_عند نادين
اول ما جات داخله من العزومه
نادين: امي انا فسخت خطوبطي من مروان
فتحيه: سجمي دايره تشمتيني فينا الناس .. انا عارفاك حتعملي كدا احييا
نادين: امي خليني اتم كلامي. اذا عرفتي علمت كدا لي حترضي
فتحيه: اهاا
نادين: صراحه الليله طلعت مع واحد اسمه معتصم وقال عايزني والولد مهندس في الإمارات والقروش تجري في يدو وانتِ عارفه انو العربيه السايقها دي بالمليارااات
فتحيه: وبعلي 😍😍 ونحن داك دايرين بيه شنو المقطع
نادين: امي ما تتكلمي عنو كدا لمن خطبني ما جاب لي دهب وهدا عندو عربيه !!!
فتحيه: ماتجيبي لي سيرتو المعفن خلينا في معتصم داا اها وقال بجي متين
نادين: اديته رقم عمي بس انا حا اتصل لي عمو واقول ليه فسخت الخطوبه وهو بجي قريب وانا قلت ليه انو نروان غاصبني عليه
فتحيه: خير ما فعلتي فاالحه ما بتي عاد
________
_عند مروان قال
كان عندي اجتماع في مطعم هادئ دائما بعملو فيه اجتماعاتنا شفت لدن مع ولد اتدمت عليهم عرفت انو دا اتقدم ليها وهي عشان مصلحجيه وافقت
انا ما قدرت استحمل اني امشي للإجتماع
ووريتهم يأجلو الإجتماع عشان آخد نفسي
اتصلت على امي وقلت ليها حا أبيت عند صحبي
مياده: ماف كلام زي دا اسسي تجي
مروان: خير
اتجهت على البيت وانا كلي كسره قلب واحساس كدا كله حزن
ماكنت عايز اواجه امي او سديم لانو الاتنين كلامهم كان صح وانا الكنت راكب رأسي
لمن وصلت فتحو الباب وكان ظاهر في وشي انو في حاجه جات امي وسديم وبقو يكوركو في راسي
مياده: مالك يا ولدي الحصل لك شنو ؟؟ ومش عندك اجتماع مهم !!
سديم: ياخ ما تسكت كدا ورينا في شنو
مروان: رفع عينو وقال لهم كلامكم كان صح
مياده: كلامنا في شنوو ؟
مروان: في نادين امي انا ضيعت الكنز وجريت ورا الانقاض وهسي انا ما ححصل على الكنز دا تاني
مياده: انا ماحزرتك يا ولدي لكن قوه الرأس دي اعمل ليها شنو لي خير يازول
سديم اكتفت بي انها تحضنو وتبكي وكانها حاسا بيه
مياده: لا دقيقه الحصل شنو
مروان: مشيت للإجتماع شفتها مع ولد وقال داير يخطبها وقالت ليها انو كانو غاصبنها علي قمت خليت الاجتماع وجيت
