#ربِيِّعٌ_ أّزِّهِر_ قِلَبِيِّ
بِقِلَمَ أّوِتّأّر حٌزِّيِّنِهِ
أّلَجِزِّء_ أّلَثّأّنِيِّ
،،،،،،،،،،،،،،،،،،،،،،،،،،،،،،،،،،،،،،،،،،،،
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
جلال وعمته ظلو بالحديقه
ويحجون بامور عاديه ووراها بساعه. فخريه خانم كامت من مكانها ،،،
« أيي كيجيلار اصلان،،،،،
(تصبح على خير اسد)
« ايي كيجيلار عمه،،،،
كمت وره عمتي من راحت ورفعت
راسي للسما وظليت اباوع
للنجوم ،،،،،،،،ومااعرف ليش تذكرت
امي ،،،،،من شفت نجمه تلمع بالسما
طلعت فوني وخابرتها،،،دك وماطول وفتحت الخط
« ايي اكشاملار آنيه،،،،(مساء الخير امي)
صوتها وهي تحجي وياي بفرح
خلاني،،،،،،،،، احن الها ولحضنها ،،،،،
ظليت كاعد واحجي وياها ساعات
وهم فتحت موضوع زواجي مره ثانيه ولازم انسه الماضي واعيش بالحاضر ولازم يصير عندي ولد يشيل اسمي ،،،،واسم
عائله احمد القاضي كلام امي نفس
كلام عمتي ،،،،،،،،وهم جان جوابي نفسه
مأكدر انسه ،،،،كلام بسهوله ينحجي،،
والنسيان الي يحجون بي ابد مجاني ولاكدرت انسى دينا وحبي الها،،،،
سنيين هوايه جمعتنا سويه
وعمر عشته وياها بحلوه ومره ،،،،
ومن ماتت ودفنتها، ،،،عرفت شنو
شعور ،،،،الواحد يتنفس بصعوبه
وشنو واحد يمشي وياكل ويشتغل
وهو اي شعور بالحياه ماعنده ،،،،
سبب الفرح الي بحياتي والي جان منطيني القوه راح،،،وخلاني اعيش بهاي
الدنيا ،،،،،،،،،واني فاقد الاحساس بيها
سحبت نفس طويل من جكارتي
وذبيته ،،،،،،،وكمت من مكاني بتعب
وحجيت وي بلاك
« بلاك راح اروح انام ،،،،،
روح يم اياد ومحمد،،،،،،
جلال حجه هيج ومشه وبلاك مشه
وياي خطوات ووكف من شافه صعد
الدرج حتى يروح،،،،، لجناحه
فتحت الباب،،،،،، وطبيت ووكفت
بنص الصاله وباوعت لباب غرفه دينا،،،
وتمشيت بهدؤ اله ووكفت يمه اخذت نفس طويل وفتحته وطبيت ووكفت
وصفنت بحزن على الغرفه واثاثها
وحجيت بصعوبه،،،،،
«كلشي موجود بمكانه وماتغير
شي بس الي راح وفقدته هو انتي ،،،،،
جلال تمشه للميز ولزم عطرها وفتحه وشمه بنفس طويل ،،،،،،،،
ونزلت دمعه مسحها بسرعه ،،،،ورجع راسه
ليوره وغمض عيونه وحجه بصوت مخنووك
«ااااخ دينا فراكج راح يموتني ،،،
شسوي بايامي وانتي مو وياي شسوي بهاي الدنيا،،،،،، وانتي مو بيها،،،،
حجه هيج وسكت بغصه وفتح عيونه وصفن صفنه طويله على الغرفه
وراها راح اخذ ثوب ،،،،،،،،،،،قصير جانت تلبسه
ورش من عطرها عليه واخذه
وراح تمدد على الجربايه وقرب الثوب لخشمه واخذ نفس منه،،،،،،
وبده يهمس بكلام تعود يحجي
كل ليله قبل لاينام،،،،وشويه شويه التعب
اخذه بنومه طويله ،،،،،ماكعدها منها للصبح
