ما قبل البدايه
_في احداث متقدمة _
بنظرة كلها ثباب ونبره كلها حسم وجديه
آسفه انا علاقه معدومة الثقه ما بدخل نفسي فيها ،،
ويتخيل لي اني اديتك فرصتك يبقى انت الغلطان ،، عن اذنك
مروان: سلمى تعالى سلمى دقيقه ، اااااف يرب
_______
*الشخصيات*
سلمى: 22 سنه خريجه من طب آخر سنه
إيمان: الام عمرها 40 سنه
علي: الاب عمره 45سنه
لدن: الاخت الصغيره 15 سنه
مروان: خطيب سلمى
نادين: صحبه او بست سلمى
_______
_الصباح اتصلت على نادين انو نطلع خلاص وبعدها اتصلت على مروان
مروان صباح الخير خلاص نحن طلعنا لك في الشارع تعال
مروان: يسعد صباحك حبيبتي طيب خلاص
ومرقنا انا نادين لاقيناه تحت سلمنا عليه وركبت قدام
وصلنا الجامعه ومشى
نادين: مروان دا مالو بقى بارد كدا ياخ الولد وا ما يكون حب وحده من وراك !!؟
سلمى: نادين كل يوم حتقولي كدا انتِ قرفتيني من الاسطوانة الكل يوم دي لو سمحتي تاني ماتجيبي السيره دي وبعدين انا واثقة فيه
نادين: ابتسمت ابتسامه كلها خبث وصفقت وقالت لي خير
سلمى: ختيت في راسي انو مثلا هي عارفه حاجة او كدا وشطبت الحاجات دي من راسي ولعنت الشيطان
دخلنا على المحاضره وهي قفلت نفسي منها لكن ماحقدر اضيع المحاضرات دي
نادين: سلمى بسبس هيييي ارح نطلع
سلمى: نادين اسكتي
فضلت تتكلم وانا ماشغاله بيها لحدي ما طلعوها بره فرحت فرح
بعد مرقت من المحاضره لقيتها بتتكلم بالتلفون اول ما جيت قفلت سفهتها ومشينا الكافتيريا بعد طلبنا ختيت سماعتي واتصلت على مروان
مروان: حبيبتي كيف
سلمى: تمام وانت كيف يومك
مروان: كويس والله بترجعي متين الليله !؟
سلمى: والله شويه كدا ونطلع دي كانت آخر محاضره
مروان: حلو طيب خلاص بعدين رايك شنو نطلع انا وانت ولدن ناكل برا
سلمى: طيب بكلم امي انا وانت جيب معاك سديم
مروان: اتفقنا لي بعدين خلي بالك من نفسك
