الكاتبة يقين
احمد _طبعا الطريق كله افهم بيهم اذا وصلنه ممنوع احد منكم ينزل الا نتأكد أبوكم مو بالبيت طالع ومنريد يفتهم احنه اجينه حتى ميجبرهم يجذبون ويحجولنه الحقيقه امير صاح لا انزل گله ممنوع والله ازعل عليك گال شلون تريدني أبقى بالسياره وماعرف امي والبنات شديصير بيهم بالبيت وطبعا اني اهنا متفق ويه صاحبي عندي صديق بكربلاء محامي جان ويايه درسنه وتخرجنه سوه اخو ظابط وحاجيته على اساس انو بالكي عنده عرف بشرطه الحله او احد يگدر يساعدني بس هذا اتفاقي ميعرف بي امير لان امير قرر بس يكشف ابو يكتله بأيده ؟؟
نور -احمد وامير يحجون ويتفقون بس اني ما اگدر افتهم زين لان محمد الطريق كله يبجي ومصخن انطيته خافظ حراره بس منزلت صخونته وميقبل يشرب مميه الحليب ماعرف اشبي 😓
امير -قررت بس نوصل للبيت ادخل واذبح ابويه وأخذ حق خواتي وامي منه بس احمد حذرني وگال لازم عندك دليل قبل متگتله حتى تعتبر قصت شرف وحتى العشيره توگف وياك مو ضدك وهم حسافه تضيع شبابك بالسجن وتعيف أمك وخواتك عرضه للرايح والجاي بعد ميعرفون قصتهم ويه ابوهم واقتنعت بحجيه واني هم ردت اروح كليه عسكريه لان هذا حلمي واخاف اذا اسوي شي حتى حلمي يروح .
احمد -اول ما وصلنه خابرني صديقي وگال رهمتلك الجماعه نزلت بسرعه من السياره وضليت اخابر ويه صاحبي واتفق گتلو منو عرف يعني لان ما اريد احد يفتهم من الجوارين اريد الشغله بالسر وهم اني مگايل الاحد متفق ويه شرطه اريد كلشي بالبسكوت ماريد أصوات وإطلاق نار ماريد احد يحس اكو شي گال امن اخو نسيبنه عقيد من اهل الحله ونطيناه رقمك ووصيناه على كلشي واذا تحتاجني اني هم اجيك كتله مشكور متقصر راح انتضر اتصال العقيد لان احنه وصلنه تمام سد الاتصال ؟؟
امير-وصلنه وضلينه ننتضر ساعات وابويه مطلع راح احمد جابلنه شي ناكل وضلينه گاعدين بالسياره ننتضر بس هذا الطفل نمرد بالحر وهو منا مريض بس يبجي لهناك صارت العصر وبعده مطالع ضلينه حايرين خاف هو اصلا مو بالبيت
أحمد -كتلنه الجوع راح اروح اجيب شي نأكله رحت نزلت من السياره بحجت اجيب شي ناكل ورجعت خابرت صديقي لان العقيد ما اتصل اخذت رقم العقيد اسمه العقيد رائد وخابرته خطيه اعتذر مني على التأخير بالاتصال بس گال جنت اجمع فريقي الثقه على مداهمه من نوع خاص وتفقنه انو ادخل واصور وراح يجي ينطيني كامرات ازرعها بالبيت وجهاز تسنط حتى نكشف الاب بدون منخسر احد لاخ وبدون ما الابن يرتكب جريمه وبعد مخلصت اتصال وعرف مكاني رجعت جايب لفات آكلو خابرني الولد وره نص ساعه اخذت منه الاجهزه وعلمني شلون وين اخليها وهمه بالسياره وره البيت راح يتابعون ومن يكشفون راح يداهمون وياخذون الاب قبل ما تصير جريمه
نور-صارت الساعه ٦العصر طلع ابويه هو متعلم يطلع هيج وقت ويرجع ب ١٢باليل واخيرا طلع نزلنه واتفق احمد بلا صوت وعلى كيفكم حتى نلحك نفتهم من امكم والبنات شديصير بالبيت
امير- نزلت دگيت الباب فتحت نورس شافتنه شهگت من البجي نريد بس نفتهم منها شكو متحجي دخلنه شفنه امي ضعفانه خلصانه وكلش تعبانه دخل احمد گال خاله فدوه احنه جاين نساعدكم ونخلصكم بس بالاول دلوني وين مكان أبوكم الي دائمن يگعد بي اخذته نورس دلته على الاستقبال
نورس- من دخلو شبعت بجي اريد بس احد يشاركني حزني على نهاد وشلون ماتت بأيدي من شفت وياهم احمد خليت شال على راسي احمد گال راح أساعدكم بس راد مكان الي يگعد بي ابويه اخذته للاستقبال احمد ضَل يخلي شغلاات بالاستقبال سألته شنو هذني گلي اذا گتلج متحجين الاحد وتصرفين على طبيعتج گالت گول گال هذني كامرات حتى اكشف ابوج وينسجن وينعدم وتخلصون وترتاحون واني عرفت كل قصت نور وامير هم عرف واني ما اريد امير ينسجن وتضلون بلا اخ لازم امير ميعرف بالكاميرات حتى يتصرف على طبيعته وانتي لازم تساعديني نكشف ابوج وهس لازم ننجمع سوى ونتفق ونسمع القصه منكم وين نهاد
من سألني على نهاد طگيت بجي وأخذته للحديقه ولج وين جايبتني اختج وين نهزمن اجو نور وامير على صوت بجيي گتلهم ااي نهاد ما نهزمت نهاد ابويه گتلها ودفنها اهنا😭😭
نور -من سمعت هيج حسّيت الدنيا صارت ضلمه بعيني ولج نورس گولي جذب گولي شقى عليج الله وين نهاد
نورس-والله نهاد اهنا متصدگون حفرو وشوفو ندفنت اختي اهنا خافت عليه لا اموت ماتت بمكاني
احمد -نصدمت صدمه عمري بعمي وشلون عائلته متحملين هذا الضيم حسّيت ابويه السبب بتدمير هاي العائله وقت الي جان جاين عليه يقتلو عشيره ثانيه وجان هو مطلوب دم ابويه گعد ويه العشيره الثانيه وانطاهم حل النفي واذا شافو بالبصره الهم حق يقتلوه يعني اني برئي لو ابويه الشيخ خالهم يقتلوه وتبقى عائلته جوه عينه ولا هو الي خاف على اخوه من القتل ضلم عائله كامله راد امير يحفر الحديقه مخليته گتله خاف ابوك على ساعه يدخل
خل ندخل جوه علمود نكشف ابوك
اتفقنه انو نور أولا تصعد فوك هيه وابنها لان بس يبجي وما تحسنت حالته وتاخذ وياها مروه لان صغيره وخاف تحجي شي او تفتن أخذتهم وراحت للغرفه الفوك وگنالها بس تسمعين صوت الباب روحي للسطح حتى صوت ابنج ويسويلنه سالفه
واتفقت ويه نورس تروح تعدل روحها ومن يجي ابوها تجي گدامه وحتلو مطلب الميز هيه تحضرله واذا لزمها راح تحاول تجرجره بالكلام حتى يعترف على قتل نهاد واهنا احنه نطلع بسرعه واتفقت ويه نورس بلا ما احد يدري تعيف باب الشارع مفتوح حتى يگدر العقيد رائد يدخل بسهوله
الام -يمه فدوه شدسوين يمه نورس هذا ضالم ليأذيج لك يمه امير انت السند يمه لتروح من ايدي بعد منو الخواتك
نورس-لتخافين يمه احمد وامير يمي وان شالله اكشفه وأخذ حق نور ونهاد منه
احمد -اوعدج يمه اله أخذلكم حقكم منه بدون ميتأذه احد من جهالج وان شالله ترجعون ويايه للبصره وتعيشون بسلام بس اندعيلنه نكشفه وميحس بشي .
امير-اكو بالاستقبال ميز مال فراش مغطى بشرشف قررت اختل جواه حتى ميلحك يأذي نورس
احمد -اني طلعت بره ختلت بالحديقه يم شباك الاستقبال وخليت البرده شويه مفتوحه حتى اكدر اشوف واسمع وأصور حتى يصير عندي دليل خاف احتاجه بمرافعه او اودي دليل الابويه وهم حتى اخاف يقفل الباب اني اگدر افتح باب الشارع وادخل العقيد وفريقه قبل ميصير شي وأندم عليه لان اني سبب هاي الخطه
صارت الساعه ١١باليل وكل احد راح المكانه نور صعدت نومت ابنها ومروه بأخير السطح والأم سوت روحا عود نامت بمكانها ونورس دخلت بدلت دشداشه شويه ضيگه وشگتها من جها مثل الفتحح ومشطت شعرها وذبت شال خفيف على شعرها اهنا انفتحت الباب وعم الهدوء بالبيت نورس سوت روحها بالمطبخ دتسوي شاي دخل الاب وشافها🤨
گاللها شعندج گاعده گالتله هيج دا اشرب شاي لو حرام گلها ازقنبي وتعاي حضريلي ميزي؟؟؟؟
اتمنى لكم قرائه ممتعه
