#2
Nakakaumay
ang paggising sa realidad
lalo na't gusto mo pang ituloy
ang pagkakahimbing.
Alam mong may alat ang
bawat segundo
dahil sinisikmura ka
ng paklang bumubusog
sa'yong pag-iisip.
Wala ka naring mahugutan
sa'yong mga panaginip.
Miski sa ala-ala'y lahat mapait.
nagpapahapdi ang anghang
sa'yong kalooban
habang iniisa-isa ang mga asim na
nagtatanong kung bakit ka pa nabuhay.
Paulit ulit.
Hinihimay mo
ang nakakaumay,
mapait,
maasim,
maanghang at mapaklang tinik
na kinakayod sa'yo ng daigdig.
Ganyan ang ginagawa mo.
Paulit-ulit.
Ngunit,
sa katotohanan,
nakalimutan mo lang
ang nalasahan mong matamis.
BINABASA MO ANG
Binhi (Mga tula)
PuisiSana'y magustuhan mo ang aking katha. Para sa'yo. Mga tula. ~~~ @yowpaguintsss