_______
الباب فتح وخالتو مياده كان شاكه انو نحن جينا لي حاجه ما حتكون مطمنه ..
بعد دخلنا ..
إيمان: احم مياده الليله جينا ننهي الفوضه الحاصله دي ولدك لا احترمني لا احترم بتي ولا احترم راجل البيت ناديه لينا لو سمعتي
نادتو وجا
امي عاينت لي بمعنى ابدي
سلمى: طيب يا خالتو ولدك بقى مع صحبتي لي وكيف انا ما عارفه بس الليله جيت عشان احسم الفوضه الكانت بتحصل دي .. وانت ياريتك لو اخترت بت كويسه غير نادين لانهاا بيااااعه انا بتعرفني من زمن الحضانه واسي باعتني عشانك
مروان: ههههه انتِ غيرانه بس لكن انا واثق فيها
مياده: ياولد احت......
سلمى: خالتو خليه
انت عارف آخر شكله كانت بينا كانت بتتكلم فيك وانو انت بتحب غيري لحظتها قلت ليها انو انا واثقه فيه وياريت لسان اتقطع قبل اقولها
اسي نحن جينا عشان نرجع ليك دبلتك عاينت للدبله في يدي وطلعتها نزلت دمعه مسحتها براحه وختيت الدبله في الطربيزه دا تلفون جبتو لي معاها والحمدلله اني ما استخدمته ..
يلا يا خالتو مياده
امي وهي جات بي قدامو قالت ليه (يخسي عليك يخاين ي معفن)
ركبنا عربيتنا ولدن حضنتني وقعدنا نبكي بكيتت لمن حسيت انو دموعي حتكمل وكنت لسه موجوعه
وصلنا مشيت رقدت في غرفه امي عشان ننوم كلنا سوا
حضنت امي وهي تمسح لي في راسي لحدي ما نمت
_عند ابوي
علي: اتصلت عشان اقول لك حاجه وحده بس
" ما كان العشم " ي ود الرشيد
مروان: يعمي
علي: انا عرفت الحصل كله فخلاص لحد هنا وتاني اوعك تقرب من بتي لانو ما حيحصل خير
______
من الصباح عملت كونسيلر تحت عيوني خبيت بيه الهالات وعملت روتيني اليومي و مشيت بي ترحال
وصلت الجامعه لقيت الناس متلميه في جدول الامتحانات النهائيه قربت ازغرد انو اخيرا حنتهي من الجامعه واشتغل واعيش في عالم وردي
جاتني نادين
نادين: ياحرااام فسختو الخطوبه معليش بكره تلقي الاحسن منه
سلمى: ههههههههه اولاد السودان ديل خليتهم ليك عشان ما يجيني واحد بكره تقومي تتخاففي ليه يا شلابه
