الكاتبة يقين
نهاد-سمعت صوت ابويه يصيح ونورس تتجادل وياه وهو يضرب بيها خفت على اختي لتموت بيده گتله يابه فدوه عيفها اني اسويلك الي تريده عافها گال خليلي الميز رحت حضرتله الميز دا اطلع مدلي رجله وگعت على وجهي خفت دا اگوم اجه عليه دفعته وگع بالگاع صار عصبي وشال البطل مالته وضربني بي على راسي ........
نورس-اجيت اركض لگيت نهاد واگعه بالگاع والاستقبال مليان دم اختي غرگانه بدمها وابويه گاعد على صفحه يباوعلها وبعينه خوف فقدت ضليت اصيح ولَك شسويت شسويت ياضالم على صوت عياطي امي خطيه اجتي زحف للاستقبال ضلت تبجي وتعيط تگوله گوم اخذ بتك للطبيب مقبل ضَل يصيح. لاع لاع تردون تسجنوني ضمدوها هسى تصير زينه والله منحجي بس اخذها للطبيب گام جاب شرشف ولف بي رأسها بس الدم موگف رحت اطلع اصيح اريد اروح اصيح الجوارين يساعدونه مقبل سحلني دفعني للاستقبال وقفل الباب علينه نباوع على نهاد بالگوه تفتح عينها ودمها ميوگف ضلينه نعيط ونصيح فدوه افتح الباب والله نگول وگعت منحجي منجيب طاريك مافتح الباب احنه مخلينه شرشف بالاستقبال غطه شي نخلي على رأسها ويغدگ دم ضلينه نمسح وجها تحاجيها ماكو بس گالت سلمولي على نور وامير واغمى عليها ندك يمعود افتح منحجي والله منحجي نگول وگعت ماكو ما فتح الحد مفزت مروه على العياط فتحت الباب بس مع الأسف فات الأوان ماااتت نهاد اَي ماتت 😭😭اجه ابويه على صوت اليبو واللطم لزمها شافها بارده سمع نبظ ماكو گام اخذ شرشف لف بيها نهاد وحفر بالحديقه ودفنها وگال الي تحجي ندفنها وياها عشنه اتعس ايّام حياتنه اني وامي ويه هذا الوحش القاتل المغتصب اتمنى اكتله بس ماعندي الجرئه مثله وره ايّام اجتي نور وعلي
نور -احس اكو شي بيت اهلي ما مرتاحه وأحلامي كله بيهم ف توسلت ب علي گتله وديني الاهلي بالأول مقبل گال حامل واحنه الحامل عدنه ميصير تسافر طريق اخاف على ابني قريب الولاده اوديج المهم رحت توسلت بعمتي گالتله روح وديها حتلو يوم واحد خطيه قبل علي ياخذني رحت الاهلي وفرحانه وماخذتلهم كومه هدايه وألعاب المشمشه وصلت البيتنه لاگاني ابويه هو فتح الباب واستقبل علي واني حتى سلام مسلمت عليه رحت الامي ااويلي امي ذبلانه شبگتها وضليت ابجي يمه ياريحت الجنه اجتي نورس تركض ولج ليش عفتينه لوتدرين شصار بينه جان ابويه عاط بيها سحلها گلها تعبانين من الطريق جيبي مي شبگت مروه حبيتي شگد مشتاقتلها گلتلهم لعد نهاد وين شعجب مجتني گال ابويه هسه تجي ضليت اسولف ويه امي واحجيلها الي صار ويايه احس امي مخنوگه تريد تحجي شي وتخاف من ابويه نورس من بعيد تباوعلي وتبجي سألت مروه وين نهاد گالت ماهيه راحت ضليت اصيح وين نهاد وين نهاااد جان ابويه خاف من علي گال طلعت من البيت بعد مرجعت مندري وينها علي گله خل نروح نقدم شكوه نسأل الجوارين كله قدمت وسألت مالها اثر
نورس -طبعا ابويه محذرنه محد يحجي وإلا يلحگ نهاد حاولت افهم نور ابويه السبب بس مگدرت عينه تفتر ورانه نور ضلت يمنه يومين وابويه بهل يومين مطلع من البيت وسوى روحه متفاجى ومنتضر خبر من نهاد واحنه هم معرفته شلون نوصل الفكره النور لان هيه الي بيها كافيها واحنه بس نبجي نور صدگت نهاد مهزومه لان تعرف تصرفات ابويه تگول حقها خلصت منه المسكينه متدري شصار بأختها
نور -جانت اتعس يومين مرن عليه بحياتي خلصتها بجي وننتضر خبر على نهاد ماكو علي گال لازم نرجع اني عندي شغل رجعت وگلبي وعقلي يم نهاد گلت لازم من أوصل احاجي امير يروح يدور عليها
اني رجعت وره فتره صار عندي ولاده وجبت عبالهم جبت سبيعي وما سألو لان جان بعدلي ايّام وادخل شهري يعني جبت نهايه الثامن ف الدكتوره گالت ولاده مبكره وعبرت عليهم جبت ولد سمهاه زوجي على اسم ابوه محمد الله يعينك يا محمد على قدرك
من جبت اجه اخويه امير يباركلي اهنا امير صار طالب سادس امتحن ومنتضر النتيجه لمن اجه يباركلي ردت اسولفله على سوالف ابويه وعلى نهاد الي مهزومه بس علي واحمد ابن عمي الجبير گاعدين مگدرت احجي شي بس گتله امير انت لازم تروح الاهلي ترى حالتهم تعبانه وعندي سوالف وياك لازم احجيلك علي تصور علمود نهاد وعباله استحي من احمد ميدري اريد احجي قصتي مدام امير كبر لازم يخلص خواتي ف گال اني بعد جم يوم تطلع نتيجتي اخذها ياله اروح اريد افرح امي واخذج ويايه واهناك احجيلي الي تردي لاع اموري ما اگدر احجيلك اهناك اني أختك انت ليش متفتهمني من اول كلمه
امير -اول مره احس نور مرتبكه وخايفه من شي صح اني بتعدت عنهم جم سنه بس هذا ميمنعها تحجيلي الي بگلبها كتلها اني بعد جم يوم اجيج واحجيلي الي بگلبج
رجعت البيت عمي الجبير الي هو تكفل بيه عمي ابو احمد رجعنه اني واحمد طبعا احمد أحسه اخ صح نحرمت من الاخ بس الله عوضني ب احمد
وره اسبوع طلعت النتيجه وطلعت ناحج ومعدل ٧٩وقدمت على حلم حياتي كليه عسكريه 😍وركضت أفاجئ نور طبعا كلش فرحتلي واخذتني الغرفتها گالت تعال فرصه علي ماكو عندي كومه حجي وياك صعدنه للغرفه
نور - اجاني امير وجايب نتيجته كلش فرحت اول مره احس اني وخواتي واخيرااا صار عدنه سند كبر اخويه كبر سندي گتله اموري بعد انت كبرت وصرت رجال ينحلف بيك وبأخلاقك اني لازم احجيلك الحقيقه الي ضاميها عليك صار هواي واهنا طگيت من البجي وگتله.گتله امير عندي كومه حجي بگلبي لازم اگلك اياه بس ماعرف شلون افهمك وبيا طريقه احجيلك ‘امير نهاد ماكو ...
امير -شنووو؟؟؟
