آلم آلفرآق

بارت 1

في مساء احدى الليالي في احد ضواحي بغداد ولدت اجمل زهرة في تشرين الثاني عام 1960/11/30

طيبه من بغداد مواليد 1960 عدها اخت رزان واخ اكبر منها عبدلله وامها ربت بيت وابوها موضف

بعد ماعرفنه بطله قصتنه خلي ندخل حياتهه ونشوف شنو الي راح يغير كلشي

_دفتري الشخص الوحيد الي احجيله الي بكلبي وافضض اله عن مشاكلي احسه يسمعني
صديقتي الاحبهه راحت وهل شي جان اكبر خوف بكلبي من اشوفهه تروح وماكدر امنعهه
جان هل شي عالق بجوفي مثل، الانتقاد، الفشل، وحتى فقدان الامهات لانهه جانت محور حياتي جان سبب زعلنه بنت دخلت بيناتنه وفرقتنه💔.
رغم اني اكره الوداع حيل بس مابيدي شي بعد الحبال البيدي تلفت وهيه تيهت طريق صداقتنه وعافته واني بقيت بنص الطريق بدونهه
اتمنالج حياة سعيدة يامن كنتي اجمل شي يسكنني اتمنى ان يجمعني الزمن بيج ولو بعد حين مدام اني عايشه مراح انساج ياحبيبه كلبي
_طيبه تعاي ساعديني بالغدة ابوج راح يوصل
_اجيت
نزلت ساعدت امي بالغدة ورتبت السفره وكملنه اجه بابا تلكينا وسلمنه عليه وبوسنا وكعدنه كلنه ناكل سوا على سفرة وحدة ونتشارك احلى الحضات ومن بابا يسولف النه على دوامه وشنو جاب النه
جنت ادعي الله يدوم محبتنه ونبقه سوا للابد
خلصنه غدة وغسلنه المواعين
_طيوبه ورزان تعالو يابه شوفو شنو جبتلكم
نزلنه عليه ورحنه
_جبتلكم غراض مدرسه واقلام ودفاتر حلوات مرسوم عليهن اميرات حلوة
_اخذنه اني واختي
بوسنا وكال اريد انام تعبان عفنا وصعدنه
حضرت جنطتي وملابسي للمدرسه باجر اول يوم دوام الي صف رابع اعدادي بدون صديقتي ورفيقه دربي لمى هاي اول سنه بدونها ادوام جنت مثل هيج يوم اني وياها كاعدات سوا ونحضر الملابس سوا ونضحك ونسولف ماحسيت اله والدمعه البعيني سبقتني وحجت البكلبي. اختي ثالث متوسط جانت اني اكبر منها بسنه اما  عبدالله صف سادس اعدادي اذن المغرب رحت صليت ودعيت ربي يجمعني بيهاا وخلصت لكيت امي بالمطبخ تحضر بالعشه رحت ساعدتهه وتعشينه سوا وبعدين كعدنه نباوع عالتلفزين الي بالصاله كلنه بعدين خلص الفلم امي صعدت نامت وكلهه صعدت اني رحت لغرفتي اباوع الهه ضلمه ما بيهاا لون ولا روح جانت عباره عن جربايه بسيطه وميز وكنتور اجيت اريد انام ما كدرت اني بعادتي من اتصير عندي طلعه من الصبح اضل كاعدة مااكدر انام وخصوصا اول يوم دوام فه ضليت اتكلب بالفراش لحد الساعه 2 بليل فكرت بصديقتي هسه هيه هم مشتاقتلي هيج هم انقهرت لان راح تداوم بدوني... ضل التفكير ياخذني ويرجعني لحد. مانمت فزيت عالمنبهه الساعه 7 وربع بدلت وطلعت جنطتي لكيت رزان متحضره هيه وعبدلله باوعت لنفسي بلمرايه حيل متغير شكلي عن قبل
وصلنه اخوي اني بمدرسه واختي بمدرسه لان هيه متوسطه واني اعداديه وراح وصلت اباوع للرحلات والدمعه تسبقني تريد تحجي سكتت وكعدت ثاني رحله كعدت بصفي بنت اسمهه اسما كلش حبابه ولطيفه سالتني عن اسمي كتلهه طيبه كالت اني اسما واتعرفنه كزميلات رحله
خلص اول يوم بالمدرسه وجان كلش عادي
اجاني عبدالله باب المدرسه هوا ورزان منتضريني نرجع سوا طلعت وتلكوني ورجعنه نمشي وجنه نمشي بدون منحجي ساكتين ونمشي وصلنه للبيت
لكيت امي مسويه غدة كعدنه نتغدة وضلت رزان تسولف شصار وياها وعن منو تعرفت وعبدلله ياكل وميشارك بالحديث اما اني اشارك بشي قليل جانت رزان اكثر شخص يسولف بالبيت ويسوي اجواء مر هل يوم عادي بدون احداث جديدة...
_يلا اتأخرنه ترا شجاي تسون استعجلن عاد
_اجينه شبيك
_يلا امشي كدامي
طلعنه نمشي بهدوء كعادته  بكل طلعه وصلني عبدالله وراح رحت للصف شفت اسما اجت سلمت عليه
_هلا طيبه شلونج
_الحمدلله بخير وانتي شلونج
_تماام مدامج تمام
ابتسمت الهه بهدوء ومشيننه رحنه كعدنه عالرحله وهيه تسولفلي شنو حضرت
_راجعيلي هاذا التعرايف
_انطيني الكتاب
اخذت الكتاب وراجعت الهه اجت المعلمه للصف وسكتنه خلص الدوام
_مع السلامه حبي
_باي اسما
رجعنه اني و عبدالله ورزان..
مرت الايام نفس الروتين

بعد شهر..

اذا عجبكم البارت صوتو حتى استمر بالنشر😊