الكاتبة يقين
ضليت اضرب على بطني واعيط مووت مووت لتجي وتشوف الي اني شفته مراح تگدر تعيش مثل الناس راح تعيش منبوذ مضلوم ‘جان يسمع ابويه صوت عياطنه اني وامي اجه گال شكو الواحد مينام بهذا البيت
الام -آلك عين تنام يعني انت هم بشر مثلنا هم تحس هم تفكر لك انت الله وين راح يوديك انت ضالم فرعون الله ينتقم منك
الاب-شكوو احجي مثل الأوادم لا ادفنج اهنا وتدرين بيه ميرفلي جفن عليج
الام -نور حااامل گلي هسه ارتاحيت شتكول للناس شنگول الأمير امير شلون راح يواجه عمامه شتگول الرب العالمين هذا الطفل خطينه برگبتك
الاب-اول مره اصفن بحياتي خفت ليوصل الحجي الاخوتي وابويه گبل يدفنوني اني وعدل ?عفتهم وطلعت من البيت
نور -يمه فدوه ساعديني شسوي 😭😭الام بس تبجي وتضرب على رأسها
الاب-طلعت وضليت افكر وملگيت غير حل واحد انو لازم ازوجها اَي أزوجها ماكو غير حل خابرت اخويه الوسطاني وبجيتله على حالتي ضعيفه وحصره عليه الاكل ودزيت ابني يم اخويه الجبير حتى يشيل مصرفه وانت اتمنى تجي تخطب بنتي العلاوي ابنك بالبدايه انصدم بعدين انقهر عليه والصراحه نور حلوه متتفوت. وافق گال احاجي علي وأمه واردلك خبر اهنا اطمئنيت ورجعت للبيت
نور -رجع ابويه للبيت لگاني مخرمشه روحي وصوتي رايح من البجي گال يلا خلص حليتها لتبجين شنو حليت شغلتي مالها حل گال حليتها بعد جم يوم عمج ابو علي راح يجي يخطبج العلي
الام-سوده بوجهي شلون تزوجها وهيه بهيج حاله مو بنيه وجماله حامل شنو تريد يذبحوها ويفضحوك
الاب- يوو لتصعبوها خل وره جم يوم من العرس تگوله حامل وخل عود وقت الولاده تگول جبته سبيعي
وره يومين اتصل العم ابو علي وگال احنه راح نجي علمود الخطبه الاب فرح وگله بس عندي شرط كبل اگطع مهر وأخذ البنت وياكم اني ماعندي فلوس اسوي عرس انت اخذها وياكم واحنه راضين بكلشي وانت سوي عرس يمك بالبصره وانت تعرف اني ما اگدر ادخل البصره
وطبعا وره اسبوع اجو يخطبون وياخذون نور
نور- ما ادري افرح ما ادري ابجي أولا راح اخلص من ضيم ابويه بس خاف اوگع بمشكله اذا عرفو وبعدين خواتي شنو ذنبهن خاف يسوي بيهن مثل ما سوو بيه
صار يوم الخميس واجو بيت عمي وياهم عمتي واحنه كلشي ممحضرين وبدشاديشنه طبعن همه اجو مبدلين ومكيجين ضلينه اني وخواتي نباوع على اهدومهم ونتحسر همه اجو قبل يوم حتى عود گطع المهر الجمعه عود يباتون يمنه وطبعا نسيت اگللكم ابويه حذرنه واحد واحد الي يحجي يكون اخر يوم بعمره ؟وطبعا حبيبي امير هم جان جاي وياهم وطبعن امير كلش مصادق ابن عمي الجبير اسمه احمد جاي وياه بسيارته احمد يدرس قانون وكلش حباب طبعا زوجت عمي وعمتي جانو جايبيلنه ملابس وياهم اااويلي عمرنه كله ملابسين ملابس جديده كل ملابسنه مساعدات من الجوارين
ام علي-تعاي حبيبتي نوره تعاي شوفي شنو جبنالج هذا فستان ماروني يجنن عليج حتى تلبسي باجر بالمهر وهذا السيت الأبيض وهذا تراك وردي وحذاء ابيض وجنطه بيضه وحذاء اسود كعب يخبل وجنطه صغيره بيها زنجيل ذهبي وملابس داخليه وفساتين الخواتي واني ثوب بسيط فيزون كلش حلو وبدله تخبل المشمشه واعذروني حبايبي خاف قصرت بس والله ماعرف قياساتكم جبت على حسب الإعمار وان شالله بعدين منقصر ويه نوره
العمه-واني هم اعذروني جبت هذني الفساتين حلوه وبسيطه مال حجاب على عددكم والمروه جبتلها ثوب وأخويه جبتله قميص وبنطرون وأم نور جبتلها جبه
نورس-كمت ابجي اول مره اشوف هيج أشياء جديده صار عندي فستان مال مناسبه وثوب مال حجاب وجايبين ويه كل ثوب مرهميله شال تمنيت اگلهم الي احنه بي بالكي يأخذونه كلنه وياهم بس بعدين گلت خاف يعرفون ويعيفون نور وبعدين الضالم ابويه يكتلنه كلنه
نور-صح اول مره اشوف هيج غراض وهيج ملابس ماركه خلصت عمري بالكشمير وجماله ملبوس الف مره قبلنه بس رغم هذا مفرحت بشي خفت علي يعرف اني مو بنيه شلون خاف يذبحني واخاف اگله وابويه يذبحني ياااربي والله حرت ماعرف شصرف
نهاد -بالأول راح اعرفكم بنفسي وليش اني مفقوده من القصه اني الأخت الثالثه اني مواليد١٩٩٧ هادئة ومالي صوت بالبيت عليه تنضيف البيت اخلص شغلي واصعد للسطح سطحته مغلف ف اني اغلب وقتي أخلصه وحدي بالسطح لا أجادل ولا احجي لذالك دائمن مفقوده وابويه ميحس بوجودي ماخذه دفاتر امير من جان صغير واگعد أتعلم منهن شلون يكتبون وانزل من يردوني ووقت النوم بس هسه حبيت أشارك واسولفلكم على بيت عمي ولبسهم طبعا علي عنده اثنين خوات عبالك أميرات لابسات لبس من هذا الي نشوفه احنه بس بالتلفزيون والاحذيه ورديه وياهن الجنطه والشال نفس اللون ااويلي وللا العطرر 🥺 نامو يمنه همه يسولفون ويشاقون واني وخواتي بس صافنين عليهم حتى عبالك طلعنه حتى حجي منعرف نحجي لعد شگد ضالمنه ابويه
نور -صار الصبح اجتي عمتي گالتلي روحي تريگي وغسلي ولبسي هذا التراك ونطتني مزيل گالت روحي سوي بي وعلمتني طبيت غسلت ولبست التراك طبعا اول مره البس تراك وردي فاتح ونص ردان رياضيطلعت من الحمام گعدت عمتي مشطتلي وبنات عمي جابن كريمات خلن على وجهي وايدي وبدن يمكيجن بيه وحده شسور بشعري طبعا المكياج والشسوار مالاتهم احنه ماعدنه خلصو المكياج والتسريحه البسيطه طلع وجهي وشكلي يخبل الكل صفن عليه وطبعا اهنا جان بعده علي مجاي لان لازم يجيب السيد وياه علمود المهر سمعت امه تخابره لان قريب ديوصل گلوله السيد وياك گاللهم اَي والكيك والببسي هم وياه خلصو مكياجي واضافيري وبدلن خواتي وهم بنات عمي عدلوهن طلعن يخبلن فدوه ما ادري شلون راح افارگهم
ام علي -يلا وصل علي لبسوها السيت الأبيض حتى نگطع المهر
نور- رحت لبست السيت الأبيض وگعدت وره الباب ودموعي تنزل افكر بالي منتضرني وگطعنه مهر واخذوني بنات عمي وبدلولي البدله المارونيه الله حسّيت روحي سندرلا گعدت دخل علي شافني ابتسملي گال هاي وين جنتو ضاميها لبسني الذهب وگصينه الكيك وگالو يلا لازم نروح طريقنه طويل اني حسّيت نگطت دم مضلت بيه گالو يلا بدلي الفستان الي جابته عمتج علمود طويل حتى ترتاحين بالسياره رحت بدلت ولبسته طبعا لونه أوف وايت وجايبيلي وياه حجاب وجنطه والحذاء البيض لبستهن ورحت اوادع امي لگيت امي فحطانه من البجي گالتلي كلمه ما انساها يمه اني دازتج للموت بأيدي اخاف اخليج يموتج ابوج واخاف ادزج خاف يأذوج اهناك واحنه مندري رحت النورس باست أيدي وراسي گالت انتي امي وأختي وكل دنيتي شلون راح أعيش بلياج رحت النهاد خطيه گالت احس من بعدج اموت انتي الهوى بالنسبه الي وانتي جنتي قوتي باوعت لگيت مشمشه گاعده بركن الغرفه وتبجي رحت شبگتها وابجي گالت ماما لتعيفيني حبابه كتلها ارجعلج. گالت لا لتروحين گتلها اروح واشتريلج لعابه وطبعا الكل يبجي ويانه وامير يسكت بمروه يگلها اني باجر اجيبلج اياها التافيت دا اطلع لگيت ابويه گدامي تقربت عليه گتله بصوت ناصي الله ياخذلي حقي منك وطلعنه ركبنه السياره واني الطريق كله افكر شلون راح ادخل وياه الغرفه وغفيت بالطريق ما حسيت اله علي يگعد بيه گومي نور وصلنه للبيت ياااربي تمنيت منوصل دخلنه للبيت اخذو أغراضي واكل للغرفه وگالو علي اخذ زوجتك واصعد بعد روحو ارتاحو ???
