွေကြားတိုင်းရင်တစ်ထိတ်
ထိတ်။အရှင်မင်းကြီးကဘယ်လိုအတွေးမျိုးနဲ့များစစ်တပ်အာဏာပိုင်သည့်လူတစ်ယောက်ကိုအလုံးစုံယုံကြည်ရဲရတာလဲ။ဟိုကတပ်အင်အား
သုံးကာပုန်ကန်မည့်အရေးမတွေးပေဘူးလား။
နေရာတကာအရှင်မင်းကြီး၏မျက်နှာသာပေးမူ့ကိုခံနေရသောကင်မ်ထယ်ယောင်းကိုဂျီယောနန်းတော်အတွင်းဘယ်သူမှမထိရဲကြ။အားလုံးကအရေးပေးကာချီးမြှောက်ခယနေကြသည်မှာမိဖုရားဧကရီဖြစ်တဲ့ သူမတောင်မနာလိုဝန်တိုဖြစ်မိတဲ့အထိ။ထိုလူများထဲမှ...မိမိသားအိမ်ရှေ့စံဂျွန်ဂျောင်ကုသည်အဆိုးဆုံး။ မိမိကလွဲအခြားလူတွေနဲ့ခပ်တန်းတန်းနေတတ်တဲ့ကလေးငယ်မှာကင်မ်ထယ်ယောင်းနောက်ကိုတော့တစ်နေ့လုံးမမောနိုင်မပန်းနိုင်လျှောက်လိုက်နေတတ်သည်။အရင်ကဆို
လီဆိုဟီးမကြိုက်ကြောင်းတစ်ခွန်းဆူလိုက်ဟောက်လိုက်လျှင်ငြိမ်ကျသွားတတ်တဲ့ကလေးကအခုတော့ကင်မ်ထယ်ယောင်းနားမကပ်ဖို့သေလောက်အောင်ဆူ...ပေပေတေတေပဲ။သားအဖနှစ်ယောက်လုံးထိုမြေခွေးလိုအကောင်နားကမခွဲနိုင်မခွာရက်ကြ။ကံကောင်းသည်က...ကင်မ်ထယ်ယောင်းကယောကျာ်းဖြစ်နေလိုသာပေါ့။မိန်းမသာဆိုရင်အရှင်မင်းကြီးရဲ့မိဖုရားခေါင်ဧကရီနေရာကမိမိမဟုတ်ဘဲ ကင်မ်ထယ်ယောင်းဖြစ်နေလောက်ပြီ။ငယ်ချစ်တွေလေ...သံယောဇဥ်ကနည်းနည်း
နောနောလား။တဖြည်းဖြည်းတွေးရင်း...သားနဲ့ယောကျာ်းအားအလုခံလိုက်ရသလိုခံစားချက်ကြီးကြောင့်လက်ထဲကသောက်လက်စရေနွေးခွက်အားကြမ်းပြင်ပေါ်သို့ပစ်ပေါက်ခွဲလိုက်သည်။