الكاتبة يقين
#ضاع شبابي
نورس- رحت لبست دشداشه من دشاديش حبيبتي نهاد الله يرحمها لان جانت اضعف واگصر مني فدشداشتها راح تطلع مقسمه على جسمي ااوف گلبي منطاني البسها بس عقلي گال لبسيها أولا حتى تكشفين الضالم بشكلها وثانياً حتى تحسين نهاد وياج وانتي دتاخذيلها حقها بس شويه سويت بيها فتحه حتى تجذب النضر لان هو بعد موت نهاد گام ميحاجيني ولا يطلب مني احضر الميز وأول شي خطر على بالي اروح اظم مفاتيح الاستقبال حتى ميقفل الباب وخاف محد يگدر يلحگ علينه وبهاي الأثناء سمعنه صوت الباب عّم الهدوء واني ركضت للمطبخ بحجه اسوي شاي حتى يدخل ويشوفني لان هو دائمن اول ميدخل يجي للثلاجه لو ياخذ اكل لو زيتون لو مي المهم دخل وشافني اتعجب من لبسي وگعدتي بهيج وقت بالعاده انهزم انام حتى ميطلب مني شي فگال شعندج گاعده گتله اشرب شااي شنو حرام گال ازقنبي لعد مدامج گاعده وحضريلي الميز ...
اتأخرت شويه عليه بين مدخل للاستقبال رحت تأكدت من البيبان مفتوحه ودا اطلع أتأكد من باب الشارع اشرلي احمد ادخلي اني فتحتها ورحت على مود احضر الميز بس ماعرف اكو خوفه بگلبي وجسمي يرجف طبعا الميز الي يشرب عليه بما انو ان شالله اليوم اخر يوم يزقنب عليه راح اوصفلكم شكل الميز طبعا مو مثل متصورون ميز عالي وكراسي لاع ميز ناصي كلش ويه الگاع اخذت الميز وديته وحضرت اله الزيتون وجاجيك والگلاص وكرزات جايب خليتهن ردت اطلع محاجاني ولا لزمني تعجبت گلت خاف كشفنه ليش هيج هسه احمد ميصدك بينه ولا حتى الشرطة الي دتراقب حرت شسويله حتى يحجي شي قررت استفزه واسأله على نهاد حتى يحجي ؟
گتله شنو رأيك بدشداشتي گال حلوه يلا اطلعي منا گتله تعرف هاي المن متذكرك بأحد ؟؟
الاب -بيمن تذكرني قابل
نورس -هاي دشداشه نهاد
الاب -طبعا جنت اكل زيتونه ومن گلتلي غصيت بالزيتونه
نورس -ها غصيت شنو نسيتها عبالك دمها يروح هدر الا اخذ حقها منك
الاب -عاجبج تنكتلين وتندفنين يمها موو بس انتي ما اكتلج الا اخذ منج الي أريده اول وبعدين تلحگين اختج اني اخذت نور وستمتعت بيها ياله زوجتها ونهاد عارضتني موتتها وانتي مصيرج مثلهن ؟ بس انتي طلبج مني صديق يستمتع بيج جم يوم مقابل مبلغ قوي واني وافقت حضري روحج احتمال الجمعه يجي الولد حضري الغرفه الفوك خل استفاد من وراج اقلها
نورس -ضليت صافنه ماعرف شحجي حسّيت نعگد لساني
امير-يعني بالكوه تحملت الحجي بس من عرفت راح يبدي يشتغل "گ...."على اختي طلعت من جوه الشرشف وضربته ببطنه بالسجينه واهنا دخل احمد يركض وندفرت الباب دخلو شرطه
نورس -طبعا من دخلو الشرطة كلش خفت ضليت اعيط دخل وياهم ولد كلش حلو ومرتب جذب انتباهي لان اول ما دخل شال الشرشف من الگاع وشمره عليه لفني بي وگلي لتخافين الا اخذلج حقج خلاني احس بأمان مو طبيعي
امير -انصدمت من دخلو الشرطة اني جنت متوقع راح اقتله وأخذ حق خواتي وادفنه مكان نهاد بس اني ضربته ببطنه بس مامات ضَل ينزف تلاحگو عليه الشرطه وعالجوه وربطوله بطنه واني اصيح ولكم ليش تعالجوه عيفو يموت عيفوو خل يحس بالي حسته اختي نهاد اهنا نزلت نور وجابت امي على الكرسي
احمد-اعذرني امير ماردت تضيع مستقبلك وتنسجن علمود واحد نگدر ناخذ حقك منه بالقانون اوعدك اخذ حقك
اللام-تقدمت يم ابو نور اول مره اجرء أتقرب يمه واحجي واني ما خايفه گتلهم بس نزلو يمي اريد احاجي اريد أعاتبه دفعه يم رجلي ولد جانو يصيحوله العقيد رائد اول ما شمره يم رجلي ضربته راجدي راد يضربني امير لزم ايده گتله ولَك ليش ليش حطمت حياتنه ليش حطمت نور وابنها ونهاد ونورس وحتى ابنك امير راح يضل كل عمره يحس عنده نقص من الي انت سويته واني كسرتني وگعدتني ليش مرحت ازوجت بدل متأذينه هيج الله ياخذلي حقي وحق بناتي منك واشوفك معدوم يوم عيد عندي اذا نعدمت الا احتفل بهذا اليوم كل سنه ??
العقيد رائد_ راح اعرفكم على نفسي اسمي رائد الولد الثاني الابويه مامتزوج جنت احب وحده بس للأسف ازوجت غيري ومن بعدها كرهت كلمت حب عندي بس حب الام هو الحب الوحيد الصادق اما البقيه فيتغيرون بعد مرور فترى من معاشرتهم ويطلع المعدن الحقيقي للبشر طبعا اني دائمن اطلع مداهمات واطلع تحريات بس اول مره تجيني هيج نوع من قضيه والي قدمو البلاغ طلبو ان تكون سريه حفاظن على كرامت وسمعت العائله بين الأهل والجيران واني نفذت لان جان متوسط نسيبي من كربلاء بالقضيه وطبعا اني ما حبيت ارفظ طلبهم بس اول مدخلنه للبيت جذبت نضري الضحيه ااويلي شلون بنيه نازكه وحنطاويه على بياض من دخل فريقي صارت عيونهم عليها گبل شالتني الغيره 😅وشلت شرشف وغطيتها وهيه تبجي كسرت گلبي گتلها وعد مني اخذلج حقج . جنت محسب حسابي ومنزل ويه الفريق مساعد طبيب ولگيت الابن ضارب ابو طبعا اني لو بيدي جان ساعدته وضربت وياه بس فكرت الي مثل هذا لازم يموت باليوم ١٠٠موته عالجنه الجرح ولفيناه واخذناه للمركز وأخذت رقم امير حتى اتواصل وياهم .ورحنه طلعنه جثت الضحيه واخذناها للطب العدلي وكل هذا صار باليل وما خلينه احد يفتهم من الجوارين لان احنه هم الفريق عشر نفرات مو هواي ودخلنه بسيارات خصوصي مو حكومي وزي مو عسكري
نور-اليوم جان يوم صعب بين انو راح نتحرر وين انو نهاد راحت ضحيه هاي الحريه ونخبصنه والولد راحو ويه الشرطه واهنا نسيت حتى انو محمد مريض گعدنه اني وامي ونورس نسولف بالي صار ونتذكر نهاد ونبجي وقررنه نلبس الأسود على نهاد لان هو جان مانع امي ونهاد يلبسن اسود واهنا نزلت مروه وصاحت ماما نوررر تعالي لحگي حمودي ما اعرف اشبي مخنوگ؟؟
صعدت اركض لگيته مخنوك وعينه مگلوبه ليفوك ومثل الي يرفس شلته وابجي وركضت للشارع لاگوني احمد وامير توهم جاين من المركز صعدوني ورحنه المستشفى الحله ' لحگو عليه گالو هذا صاير عنده شمره قويه ليش ما منتبهين عليه .الصراحه صدوك منتبهت لان اليومين جانن كلش متعبات ضلو يضربو ابر ومغذي وخلو جوه المغسلة حتى يفك بس ماكو فايده بعدين تلاحگله الطبيب گلي لتخافين هاي شمره وهس يفك هاي بعده مثل الصدمه صايره بي اهنا فك حمودي من الشمره ضَل بس يتقيئ سوله تحاليل كامله طلعت الشمره مأثره على خلايه دماغه وهم طلع عنده التهاب الكبد الفايروسي ولازم نخلي تحت جهاز بالمستشفى اني بقيت يمه وگتلهم انتو روحو للبيت شوفو امي والبنات
امير -شلون نعيفج وحدج
نور-روح لتخافون عليه ماكو شي روحو امي خاف تتخربط وحتى هم تتحضرون حتى تستلمون جثه نهاد ونروح ندفن وان شالله بس هل ليله اهنا راحو للبيت ضليت وحدي أتأمل بشكل محمد احسه ضحيه وضاع بيناتنه مثل ما اني ضاع شبابي وطفولتي هذا هم راح أضيع طفولته واحلامه وبهاي الأثناء ضَل يتقيى وهو بالجهاز وحتى دم ضَل يطلع من خشمه ماعرف شسوي ضليت اعيط الحگولي الطفل راح يموت
اجه الطبيب وفحص الطفل گال نسبته كلش عاليه لازم نغير دم الطفل كله شلون يعني دكتور يعيش الطفل لو لاع فدوه احجيلي الصدوك الطبيب گال العمر بيد الله اني مجرد وسيله وان شالله خير جابو جهاز واني لان ابجي طلعوني بره خلو الطفل بي مكان يفرغ الدم مال جسمه ومنا يخلوله دم غيره وبدلوله دمه وگالو خلو تحت الرقابة اذا عده سلامات لتخافون عليه واذا صارت أعراض بعد العمر بيد الله وخلي ايمانج ب الله قوي واندعيله ?
اني ضليت بس ابجي وماعرف شنو اندعيله للطفل اندعي الله يشافي بس خاف هسه طاب وبعدين شيخلصه من حجي الناس وانتقاداتها وابن حرام محد راح يصدك انو هو مسكين ما اله ذنب لو اندعي الله ياخذ عمره ويخلصه حتى يرتاح من الناس وتذمرها يروح يم ربه هو ارحم بي منا احنه البشر اذا ابويه مرحمني واني بنته انتضر علي يرحم الطفل وهوه مو ابوه ؟؟
اهنا وره ساعتين تقريب اجيت لگيت الطفل غرگان بدمه من حلگه ومن خشمه رگضت للطبيب ماكو متلاحگوله ورح محمد للي خلقه وهو ارحم بي مني ضليت ابجي وأگ على راسي ماعرف شسوي اني وحدي اهنا اخذت تليفون وحده من الممرضات وتصلت على امير اجوني بسرعه اخذت الطفل غسلته بأيدي وابجي ترى هذا ابني مهما يكون ابني طلع من دمي ومن جسمي تحملته تسع اشهر ببطني وأحس بي من يتحرك ومن يدفرني صح راح تگولولي احسلج راح شنو ذنبه يعيش مضلوم بس اني ام الام متفكر بضلم العالم تفكر بس بأطفالها بس الي فاقده طفل راح تحس بيه الام متهمها ابنها حلو لاع اسمر ابيض مريض صاحي منغولي سالم كل الي تفكر بي هذا ابني وبس المهم اني احبه مو المهم الناس 😭😭😭غسلته وضليت احاجي وابجي يمه حبيبي اعذرني مگدرت احافظ عليك مگدرت اكبرك وأعلمك مثل باقي الامهات القدر قرر ياخذك مني اتمنى تسامحني حبيبي حمودي ترى والله مالي ذنب لا بجيتك للدنيا ولا بطلعتك منها ؟ جرتني نورس واخذو الطفل لفوه بالابيض ورحنه للمقبره دفنه ورجعنه .
رجعت بس ياريتني متت ويه ابني ترى اني احبه هذا ابني ضليت ابجي واعيط وما حسيت نمت
علي-خابرني احمد گلي علاوي البقاء في حياتك اني تخبلت عبالي نور صار بيها شي صيحت ولللك منو ماات گال اگلك ترى اني عرفت كل القصه مال نور واهلها والحجي ما طلع مني اهلي محد يدري استر على البنيه ولتحجي الاهلك گتله والله اني هم ما حجيت ولَك والله جنت احبها بس بعد ما اگدر اتقبلها بحياتي هيه ومحمد
احمد_علاوي ترى محمد مات
علي -😟😟😟شنووووو ااانت شتحجي
احمد -والله مثل ما اگلك الطفل اليوم مات وقبل شويه خلصنه دفن ونور حالتها حاله بس تبجي والله تبجي الصخر منا موت اختها ومنا سجن ابوها ومنا موت ابنها
علي- ولَك فهمني اختها منو وشوكت ماتت واللاب نسجن علمود شغلت نور لو غيرها وحمودي ليش مات ولَك ما اصدك حمودي مات ولَك والله جنت احبه وماقصرت عليه فديوم بشي بس من عرفت مو ابني ما گدرت اتحمل وجودهم
احمد-السالفه طويله وانت لازم تسمعها ومتوصلها الاي احد تبقى بينه حتى امير وخواته يگدرون يكملون حياتهم مثل ميردون
العقيد رائد -طبعا رجعت للبيت تعبان هلكان اريد بس انام غسلت وبدلت عود رحت انام ضَل وجه هاي البنيه يفتر ورايه اغمض اشوفها افتح افكر بيهاا ياربي معقوله اني ملگيت غير هاي البنيه تعجبني مدري للن عائله فقيره ومضلونه لان حبيت الي من ثوبي وخانتني راح اجرب احب هاي المضلومه بس المشكله شلون راح اقنع اهلي عجبتني بنيه ابوها معتدي على اختها وكاتل الاخ وجان يريد يشتغل على هاي ااااوف ياربي ؟؟؟
البارت طولته لعيونكم اتمنى اسمع رأيكم بالبارت وشتتوقعون نورس راح تزوج لو لاع 😍
