Habang hindi masukat ang labi
sa pagpigil ng luha,
Nararamdaman ko na.
May kamahalan ang lubid
para wakasan ang nakapantitimping buhay.
Dahil sa pagtitipid,
Hindi ko naisip na mas mahal
ang tinapay at kape sa lamay.
Hindi naman siguro ako mumultuhin
ng mga utang sa susunod na buhay .
Nais kong magsaya.
Dahil mapapamura ka na lang bigla
kapag may kasama ka nga't
nararamdaman mo parin mag-isa.
Nais kong ihampas ang sarili
mula sa matarik na gusaling
madalas makarinig
ng mga sigaw kong yamot
mula sa eksena ng pag-ibig
hanggang sa Diyos
na hindi ko tiyak kung
kaya din akong hawakan
pagka't kung ako ang magtitiwala
sa sarili ko'y hindi na lang.
Ako ang pinakamasaya.
Dahil isa akong hipokrita.
Sarkastiko kong sasabihing
gusto ko pang mabuhay talaga.
"Ako ang Pinakamasaya."
Ang mga ito'y huli na.
BINABASA MO ANG
Binhi (Mga tula)
PoésieSana'y magustuhan mo ang aking katha. Para sa'yo. Mga tula. ~~~ @yowpaguintsss