آلم آلفرآق

بارت 7

بلشت دوام الاحد جنت اني غايبه اسبوع عن الجامعه
جنت لابسه قميص ابيض وتنورة سوده وحجاب اسود وحذاء اسود بي ابيض وجنطتي جانت حياكه من ايد امي لونهه ابيض كلش حلووة رحت للجامعه مشي صعدت بباص ووصلت جانت كلش جبيره وحلوةة حيل حبيت شكلهه شفت من بعيد غرفه العماده وماعرفت القسم الي اداوم بي وين ضليت افتر ادور على قسمي جان جاي امشي وباوعت على الورد كلش  حلوو بالغلط جنت اباوع على الورد والنافورة وماانتبهت انصدمت بشاب  وكعت جنطتي راد يشيلهه الي
_اني اشيلهه تسلم
_اسف ماشفتج
_لاعادي
مشيت وحسيت كلبي ينبض بسرعه شفت بنات كاعدات عالكراسي سالت وحده
_ممكن تدليني على قسم القانون
_شعجب متندلين قسمج ترا الدوام صارله اسبوع
_اني اليوم يلا داومت
_اهاا
_تعالي
مشيت وياها ومبينه حافظه كل مكان هنا وصلتني للقسم وجانت المحاضرة تبده ورة نص ساعه منا
_اني هم قسم قانون تدرين
_صدفه كلش حلوة
_ اني اسمي لانا
_عاشت الاسامي واني طيبه
_تشرفت بمعرفتج
_الي الشرف
_شنو رأئيجج بالجامعه حلووه
_تخبل احلى شي الورد الي بالحديقه البرة والنافورة حلووة كلشي بيهه حلوو وخياالي
ضلت تباوعلي وتبتسم
_اترخص منج اني
_على راحتج
حسيت بغربه هنا حيل لان افتر وحدي وماعندي صديقه حسيت بوحشه جبيره وكعدت على مصطبه وشفت بنات كاعدات كبالي عالمصطبه مبينات صديقات جانن يسولفن سوا بعدين كمت ورحت اشتريت قهوه وكعدت على كرسي بميز طعام وحدي شفت الشاب الي الصبح اصدمت بي كاعد ويا ولد
ماباوعت الهم  طلعت تلفوني دكت عليه امي جاوبتهه
_ها يمه
_هلا يروحي وصلتي
_اي وصلت
_ديربالج على نفسج ييمه لاتصعدين باي سياره بس بلباص يمه اكلتي؟
_جاي اشرب قهوة
_لاضلين على الكهوة بس سويتلج لفه جبن من الي تحبينه اكليهه بالجنطه خليتهه
_هسه اني زغيره وتسويلي لفه جبن بعد لاتحطيلي
_لا يمه خاف تتخربطين اذا متاكلين بطنج تكوم توجعج اكليهه واشتري من المصرف الي انطيتج ياها جاي وي الفه
_اني اعرف اكل تره اخذي راحتج يمه
_بيبااي
سديت التلفون وفتحت الجنطه لكيت اللفه استحيت اكلهه هنا عفتهه حطيت تلفوني بالجنطه وكمت للمحاضره وكعدت ثالث رحله يم الشباك  وكعد بصفي الولد الي اصدمت بي
_السلام عليكم
_وعليكم السلام
سلم عليه وكعد بدون محجي شي هوا جان حيل شاطر ويشارك بالشرح وكلهه تريد تكعد يمه حتى يساعدهم الدكتور كال الهم خلو امير يساعدكم بالاستراحه  بعدين الدكتور  كالي انتي جايه حيل متاخره لازم تراجعين الموضوع الاول اذا متراجعينه متفهمين المواضيع الجايه خلصت المحاضره وطلع الدكتور واني مافهمت شي من المحاضره طلعت من الصف كعدت بميز طعام صاير يم شط واجه امير الي كعد يمي هوا وصديقه كالي صديقه
_هذا المكان اني واصدقائي دوم نكعد بي ممكن تبدلين مكانج
_تمام
ردت اكوم جان امير يكول
_ابقي هنا احنه راح نغير مكانه اسفين على الازعاج
_لامابيهه ازعاج اني كاعده وحدي هسه اغير مكاني مابيهه شي
كمت ومشيت وسمعت امير ضل يحجي على الولد لان كالي غيري مكانج
كعدت على المصطبه واباوع على الحديقه شكد حلووة حيل حبيت منضر الاشجار والورد هنا لطالما جانت امي تشبهني بالورد كلت اخذ وردة ل امي وياي من اطلع حتى متموت بايدي  شويه ورحت للمحاضره الثانيه ومن خلصت طلعت كعدت بنفس مكاني واشتريت نستله ككو رغيره وكعدت واكلتهه بعدين سمعت انو ممثل شعبته حجه وي الدكاتره ولغو المحاضرات الباقيه لان الطلاب رادو يرحون للمطعم بره الجامعه واني قررت ارجع للبيت مدام ماكو محاضرات بعد ورجعت للبيت بلباص وسلمت على امي وماصار شي جديد مر على دوامي 9 ايام  تعودت على جو الجامعه بس رغم هل شي احس نفسي مو مكاني المناسب هذا بس اريد احقق حلمي واصير محاميه وادافع عن كل مضلوم و عن كل بنيه بهذا زمنه لان دائما البنيه مضلومه ومحرومه من كلشي تحبه دومهه مناضله وصبورة عن كل الاذة الي يتسسبو الهه الرجال او الاهل او المجتمع البنيه اساس المجتمع هذا بس الرجال اغبياء ميفهمون هيه شنو دورهه
هيه دورهه تبني مجتمع واعي ومثقف وتربي الاجيال وتوعيهم
الرسول باكثر من حديث وصى الناس اجمع عن النساء هيه وصيه الرسول البنيه المجتمع كله
بس للاسف محد ينصفهه بس يضلمونهه ويكسرون امالهه واحلامهه اني تعبت حتى وصلت للجامعه شكد واجهتني مشاكل وضغوطات بحياتي بس ماوكفت  عن تحقيق حلمي...
جان عندي باجر دوام وجهزت نفسي وسبحت وجان يومي عادي عمي الوحيد   خابر بابا وكال باجر اجي اتغده يمكم فه اني وامي نضفنه البيت حتى باجر بس نسوي الغده من يجون المهم تعشينه ونمت..
كعدت الصبح من وكت الساعه6:15 صليت الصبح لان من اصلي احس يومي كامل وماناقص شي خصوصا صلاة الصبح خلصت وبدلت لبست فستان اسود طويل منقش ابيض خفيف ومخصر وكعب عالي لان اني قصيره وحجاب اسود وجنطه بيضه اني بالعادة ما اتريك ريوك قوي اكثر شي جاي وبسكت ويا او كليجه اذا امي مسويه فه كلت من اوصل اشرب جاي وبسكت اذا جعت حضرت كتبي وكعدت امي كتلهاا اني رايحه شافتني لابسه اسودكله اني من بدت الجامعه اغلب لبسي اسود فه من شافتني كالتلي
_يمه ليش تلبسين اسود حتى الورد من يصير لونه اسود مينراد الاسود لون ميلوكلج انتي شابه بعدج ميلوكلج بس الفرح والوردي والالوان الحلوة
_اني احب اللون الاسود ومابيهه شي اني اللبسه اهم شي مقتنعه وحابه لونه
_اني من يصير عندي مجال اخذج نروح للسوك نجيب الوان حلوة وبيهه اسود قليل شتكولين
_انشاء الله
_عفيه بنيتي ديري بالج على نفسج ولاتمشين وي البنات الموزينه لان اني طول عمري اربيج احسن تربيه وماريدج تاخذين طبعهن ادري بيج عاقله و واعيه بس من حرصي هيج احجي
_ادري يمه اني ما اسوي بس الي يرضيج ويفرحج ششعندي غيرج و راح اكون دائما رافعه راسج وافرحج بالي راح اوصله واعيشج احلا عيشه واخذج للحج ونروح نزور مكه أنشاء الله
_بعد روحي حبيبتي وباستني من خذي وصلتني الباب الشارع
_يمه ديري بالج على جامعتج وعلى دروسج ولاتصعدين بسيارة احد متعرفينه روحي بالباص أئمن الج
_صار حبيبتي الغالية
ودعتهه وطلعت رحت بالباص صعدت وصلت وكلشي جان عادي لحد الان مصار عندي صديقه كعدت عالمصطبه الي دوم اكعد عليهه الي كبالهه الورد الاحمر والالوان الحلوة
كعدت وااباوع الهن وافكر شنو  اجيب ل عبدلله وياي من ارجع من الجامعه اكو محل جبير بي هوواي غراض و ملابس وكتب وهوا قريب عالجامعه فه قررت اروح اجيبله شي هوا ورزان لان اني ماجاي اسولف وياهم مثل قبل و خصوصا رزان مو مثل قبل نسولف ونسهر ونباوع عالتلفزيون ونشوف مسلسلات بسبب الدوام كمت حتى اروح  لان محاضرتنه صارت الساعه 9 وهيه هستوهه صارت 7 ونص بعد هواي وكت كمت اول شي شربت جاي سريع وبعدين رحت للمحل جان كلش حلووو وبي هواي ملابس وشغلات حلووة عجبتني  ضليت افتر والمكان يجنن لان اثري وبي شغلات كلش قديمه وانتيكه من زمن العشرينات لكيت محل محفضات فلوس واشتريت وحده ل عبدلله جان عندي الفين دينار
لكيت ال رزان اساور وهل شغلات هيه حيل تحبهن اشتريت الهه اسوار فضي ومحبس وحجل بعدين جاي امشي وشفت محل كتب بي روايات حلووة لكيت كتاب اسمه
(فرانسس كافاكا) جان بي كل الرسائل الي يكتبهه ال ميليانا اشتريته وجاي امشي واني احط بالغراض بالجنطه وعثرت بالعلاكه و لزمني امير الي وياي بالقسم
_اسفه مااانتبهت
_ولايهمج عادي...
وكفت وكالي
_تذكرين اول يوم بالكليه من صدمتج بالغلط هل مرة متعادلين اني صدمتج وانتي كذالك
ضليت ساكته شافني كال
_تعالي نطلع المكان صاير هوسه حيل و الشباب تارسه المكان
_اي
طلعت ورحت كعدت على مصطبه وهوا كعد يمي
_مبين عليج زعلانه منو مزعلج
_لا مابيه شي بس اليوم حاره
_اي صح تعالي نكعد هنالك على الميز الي بالفي
_لا انت روح اني هسه اكعد بغير مكان
_لا تعالي شبيج مستحيه
_لا تسلم ماكو داعي اني اصلا راح اروح المحاضره
عفته ورحت وشفت المحاضره مالتنه بعد الهه ساعه ضليت شويه افتر وحدي بعدين اتذكرت الغراض الي اشتريتهم  مالكيتهن بايدي دورت بالجنطه بعدين تذكرت من عثرت وكعن من اييدي ضليت افتر وادور وين وكعت العلاكه مني والكتاب هم مالكيته رجعت للمكان الجنت كاعده بي جاي ادور انداريت ولكيت امير وراي كال......