الكاتبة يقين
نور- حضرت المير الابويه ومن خوفي دا اطلع اركض ما حسّيت الا ابويه سحلني من شعري حاولت ادفعه اخلص روحي مگدرت قفل الباب واني جسمي يرجف من الخوف واعيط فدوه يابه عيفي والله مقصرت حطيتلك الميز مثل يوميه فدوه يايه اني بنتك الله يخليك عيفني شگول الامي شگول الخواتي طبعا هو ولا چنه يسعني سحلني بالگاع صار فوگايه شگ دشداشتي خرمشني رگبتي كلها دم گطع شعري حاولت أقاوم ابجي اصيح بس مو إنسان حسّيت حيوان وحش اغتصبني مو ابويه ماعنده رحمه
نورس -ضليت ادگ الباب وأصيح لج نور اشبيج فدوه جاوبيني لك يابه افتح الباب الله يخليك اشبيها نور يابه اسمعني الله يخليك بس ماكو محد فتحلي الباب ضليت ادك حاولت اكسر القفل بس ماكو فايده ما انفتحت الباب
نور-ما ضَل مكان بجسمي ما صار ازرك هلگد ما قاومت وهو يضرب بيه ويعتدي ويشرب ويشمر من البطل مالته على راسي ووجهي ويضحك خلصن دموعي وراح صوتي وهو ماعافني الحد ما خلص مني گام دفرني ومدد على صفحه اني گمت ياريتني متت جوه ايده ولا اگوم واواجه امي وخواتي بهذا المنضر جسمي كله دم دشداشتي نملت دم ومشگوگه على طولها جسمي كله گام يوجعني حتى مشي مگدرت امشي شلون اطلع شگول الامي شلون اضم نفسي بيش استر روحي ياااااربي ؟
طلعت من الاستقبال رجل تطلع ليگدام رجل ترجع ليوره من الخجل والضلم الي صار ويايه من قبل ابويه الي هو لازم يحميني صار لازم احتاج احد يحميني منه لاگتني نورس
نورس-نوره هاي اشبيج هاي شسوالج ابويه شنو هل دم شسوااالج شبگتها وابجي بس نور متحجي ولا تبجي وبس تمشي مثل الجسد بلا روح راحت صعدت فرك دا ادخل وياها الغرفه دفعتني وقفلت على روحها
نور -طبعا من طلعت من الاستقبال سمعت نورس تحاجيني بس مفتهمت ولا كلمه لان بالي بس يم الموقف الوحشي الي صار ويايه صعدت للغرفه الفوك وقفلت على روحي گعدت بركن الغرفه ابجي اگول بعد شلون واح أواجه الناس ضاع شبابي ضاع مستقبلي ضاعت كل أحلامي بعد منو يقبل ياخذ وحده مثلي واباوع على جسمي استحيت حتى اباوع على روحي بالمرايه ضليت حابسه روحي يومين فوك منزلت ولا اكلت وخطيه خواتي اسمعهن يتوسلن بيه حتى بس اطلع ويطمئنون عليه ضلو بلا اكل امي تمرضت مروه اسمعها بس تبجي ومتقبل تأكل اتعس ايّام مرت عليه وعلى امي وخواتي فكرت انتحر وره يومين بين نايمه بين گاعده اسمع مروه تبجي بالباب تصيح ماما انتي بعد متحبيني متريديني انتي هم صرتي مثل ماما الجبيره بعد متمشين لعد اني منو يوكلني ويغسلني وتبجي كسرت خاطري فتحت الباب وشبگتها وضليت ابجي نزلت لگيت امي متخربطه شبگتني وتبجي تگول كله صوجي اني لو بيه حض واگدر امشي مجان صار وياج هيج اني ساكته بس ابجي ماعرف شجاوبهم وبهاي الاثناء دخل ابويه للبيت ???
انتضرو البارت الثالث اتمنى البارت نال إعجابكم وأحب اسمع رأيكم بالبارت
