آلم آلفرآق

بارت 8

انداريت ولكيت امير وراي جان بيده كتابي وكال
_تدورين على هذا
_اي هذا كتابي
_من مشيتي وكع وغراضج هاي هم
اخذت الغراض
_شكرا الك
_تدللين
_تعالي نكعد هناك اني جنت ادري بيج راح ترجعين تدورين على غراضج فه وكفت هنا كلت هسه تجي
_تعبتك وياي
_تعبج راحه
كعدنه على الميز طعام
_شكل الكتاب الي مشتريته حلوو عن شنو يحجي حتى اذا عجبني اقرا وياج
_الكتاب يحجي عن شخص اسمه فرانسس افترقوا هوا وحبيبته ميليانا وهوا جان يكتب الها رسائل بهاي فتره الفراق وبعد موت فرانسس وميليانا جمعوا رسائلهم واحتفضوا بيهن بالكتاب هذا
_مبين كلش حلووو حبيت قصتهم بس ليش  ماحارب علمودهه
_ماعرف هواي عنهم وتفاصيلهم شويه مو واضحه لحد الان محد كدر يعرف قصتهم كامله اكو هواي تشويش بيهه
_اهاا
_اي
_بعد نص ساعه على المحاضره
_اي اني اروح للقسم من وكت اترخص منك
_بعد وكت ترا
_مو اني مو كلش فاهمه الماده هاي وامتحان عدنه اليوم واخاف اطلع راسبه
_ولايهمج اني اساعدج اليوم اني احل الج الاسئله
_لا اني راح احاول وتبقى يم الله بعد
_مابيهه شي اذا ساعدتج اليوم يجوز باجر اني احتاج مساعدتج
_تسلم راح اتعبك
_ولايهمج اكعدي منا لمن تبده المحاضره نروح
_تماام
ضليت اباوع على الطلاب واستحي اخلي عيني بعينه من يحجي وسكتت ماحجيت شي بس بداخلي ما مرتاحه خايفه مااعرف ليش كسرهه هوا وكال
_بدايه الدوام شعجب ما داومتي
_اسباب عائليه
_اهاا.............. بعد الدوام تحبين تطلعين برا الجامعه
_لا اني بس اول 3 محاضرات واطلع ما اكدر اتأخر اكثر من هيج
_بس هيج راح تفوتين هواي دروس عليج
_اني احاول افهمهن بالبيت
_بس تحتاجين شي اني اساعدج بي
_متقصر
_انتي دوم هيج طبعج بارد لو بس بالكليه؟
_لادوم اني هيج وبالعكس طبعي مو بارد بس اني ما احب اتعمق بالكلام
_بالعكس احلى فتره هيه فتره الكليه
_اني احلى فتره عندي من اتخرج واصير محاميه هنا صدك احلا ونسه
_اي صحيح انشاء الله تتخرجين وتصيرين احسن محاميه
_تسلم
_ليش اختاريتي القانون
_حتى ادافع عن كل بنيه مضلومه
_حلوو هدفج
_انت ليش اختاريته
_اني قصتي طويله تحبين تعرفيهه
_اي
_بابا انحكم ضلم ل 7سنوات بتهمت تهريب مخدرات بسبب صديقه هوا الي اتسبب بالاذه اله
_اووف خطيه الله يرجعه الكم سالم معافه وتفرحون برجعته الكم
_أنشاء الله.. اني كل فتره اروح اشوفه اني وامي
_الله يبرد كلب امك هسه تلكاهه مكسورة
_امي اتمرضت وصار عدهه سكر والضغط كام يرتفع عدهاا دوم
_سودة عليه مابيهه اله العافيه ياربي الله يساعد كلبهه
_كلشي قضاء ربنا مانكول غير الحمدلله على كل حال
_الحمدلله
حسيته هنا دمع بس مابين الي بعدين كسرهها وكال
_خلي نروح للمحاضره
_تمام
رحنه للمحاضره وكعدت من جههت الشباك وكعد قريب من الكرسي مالتي شويه واجه الدكتور و وزع الاسئله حليت 3 اسئله وضلن 2 دخت بيهن هوا حل لنفسه وشافني صافنه على السؤالين الاخيرات اخذ ورقتي مني وحل كلشي الي و سلمنه الاوراق صارت الساعه 10 ونص طلعنه وتمشينه كتله
_شكرا الك على المساعده
_ولوو ماسويت شي... شتكولين نشرب قهوة هنا يم هاي الكافتيريا عدها قهوة تخبل
_لا ماريد اني راح اكعد بالقسم علما تبده المحاضره الثانيه
_بعد هوااي وكت تعاالي وبلا اعذار
_لا تسلم بس ولله ماللي خلك
_دتعاي شبيج اني عازمج معقوله ترفضين عزيمتي واني ساعدتج
_هههههه يعني انت كمت تستغل مساعدتك الي حتى نطلع
_ههههه اي
ضحكت ومشيت ويا كعدنه بالكافتيريا واني كعدت كباله
_شنو تحبين قهوة ساده لو مره لو وسط
_وسط
_اني هم احب الوسط
كعدنه نشرب القهوة
جان من يباوعلي استحي واندار  واصفط بالمنديل  الي بيدي هوا حس عليه ما مرتاحه كال
_محتاجه شي اجيبلج
_لا لا سلامتك
_احسج ما مرتاحه
_لا ولله ماعندي شي... كلش طيبه القهوة
_الف عافيه
خلصنه واني فتحت جنطتي اطلع فلوس
_دفعت وخلصت امشي نطلع
_لا اني هسه ادفعهه عندي
_خليهه لتسوين هيج
مشينه وافترينه بالحديقه جان بيها طلاب قليله كال
_تحبين الورد
_امووت عليه اصلا غرفتي هوااي بيها مزهريات ورد
مشه هواا وقطف الي ورده حمرة
_واخيرا لكيت شبيهه الج
_ههههه
اخذت الورده وشميتهه تخبل جانت ورده جوري
_الورد تخبل كلش طيبه ريحتها
_اي
_شوف الورده شلون بدت تتفتح
_لان اشتمعت بشبيهتها
ابتسمت من كلامه ودنكت حيل استحيت
_ههههه المستحه غير الج ما يلوك
_خلي نروح للمحاضره
_تماام
رحنه للمحاضره وخلصت المحاضره بعدين طلعنه كعدنه بميز ودكت عليه امي اترخصت من امير. ومشيت على صفحهه حاجيتهه
_ها يمه شلونج
__هلا حبيبتي الحمدلله زينه انتي شلونج
_زينه
_اكلج يمه تعاي للبيت هذا عمج جاي بالطريق هوا مايحب البنيه تطلع وتطب وخاف يشوفج ويسويلج مشكله
_اي يمه راجعه
سديت الموبايل ورحت اخذت جنطتي
_ها وين صاير شي
_لازم ارجع للبيت امي خابرتني
_اوصلج اني
_لا ميحتاج اني ارجع
_لا اني اوصلج سيارتي هنا
_لا ولله اني ماعندي شي اني ارجع ربع ساعه اوصل
_تمام
_مع السلامه
_مع السلامه
رحت للبيت وصلت وبدلت وساعدت امي ورتبه الغده
و اجه عمي اتلكينا ورحبنه بي واجه بابا هم
جان عمي مسافر خارج العراق ضل فتره هناك بعدين من رجع كال اجي يمكم
عمي عنده 2 بنات و2 ولد
بناته كبار اعمارهن 19 و 18 و  ولده هم كبار
_هلا طيوبه شلونج عمه
_هلا عمه الحمدلله انتي شلونج
_بعد كلبي مشتاقيلكم
_احنه الاشوق حبيبتي... تفضلي عمه
اتكليت عمتي وسلمت على بناتهه
_هلا احمد شلونك
_هلا طيبه  زين انتي شلونج
_تمام
احمد ابن عمي الجبير عمره 22 سنه وابنه الثاني علي
سلمت عالكل وكعدنه ضيفناهم اني واختي جاي وعصائر ومي
وكعدنه نحضر السفره واجن زهراء وزينب بنات عمي يساعدنه وكعدنه كلنه عالسفره نسولف جان المكان يعج بالاصوات بكل مكان كلهه تحجي و يسولفون  واني جنت ساكته واباوع الهم
(هواي احب اجواء العائله احب هوسه الجهال لمن يلعبون واصوات الاهل الي تترس البيت وصوت بابا وعبدلله الي كل عمرهم معروفين بالكرم والطيبه والحنيه واكثر شي افتقده بالبيت امي اذا ما اسمع صوتهه احس البيت وحشه رغم كثرت الناس)
اتغدينه وخلصنه وبابا كال
_اصعدو ارتاحو انتو تعبانين هسه انحضر الكم حمام
_لاخويه شعدنه خلي نسولف مشتاقيلكم ولله ماشبعنه منكم بعد
_واحنه هم ماشبعنه منكم بس لازم ترتاحون ومن تكعدون نسولف
_انشاء الله
بابا
_طيبه يابه اصعدي رتبي غرفتج ل عمج وانتي رزان هم رتبي الغرفه
_صار يابه
صعدت شلت كلشي بالكاع وحطيت لحاف ابيض جديد ونضيف وصحت عمي سبح ونام هوا وعمتي وكلهه نامت باابا راح طلع هوا وعبدلله يجيبون غراض للبيت وضلينه اني وامي ورزان كاعدات هاي الساعه تقريبا صارت 4 ونص حضرت اني كرزات وحب وعصائر وبسكت وفرشت فراش بالسطح وصحت امي ورزان كعدنه نسولف واتذكرت اني جبت ل رزان اكسسوارات انطيتهن الهه كيفت وفرحت هواي وكلت من يجي عبدلله انطي غراضه
شويه وصاح بابا نزلنه عزلنه الغراض الجايبهن حضرنه زلاطه وكاستر وشويه شغلات وكلنه من يكعدون نحلي سوة صارت ب 7 همه كعدو صلينه اني وامي وعمتي وبناتهه ورزان وحد وبابا وعمي و ولده وحد
خلصنه صلاة وتعشينه وبابا كالهم باتو اليوم ماشفناكم واصر عليهم يبقون
كلهم نامو....

اذا عجبكم البارت صوتو اله واني كل يومين انزل بارت جديد☺️