Near the love (Complete)

Near the love 22

Uni

အမေရှိစဥ်တုန်းက မသိခဲ့ရသော အဖေ့အကျင့်တွေက ဘူးပေါ်သလိုပေါ်လာခဲ့သည်။ ငယ်လွန်းတဲ့မိမိကပဲမသိတာလား။ အမေကပဲသိသိရက်နဲ့ဖုံးထားတာလား။

အိမ်ပြန်လာတဲ့ရက်တွေကလဲ နည်းသထက်နည်းလာသည်။ တစ်ခါတစ်လေ ကိုယ်တောင်မသိလိုက်ပဲ မြန်မာပြည်ကိုရောက်ရောက်သွားတဲ့ အကြိမ်ကလည်းမနည်း။

တစ်ခါတစ်လေ မူးပြီးပြန်လာပြီး ဘေးမှာ မိန်းမတစ်ယောက် ဒါမှမဟုတ် ယောက်ျားတစ်ယောက်ပါလာတတ်သည်။

ဒါတွေမြင်ပါများလာတော့ လူကဂရုတောင်မစိုက်မိတော့...

'ဒေါက်..ဒေါက် '
"သား...အဖေဝင်လာမယ်နော်" ဆိုကာဝင်လာသည်။

"ငါ့သားလေး နေကောင်းရဲ့လား။"
"ဘာကိစ္စရှိလို့လဲ"

"သြော်...သားလဲအလယ်တန်းပြီးလို့ အထက်တန်းတောင်ရောက်တော့မယ်။ အရပ်ကြီးကလဲရှည်လိုက်လိုက်တာ။ ဒါနဲ့ သားကို အဖေပြောစရာရှိတယ်။"

ထင်သားပဲ အရင်ကအဲ့လောက်အရေးတယူမရှိတဲ့ အဖေက ဒီနေ့မှ သေချာစကားတွေလာပြောနေတာကြောင့် ထူးဆန်းနေပါတယ်လို့

"သား ကို အဖေ လက်ဆင့်ကမ်းအမွေပေးစရာရှိတယ်"
"ဘာကိုလဲ"

"လာ...အဖေ့အနောက်လိုက်ခဲ့" ဆိုတာကြောင့် Don လဲ လိုက်သွားလိုက်သည်။

ဒီအိမ်တော်မှာ ငယ်ငယ်ကတည်းက နေခဲ့သော်လဲ ခုလိုလျှို့ဝှက်မြေအောက်ခန်းရှိတာ Donအခုမှသိသည်။

အိမ်ကကျယ်သောကြောင့် ဒါရှိတာ သိတဲ့သူရှားမဲ့ပုံ
မြေအောက်ရောက်သွားတာနဲ့ ညှီနံ့တွေကလှိုက်တတ်လာတော့ လူကပျို့ချင်လာလေသည်။

ထောင့်တစ်နေရာရောက်တော့ အခန်းတစ်ခန်းထဲကို ဝင်သွားသောအဖေ...
Don လဲလိုက်ဝင်သွားတော့ လက်နက်တွေတွေအစုံနှင့်ရှိသော အခန်းတစ်ခု.....

အရမ်းအံ့သြသွားသောကြောင့် ဘာမှတောင်မပြောနိုင်....

"ဒီလောက်ဆို အဖေ့လုပ်ငန်းတစ်ချို့ကို သိပြီထင်တယ်။"
ဒါဆို အဖေက အမှောင်ဘက်ကသူပေါ့

"သားလေ့ကျင့်ချင်တာရှိရင် အချိန်မရွေးလေ့ကျင့် အဖေလဲသင်ပေးမယ်...."