الكاتبة يقين
البارت العاشر
امير -بعد ما خلصنه من دفن الطفل محمد رجعنه تعبانين مهمومين نور تعبت من البجي وغفت واني ضليت صافن على الي صار ويانه حلم حقيقه
نورس-ضليت گاعده بالمطبخ مره اضحك للان خلصنه من الظالم وتحررنه ومره ابجي لان تحررنه بس على حساب نهاد ومحمد دخل عليه للمطبخ احمد راد شاي سويتله وضل يسولف ويايه يسألني شلون جنتو عايشين وشنو الي جبركم تتحملون هيج عيشى ضليت احجيله على ضلم الدنيا النه وعلى الاكل الي جان حسره علينه وله اللبس وله وله شحجيلك احمد احنه الدنيا والكون ضلمنه مو بس ابويه اني عمري ملبست شي جديد خاص بيه عمري مشتهيت اكله من بره واكلتها احنه عشنى بس تنحصر وننتضر الجوارين تصغر عليهم الملابس حتى يدزولنه شتريد احجيلك على الدراسه المدرسناها وله على شنو تريد احجيلك وله اني ليهسه ماعرف شگد قياس البس بالملابس ولا بالاحذيه😭😭
احمد-نورس مردت گلبي اول مره احس بالناس الفقره والمضلومه لان اصلا اول مره اتقرب من احد واسأله لا والناس مني وبيه بت عمي رغم احنه متمكنين وجنه نگدر نساعدهم بس شريد اگول رغم نورس شكلها كلش حلو ونازكه وعجبتني اتمنى أكون سبب سعادتها هيه تخلي شال على رأسها بس شعرها مبين حلو لونه على جوزي وطويل فديت الشعر الطويل 😍
اليوم الثاني خابرونه حتى نروح نستلم جثه نهاد وندفنها ورحنه اخذناها وراحن نور ونورس هنه يغسلنها والأم وياهم
نور -خابرونه نروح ناخذ نهاد وندفنها رحنه اخذناها گبل للمغيسل ردت اغسللها امي گالت قربوني اني اغسل شعرها قربناها ضلت تغسل شعرها وتحاجيتها وتبجي يمه ريت اني مكانج يمه نهوده تمنيت انتو لتغسلوني مو اني اغسلج يمه وتصيح وتبجي جريناها مقبلت گالت عيفوني أمتع عيوني منها يمه اذا راحت بعد وين اشوفها جريناها گوه اني ونورس وعيونه غرگانه دموع حتى بعد صوتنه راح من البجي ودموعنه خلصن وكملته اني ونورس وودعناها ولفتها المغسله الي بالمغيسل واخذناها ودفناها بوادي السلام يم محمد وصيت نهاد حبيبتي ديري بالج على حمودي هذا هم مضلوم مثلج 😭😭
احمد -وبالگوه سحلتهم من يم القبر مال نهاد ومحمد رجعنه للبيت بعد ما خلصنه مراسيم الدفن والجوارين بدو يحسون ويسألون عن سبب الهوسه الي بيتكم صار جم يوم فگنالهم البنيه ابوها ضربها ووگعت من الدرج وماتت والأب هسه مسجون بدو الجوارين يجون يأخذون من خاطر الام والبنات اني بعد اسبوع ضليت يمهم بعدها قررت ارجع للبصره لان عندي هواي قضايه ما اگدر ااجلها اكثر وتفقنه نگول للعمام نفس ما گلنه للجوارين يعني نخفي على باقي القصه ومقبلت عمتي وامير يرجعون للبصره گالو نضل اهنا وامير گال اني بعد ما اگدر اعيف امي وخواتي وحدهم اهنا اما نور ونورس گالن منطلع منا الا نشوف إعدامه الابونه حتى نتحرر من صدوك اهنا رجعت وحدي للبصره وقررت ما أهدئ ولا يرتاحلي بال الا اسعد عائلت امير وخواته وأعيد ثقتهم بنفسهم من جديد وصلت غسلت وبدلت ضلت امي وإخوتي يسألوني مكتلهم شي انتضرت ابويه وگتله يابه اخوك مسجون گال يابه اريدك ادافع عنه وطلعنه شنوو يابه شطلعه شلون ادافع على واحد مغتصب قاتل مجرم ابويه تعجب گال ليش تگول هيج على عمك گتله يابه إسمحلي هذا مو عمي وترى هو قتل بته الوسطانيه ولگيناه دافنها بالحديقه طبعا ابويه تعجب وخنگته العبره اني گتله نص الحجي بجى لعد لو يدري شمسوي بنور جان شسوى المهم رحت ارتاحيت وباليل خابرت علي وطلعت وياه وحجيتله القصه بما انزلت وشصار ويانه علي ضَل يبجي يگول اني هم شنو ذنبي اني هم ما استاهل الي صار ويايه گتله خو ما حجيت الاهلك گال لا والله ما حجيت وليهسه يسألون عن سبب الزعل اگلهم سبب شخصي لحد يحاول يدخل
حبيبي علاوي رجع نور ترى مالها ذنب انطيها فرصه واسمع منها انت ابن عمها لازم تكون ستر وغطى عليها وانت تحبها والطفل الي جان بينكم خلص راح وأبدي وياها من جديد وساعدني نجيبهم يجون يعيشون بالبصره جوه عيونه
علي-اني ماعرف شجاوب احمد بين الي وافقت وبين الا لان هيه مالها ذنب بالي صار ماشي حبيبي احمد انطيني مجال افكر ما اگدر أنسى بسرعه تره الي دتحجي صعب والله صعب
احمد -اخذ وقتك ورد عليه حتى نروح سوى للحله ونجيبهم لان اني حاولت وياهم مقبلو خافو انو نحجي اهنا ونفظحهم وخافو من نظره و مواجها الأهل والناس الهم ‘
نور -مرت عشر ايّام على موت محمد واني مكدرت أنساه ولا اگدر اكل واعيش حياتي و مو بس اني كلنه بالبيت مناكل مالنه واهس نورس تطبخ وتجيب وتالي تشيل الاكل مثل ماهوه
نورس-شفت الوضع تعبان صار بالبيت محد يأكل الجو گئيب انام ونگعد ونام قترحت عليهم نطلع باجر شويه نغير جو نروح نزور قبلو نروح وكمنه بدلنه وجاب امير سياره علمود امي متگدر تمشي واخذنه سياره ورحنه الكربلاء الله يا هوه كربلاء زرنه وبجينه وشكينه همنه بالحضره وطلعنه نتمشى بين الحرمين الصددددمه شفت العقيد رائد من صارت عينه بعيني متت خجل هو راسن عرفني وتقدم علينه 🤗
العقيد رائد _جان يوم جمعه وجنت رايح الكربلاء من يوم الخميس هم ازور وهم اشوف اختي والجهال لان كلش متعلق بجهال اختي ومن رحت ازور اني ونسيبي وبالصدفة شفت الي ما راحت من عقلي من يوم الي شفتها مو يگولون “ربى صدفتآ خير من الف ميعاد"
وهاي جانت احلا صدفه محسيت اله رجلي أخذتني گبل عليها وهمزين اخوها شافني وسلم عليه وضليت احاجي وبداخلي ابتسمت لان اذا امير ممسلم عليه جان رحت على اخته اني گبل لان مشفت احد غيرها😅
سلمت عليهم وطلبت منهم يجون يمنه بيت اختي بس مقبلو گالو احنه اول مره بحياته دنطلع ونجي نزور خلينه براحتنه عفتهم براحتهم وگتلهم ان شالله قضيتكم محلوله وباوعت على نورس حسّيت عيونها تگولي ساعدني وخلصني بأسرع وقت وگلت يمه ارتاحي ان شالله بعد ما اخلي يشوف الشمس
وترخصت ورحت وگلبي ضَل وياهم😍نسيبي ضَل يسأل منو هذوله وشنو قضيتهم ما گتله هذوله الي انت وصيت بيهم گتله هذوله سالفتهم سالفه ابوهم سكير ويتاجر بالكرستال ومسجون حالين وعبرت عليه
نورس- تدرون هسه گلبي شديسوي ❤️❤️❤️❤️دم دم احس دگات گلبي يسمعها الي يمي هلگد ما قويه
نور-من شفت الولد رائد حسّيت نورس تغير شكلها خدودها صارت حمر كامت دير وجها منا ومنا وتوزع ابتسامات حسّيت بيها معجبه بالولد ضليت اضحك عليها وگلها هاا ولج ملگيتي غير الي لازم قضيتنه يحضي ضحكت وكملنه مشينه گعدنه اموري مطعم تغدينه وبعدين رجعنه للسياره ركبنه ورجعنه البيتنه وما اضم عليكم كلش جنه محتاجين هاي الطلعه
الام -من رجعنه للبيت حسّيت هم ونزال من گلبي وجمعتهم وگتلهم بعد خلونه نفتح صفحه جديده خلونه نعيش الي باقي من عمرنه ونهاد ومحمد راحو يم الغفور الرحيم هو احن عليهم منه و انتو لازم مدفنون روحكم بالحيات عيشو تونسو راح الي جان حارمكم وظالمكم وخلونه من اليوم نعيش الباجر وننسى الي صار ويانه اذا احنه ما نسينه شلون نريد العالم تنسى وتتقبل وجودنه بالحياه
نورس -اقتنعت بحجي امي واليوم اني اصلا احس احساس غريب من شفت رائد احساس حلو بس ياترى هو راح يگدر يتقبل وحده مثلي .
وره اسبوع اندگت الباب مجان امير موجود رحت اني فتحت الباب وجان يطلع😍 رائد سلم عليه وسأل على امير گتله ماكو گال احسن 😅كتله شنو گال لا هيج بس اريد احجي وياج بصراحه گول اكو شي عن ابويه
العقيد رائد_شوفو حضي دگيت الباب وفتحت نورس ااويلي صفنت وگتلها الصراحه همزين ماكو امير اني اريد احاجيج بصراحه اني عقيد ورتبه وبعد جم يوم عندي ترقيه يعني مو مال حب وغزل واخابر واصادق اني ماعرف هل سوالف اجي واحجي بسرعه اني معجب بيج شتگولين
نورس-🥺🥺🥺🥺
رائد -اااحجي حتى اذا ماعندج مانع احاجي اهلج وحتى اگدر ادخل البيتكم براحتي وأتعرف عليج وعلى اهلج من قريب
نورس -ردت ارگض اطب جوه لزم ايدي گال جاوبي وروحي عندج اعتراض لو لاع اشرتله براسي لاع افتهم ابتسم وترك ايدي وراح وگال انتضريني ارجع بعدين عندي حجي ويه امج واخوج وراح اباوع عليه من الباب لبس نضارته وركب سيارته وراح
طبيت جوه وجسمي يرجف لاگتني نور گالت منو جان بالباب سولفتلها الي صار ويايه وضلت تضحك گالت واخيرا اجه واحد يعرف بكلشي وقبل بينه وفرحتلي كلش ''
نور -اني كلش فرحت النورس وتمنيت لو علي هم يرجع ويقبل بيه مثل ما اني لان ماحسيت بالراحة اله وياه والي صار ويايه ماالي ذنب بي
وره يومين اجه رائد ودخل للبيت ويه امير وگعد وطلب أيد نورس منه وطلب تجي وتگول رأيها گدامه حتى ميكون ضالمها او مغصوبه اجت نور وجايبه وياها نورس وگعدو ونورس وافقت
نورس - ما گدرت اوافق على الخطوبة ولا ارفظ خفت ليضل بالمستقبل يعيرني بالي صار ويايه وبنفس الوقت حسيته يريدني الي مو الاهلي وابويه ماهمه وضعي رغم مكانته تقدم وگتله اني ما اگدر أوافق على خطوبتي منك الا بشرط اذا انت صدوگ شاريني شرطي مهري عدام ابويه جيب امر بتنفيذ الإعدام وبعدين تعال وهذا طلبي اذا ما انعدم لتجي تخطبني وكمت
وبعد كم يوم
اجه احمد وجايب وياه علي😍 ....
اتمنى لكم قرائه ممتعه
