المُدللة

الفصل الرابع

اول ما سمعت كده اتصدمت مكنتش مدركه اللي سمعته صح ولا غلط او هو بيهزر عملتله حجج كتير فخرجت وقلتله اي اللي سمعته ده فهو اتفاجا وقالي انا كنت بهزر مع اصحابي عقبال ماتيجي لقيت مره واحده انهرت وطلعت اجري عليه وضربته بالقلم وفضلت اضربه ضربات بسيطه علي صدره وكنت منهاره جدا مكنتش متصورة أن ده ممكن يحصلي ويطلع من الإنسان الوحيد اللي حبيته كده ومسكن شنطتي وقلتله مش هتشوف وشي جامد لقيته مره واحده مسك ايديا وقالي مش هسيبك بالسهوله اللي انتي متخيلاها لازم الاول اخد اللي انا عايزه ففضلت اضرب فيه لحد ما جريت طلعت جريت وجرا أصحابه وهو ورايا طول الليل مكنتش عارفه اعمل اي وعماله اهرب منهم ويدوروا عليا لحد ما وصلت المدرسه علي الصبح ولقيت نفسي بنزل دم اللي انتي شوفتيه انا بجد مريت باكتر موقف صعب في حياتي ومش كده وبس اتهنت وشافوني بنظره رخيصه وغبيه وبنت ملهاش حد غيران مسكينه لا ليها حول ولا قوه انا كان عندي حق لما قلت إن كل حاجه باظت انا مليش اب طبيعي أن كل الناس يستغلوني ويشوفني سهله لكن والله صدقيني انا حبيته انا مش عارفه ليه حصل كده ليه يكسر قلبي بالشكل ده
أخذت سُميه تبكي وتبكي
قالت جُمانه متعيطيش يا سُميه انتي غاليه جدا وعلشان كده ربنا بعدك عنه ربنا شايف ليكي الاحسن احنا مش بنشوف كل حاجه أحنا بنشوف المناسب لينا وتفكيرنا حاليا لكن ربنا بيشوف الافضل لينا ولتفكيرنا ربنا كان بيعلمك دروس كتير من الاختبار والبلاء اللي انتي كنتي فيه كان بيعلمك انك مينفعش تتعلقي بشخص مش قد المسؤولية طفل زيه زيك مستحيل تتجوزوا في السن ده حتي لو انتوا موافقين أهله ومامتك مش هيوافقوا لسه انسان مبيعرفش يصرف علي نفسه اتعلقتي بإنسان لا يصلح أنه يكون زوج صالح وماهو الحل الإ نكاح فاكره درس الدين اللي اخدناه الاسبوع اللي فات لما مدرسة الدين قالتلنا قال رسول الله صلى الله عليه وسلم" ما رأيت للمتحابين الا النكاح" وانتي كنتي عارفه أنه مش هيجي دلوقتي كنتي هتفضلي منتظراه قد اي هو حتي لسه مدخلش جامعه ولو هو كان صادق القلب بيتغير وحبكوا كان مجرد مراهقه اي اللي كان يضمنلك أنه هيفضل يختارك دايما مهما حصل في ترتيبات كتير جدا انتي مش واخده بالك منها لكن ربنا واخد باله منها دلوقتي مفضلش غير شهرين على الامتحانات هي اللي هتحددلك مصيرك ومستقبلك ومتقوليش انك مش هتقدري أو الوقت ضيق لان مفيش حاجه اسمها كده حتي لو اللي فاضل يوم يبقي في وقت ولازم تستغليه توكلي على الله واعملي اللي عليكي واعملي مجهود كبير وتوكلي علي الله واعرفي أن مفيش مجهود بيضيع وتوبي على اللي فات واقفلي صفحته ولو حاول يقرب منك تاني روحي الأخصائية الاجتماعية الموجودة في المدرسة وخلي بالك توبتك مقرونه بندمك على اللي فات وانك مترجعيش ليه تاني انتي عارفه دلوقتي أن اللي حصل ده غلط اي حد بيحبك هيغليكي ويجي يتقدملك غير كده فهو عمره ما هيكون بيحبك ولا شاريكي متخليهوش يقصر عليكي تاني ويلا بقي فرفشي كده علشان ورانا موضوع كبير عايزاكي في بس انهارده اعتبريه اجازه اقعدي فكري مع نفسك انتي عايزه اي وعايزه تغيري اي فيكي وابداي حياه جديده مع نفسك وربنا واعرفي أن البدايه بتبقي من النفس " إن الله لا يغير ما بقوم حتي يغيروا ما بأنفسهم" وتصدقي فإن الصدقه تطهر النفس استرجعي نفسك واختاري نفسك دايما والاصلح لها حتي ولو كان ضد قلبك اعملي مبادئ لنفسك متغيرهاش مهما تغيرتي وكل حاجه هتبقي كويسه
سُميه اي الموضوع الكبير 😂😂😂😂
جُمانه انا كنت عارفه انك هتسيبي الموضوع كله وتمسكي في الكلمتين دول يا شقيه بس مش وقته كل حاجه في وقتها حلوه
نمشي بقي علشان متاخرش ،هتيجي المدرسة بكره؟
سُميه ان شاء الله شكرا انك موجوده بجد وجودك فارق معايا
جُمانه متقوليش كده احنا اخوات الشكر لله
ذهبت جُمانه الي بيتها وهي مسرورة ويعيده انها ستري عائلتها مجتمعه مره اخري وكان اليوم مثلما أرادت وأكثر حيث خرجت مع والديها واخواتها ولعبت الكثير من الألعاب ورأت الحب في عين والديها ما احلاها من حياه فهي تريد أن تري عائلتها دائما سعداء ولكنها مؤمنه أنها ليست في الجنه وأنها ستمر بالكثير من التحديات والصعوبات والاختبارات التي ستملأ قلبها إيمانا وحبا لله وكانت تردد هذا الدعاء دائما  "اللهم اكتب لي الخير حيث كان ثم ارضني به واختر لي ولا تخيرني يارب اجعل حياتي افضل مما اريد وطهر قلبي من كل سوء وشر وقربني منك وابعدني عن غضبك يا كريم "وهذا اخر شئ كتبته في صفحاتها ...........
يُتبع