شايفه واقف مع نادين براحه انسحبت عشان ما يحسو بي حركه وبقيت واقفه بعيد من البلكونه بس شايفاهم اتصلت عليه
سلمى: مروان وين انت لسه
مروان: جاي قربت
سلمى: طيب ماتتأخر وقفلت
طيب مادام ما وراني الحقيقه يبقى عارف انو كدا غلط ودا كله لسه واقفين صورتهم ودخلت جوه
يا لدن تعااالي قمت حكيت ليها
لدن: مدام كدا هو غلطان واحتمال يكون من الاول مشى عشان يلاقيها المهم اسي لمن يجي اقلبي وشك كويس !؟ عشان تاني مايكرر حركه زي دي واذا سألتيه ونكر الحقيقه طوالي طلعي الصوره
سلمى: تسلمي ي عسل انتِ
فعلا اول ما جا مشت لدن ادته مويه وبقى قاعد
مشيت لقيت ناس امي اتنهو من الملاح جيت لي مروان في الهول وكان السرير القاعد فيه وراه في غرفه لدن شغاله ابدي
سلمى: مروان صحبك المشيت تلاقيه اسمو منو ؟
مروان: احم اسممه احمد
قمت عاينت ليها شايفه نطقت كذااب
واشرت لي التلفون فهمت انو قصدها اطلع الصوره
سلمى: ااحمم احم يعني صحبك ما اسمو نادين ؟
مروان: بتقصدي شنو اني دايره تصلي لي شنو
سلمى: دايره اصل للحقيقه ووريته الصوره
مروان: بتجسسي على ؟
سلمى: اي كنت بتقولو في شنو
مروان: كنت وريتها انو تاني ما حا اجيبها الصباح
سلمى: كذاب لانو لو كنت بجد قلت كدا كنت قلت لي اني واقف معاها
مروان: طيب كذاب كذاب وطلع تاني
قل ليه ماشي ليها تاني سلم عليها
مشيت لي لدن
لدن:بصراحه كدا صحبتك زباااااله
سلمى: ههههه جدا
لدن ما تزعلي ولا تشتغلي بيها
سلمى: ما تخافي ولا في بالي اصلا
مشيت غرفتي وقعدت ابكي ما كنت عارفه القاها من وين ولا وين خلت اولاد الدنيا كلها بقت في خطيبي ؟
قعدو ينادو قيني عملت نايمه لحدي ما مشو انا فضلت محبوسه طلعت حكيت لي امي طوالي لبست توبها ومشت ليهم
_______
_عند نادين_
