واو.
حاسة بالفخر؟ الضيق؟ الدهشة و العجز؟
كلهم بجد.
I have no idea who needs this, but here it's.
لو أنت حاسس بالضيق، بتعيط زي الطفل حالياً، عينك فيها دموع، ملامحك مستائة، مشاعر القصة الصح وصلتلك.
زي ما هو واضح أنه قصة عاصفة نهايتها مش زي مانتم متعودين–بغض النظر عن القراء القدام إللي عارفين أن دة التعديل عليها مش أكتر، كلامي للقارئ الجديد و القديم.
أنا أولاً آسفة لو خليت ليلتكم مش لذيذة و عكرت المود بالقصة، بس خلونا نتكلم شوية بالمنطق بعيد عن الوهم، مش القصص دي موجودة في واقعنا برضو؟ هل من المنطقي أن يكون الكاتب يكتب عشان بس يرضي القارئ؟ ولا عشان يعبر عن أفكاره؟
قصة عاصفة طبعاً موجودة حوالينا كتير و في كل مكان، عكس العادة هى مش مستوحاة من واقعي أو من أغاني تايلور، لكني من سنتين كنت عايزة أخرج عن المألوف و أكتب في تصنيف جديد أعبر فيه عن أفكاري، عاصفة من سنة و نص كانت قصة يع. 😂 بس الحمدلله يعني حالياً عدلت عليها و بقيت في صورة أنا راضية عنها.
لاحظت في الفترة إللي كانت رواية آخر أيام ديسمبر لسة مستمرة أنه شخصية إيدين غامضة « في الكتاب يعني » و كنتم محتاجين تفاصيل أكثر عن الشخص إللي خلى كلوي عندها تراست ايشوز بالشكل دة، سو كتبت عاصفة، إللي كانت تجربة جميلة جداً.
أتمنى تكونوا راضيين عن القصة و أحداثها، أتمنى أصلاً الفكرة المبطنة توصلكم، و أن الشخص المكتئب و المنتحر مش بيحصل من يوم أو شهر أو سنة، الموضوع أكبر من كدة بكتير و ربنا يبعده عننا كلنا.
بس هقول النقطة إللي أعتقد مش الكل هيفهمها بسهولة، وجود كلوي في حياة إيدين كان زي عدمه بالظبط، الحقيقة إللي مش واضحة غير في النوتس عندي و في مخيلتي هى أن إيدين مقرر أنه ينهي حياته من لما كان عنده ١٤ سنة، من ٣ سنوات قبل إقباله على الخطوة، ففكرة أنه مجئ كلوي لمدة ٣ أسابيع حرفياً مأضافش أي حاجة غير أنه حسسه بالذنب لما إنتحر، كلوي كانت زي البلسم في حياته قبل ما ياخد الخطوة إللي كانت خلاص مقرر لها من سنين.
و نقطة كمان، الأسباب إللي خلت إيدين يؤمن أن الانتحار هو الحل مش المشاكل العائلية بس، الموضوع أكبر من كدة، لكن مراعاة للقارئين الصغار حاولت والله يكون الموضوع لطيف. 😭
عجبتكم القصة؟
تقييمها من ١٠؟
مساحة فاضية للتعبير عن كل إللي في ذهنكم للقصة. ❤️
قبل ما أقفل النوت و ملف عاصفة كلها.
لو أنت بتقرأ و وصلت لهنا أوعى تفكر أن الانتحار هو الحل، صدقني الحل الوحيد هو أنك تتكلم و تعبر عن اللي جواك بشرط يكون للشخص الصح، و لو يأست أنك تلاقي الشخص الصح روح لدكتور نفساني لأنه عمره ما هيكون غلط، و أبداً أبداً قرار الدكتور النفسي مش عيب ولا حرام، كله في سبيل أن الإنسان يكون في أفضل صوره. ✨🤍
خلصت العاصفة بتاعتي، طمنوني على عاصفتكم. 🌪️
أنت تقرأ
Storm | عاصفة ✓
Short Story« صديقتي التي تنتظرني حالياً لنقوم بتقطيع كعكة عيد مولدها معاً، آسف لأنني أجعلكِ تنتظرين و لكنني كنتُ مشغولاً في الإنتحار، يمكنكِ أخذ نصيبي من الكعكة لا مانع لدي. » عام جديد سعيد. - إيدين مالاشي. • قصة قصيرة متفرعة من آخر أيام ديسمبر | أكاديمية EF،...
