__
اتخلعت وانا شايف سديم واقعه بين يدين امي وانفها كابه دم كتير ويدينها وارمين من الدق
بلعت ريقي وجريت شلتها ومشيت العربيه وامي لحقتنا
زعلت من نفسي شديد حتكون في اللحظه دي اتزكرت ابوي الله يرحمه ،، وكان موصيني عليها
كنت حاسي بكره لنفسي وشايف نظرات امي كلها كره لي وانا غلطان واستاهل
وصلنا المستشفى دخلناها في غرفه وجو الممرضين ليها
الممرضه: محتاجين دم لانو عندها جرحه عميقه في راسها تحت
امي عاينت لي توبها طوالي محل كانت قاعده سديم لقتو مليان دم وبقت تبكي شديد
مياده: كررعلي دا كله وانا ما حاسه بيه
خلاص شيلو مني قزازه
مروان: لالا يا دكتوره ارح اخدي مني انا فعلا ساقو مروان
________
سلمى: امي دي خالتو مياده بتتصل،، مالا بتتصل زي الوقت دا ولا يمكن غلطانه كانت الساعه 8
إيمان: ردي ردي
قام قطع وما كان معاي رصيد ارجع ليها جاتني مسج مكتوب عليها
(ألحقوني بتي بتموت)
امي سديم ما عارفاها مالا بس شكلها ما كويسه يلا لهم
لبسنا وطلعنا سرعه شلت تلفون امي
ضربت ليها سالتها اذا في مستشفى ولا بيتهم ورتني انهم في مستشفى مشينا على المستشفى
لمن وصلنا لقيناها خاته يدها في راسها وتبكي
مشينا كلنا حضناها وبكينا معاها
لدن: بصوت مبحوح سديم مالها
مياده: ضربها مروان
إيمان: سجمي لشنو
سلمى: امي بعدين خلينا نطمن اول عايزه ادخل لها
مياده: ما بدخلوك
سلمى: هي في اي غرفه
مياده: اشرت على القصادنا
دقيت الباب وقلت لي الممرضه اني اخت المريضه واني قاريه طب قمت دخلت
لقيتها بخيتو ليها في الجرح 5 غرز وبقت شاحبه كدا
سلمى: اسي وضعها كيف ؟
الممرضه: كويسه بس الضربه قويه حا نحتاج نعمل ليها صوره بعد يخلصو بس معليش امشي لي المحل البسحبو منو الدم لي غرفه رقم 6 فيها مروان الرشيد كلمي الممرضه تسحب منه قزازه ونص
سلمى: طيب تمام
طلعتا لهم برا طمنتهم انو اسي بخيطو ليها وبعدها حيعملو صوره
