________
جرينا كلنا عشان نشوف منو الفي الباب لمن فتحناه لزتو فتحيه شديد لدرجه لدن اتلصقت مع الحيطه
وكان معاها مروان ونادين !!
اول ما شفنا مروان طوالي جرينا لبسنا طرحنا
فتحيه: قلتي للبت شنو لدرجه بكت !؟
لدن: اناااا ماقلت شي بزعل بتك براها متحسسه
فتحيه: قلتي ،، قلتي انو هي فرحانه وبايره واحرجتيها قدام الضيوف .. انتِ اصلا لو عندك كلام ما كان تقوليه ليها براحه
إيمان: هييي انتِ جايه في نص بيتي تشاكلي بتي ؟ وانتِ قايله انو تربيتي زي تربتك لمن بتي تعمل كدا وانت التاني لسانك اتبلع ؟ راجل طول وعرض غالبك تقول الحقيقه ؟!!
اها عشان كذبكم دا الحمدلله انو البت سجلت الكلام القالتو امشي جيبي تلفونك يا بت
في اللحظه دي
نادين: امي ارح ياخ اصلا عرفت انهم حيكذبونا
لدن: والله ما تمشي الا تسمعو لكن ما بضمنكم يمكن تكونو ما بتسمعو كويس جبت السماعات الكبيره وشغلت البلوتوث و شغلت الكلام
بعدها طلعو من سكات
إيمان: الناس ديل ما حيخلونا في حالنا
سلمى: امي ما تشغلي بالك انتِ بتتسهل ياخ
انا نعست يلا ننوم
________
*الصباح*🦋
صحيت نشيطه شديد بعد صليت مشيت عملت لي كيكه وجهزت الشاي ومشيت صحيت امي
شربنا الشاي بي مزاج عالي وضحك و ونسه
سلمى: امي انتي صحي كلمتي ناس خالتو انو فسخنا الخطوبه ؟
إيمان: لا بس قلت لهم لمن تجونا عندي موضوع ليكم
سلمى: طيب
زي الساعه عشره قلت لي امي نمشي ناكل برا ونجيب لي لدن معانا
فعلا مشينا مطعمنا المفضل رسلت لي لدن رساله انو احنا في المطعم
((في مدرستهم بخلوهم يشيلو تلفوناتهم))
________
* عند مروان ونادين
طلعنا انا ونادين لي مطعم عشان نتشاور في موضوع العرس وكدا ..
لاحظت انها كل ثانيه تعاين للتلفون
مروان: انتِ منتظره مسج او حاجه ؟!
نادين: لا طيب كنت عايزه اسألك حنعمل العرس متين ؟!
مروان: 5,,6 شهور كدا
