امي شوفي بعد دا وصلها بيتها وخلاني انا نفسي اعرف منو خطيبتو انا او هي
إيمان: معليش يابتي غلطان
سلمى:خلاص انا حطلع انوم هسي
_ بلسان إيمان
كنت متأكدة انه غلطان ف طوالي ضربت لي علي كلمته بكل الحاصل
علي: معقوله بس بالغ عديل الزول دا ياخ ودي صحبتها المن شفع بتجيها !!
إيمان: اي والله هسي سلمى قاطعه قلبي
علي: اديني ليها
إيمان: قالت عايزه تنوم
علي: خلاص طيب هي اسي تديه فرصه تانيه بعدين نشوف البحصل
إيمان طيب خير
_______
_ عند نادين
نادين: ميرو معليش سببت ليكم مشكله انا آسفه ماقصدي
مروان: معليش احنا بي سبب الحصل لك اسي
ماعارفها بقت كدا ليه
مادين: ما نا وريتك قلت ليك عشا هي دايره تتخلص منك بس فعشان كدا بقت كدا
مروان: مع السلامه اسي
نادين: ميرو ميرو دقيقه معليش بس البرنامج كيف ممكن تجيني ولا حتوقف
مروان: لا حا أجي
نادين: شكرا باي
قفلت وقعدت اضحك ضحكه شر
______
_ عندي انا
صحيت بصوت اتصال مروان
مروان: سلمى اها حتفضلي كدا لحدي متين خلاص الموضوع انتهى
سلمى: ما انتهى بالنسبه لي + دقيقه يمروان اسي لو انا عزمت صحبك كنت حا اترضى ؟! حتى لو رضيت ما بتزعل تقول اتصلت ليه لي واتكلمت معاه عشان شنو
لمن تفكر كدا وتشوف الموضوع بزعل ولا لا يبقى اتصل علي تاني
اما اسي كدا ماعايزه كلام
وقفلت
لقيت ابوي ضارب لي بالإيمو رجعت ليه وقلت ليه انو باخد فتره وبعدي عادي الموضوع
انا اصلا ماكنت زعلانه الا في انو هو يرد عليها اصلا لي وهي جابت رقمه من وين
مشيت ختيت الغداء مع امي واتغدينا كلنا قالو عشان اغير جو لازم نمشي ناكل اسكريم اي زول لبس وطلعنا
ساقت امي لحدي ما وصلنا المحل نزلنا وقعدنا وفعلت غيرت جو واتونسنا وضحكنا رجعنا البيت متاخر جهزت هدوم بكرا ونمت
