آلم آلفرآق

بارت 5

جان باجر الدوام كام عبدلله يخلق المشاكل وياي جنت احضر نفسي الصبح حتى اداوم اجه عبدلله
_ماكو روحه اكعدي وسكتي
_ليش مو حضرت نفسي
_اكعدي واسكتي ماعدنه فلوس نصرف على حضرتج ملابس طبه وطلعه
_ماريد ملابس اني وماريد مصرف واني اخيط بالعطله واشيل مصروفي للكتب
_انتي متفهمين من اكلج روحه ماكو متداومين وحتى اذا داومتي تداومين يوم يومين بالاسبوع والباقي تقرينه بالبيت
_ليش يعني وحد اني عن البنات تستخرون عليه اعيش حياتي مثل البنات انطيني سبب واحد يخليك هيج تمنعني اروح
_اني رحت وشفت وضع الجامعه وماعجبني وماريدج تختلطين بالباقين
_واذا اختلط بيهم راح اصير مثلهم يعني
_اي تصيرين
_يعني متوثق بيه وخايف اصير صايعه مثلهن يعني
ضليت اصيح عليه
اني مو مثلهن اني حتى ما اشبهننن شوف اني وين عنهن وشلون اختلف ححتى ليش دائما تحب تخليني بمنضر القليله والي متفهم اني مو مستهتره
_انجبني وامشي بدلي وطلعه ماكو
_ما ابدل اني اريد اروح من اسوي شي غلط عود مااروح انته حتى سبب يقنع ماعندك بس لا تروحين وليش تغير رأيك انت مو كلت روحي ليش من اجه يوم الدوام وصار الصدك غيرت رأيك
_راسي كام يوجعني لتخليني اكسر راسج
_كسره يلا كسره شمنتضر هوه بقت عليه انته ماخليت شي ماكسرته
_الصبر ياربي
اجيت اخذ جنطتي اريد اطلع جان  يصيحلي وما انداريت عليه اجه يمي وضربني راشدي وكعني بالكاع من قوه ايده
امي سمعته اجتي تركض راد يضربني مره ثانيه اجتي امي تركض كوه وخرته عني ضل يصيح كعدت رزان اجتي تركض
_هاي شكو شبيكم
_وخري منا لا اكسرج انتي وياها
اكللهه طلعه ماكو تعاند عبالهه العناد ايجيب نتيجه هاي مو عليه سعتي لو لا اطلعي وشوفي شلون اكسر رجليج

كلامه جاي يفطر بكلبي ويوجعني حيل اني اكثر انسانه احبه واهتم بي بالبيت هيج يعاملني واني ما مسويه شي غلط
اني عاطفيه حيل بسرعه دمعتي تنزل فجان ماينطيني مجال احجي واني حيل قهرني هل شيء يريد يطلعني مذنبه باي طريقه
_كسرهه رجليه يلا كسرهه اني ما عاندتك بس ردت اعرف ليش ماخليتني اروح كتلي وضع الجامعه وماعجبني
اني مارايحه حتى اتسامر وي وضع الجامعه

ضلت امي تسحول بيه للغرفه طببتني للغرفه وسمعته يصيح بس ماعرفت شنو يكول
ضلت امي تكول
_معليج بي اني احاجي ابوج واخليج ترحين وبعد لا تعاندين اخوج ولا تعلين صوتج عليه
ردت احجي ستكتني وكالت ارجعي نامي راحت هيه بقت بس رزان يمي ضلت تباوعلي
_يمعوده واذا مارحتي اول يوم تروحين بعدين ابوي يخليج ترحين حتى تصيرين محاميه بيتنه وتدافعين عني  ومن يضلموني انتي وياي😂
ضليت اضحك على كلامهه بعد سكتنه كامت فتحت كنتوري شافت ملابسي قليله
بعدين مدت ايدهه بجيبهه وطلعت فلوس هواي يطلعن تقريبا 5 الاف
_هاي الفلوس الج اشتري ملابس اخذي امي واشتري بدون ميدري عبدلله اني انطيتج لان كالي اريدهن كتله انطيتهن لامي
_لا مااريدهن عندي جاي اخيط ومصروفي مكفيني خليهن الج اشتريلج شغله بيهن
_اني ماجاي اداوم وماعندي شي اصرف فلوسي عليه اخذيهن للدوام انتي اني بسرعه ينجمعن عندي
_لا مااريدهن خليهن حتى لو متداومين ما اخذهن
_الله عليج اخذيهن اعتبريهن دين ورجعيهن شبيج اني اختج وماريدلج غير الاحسن
فرحت حيل بكلامهه اخذتهن منهه وباستني وكالت
_المهم هسه لتضوجين بهل حياة كلشي يصير تنضربين وهواي يصير وياج فلا تضوجين نفسج ارجعي نامي احسلج لحد ميجي بابا ويحجي وياه
_تماام
طلعت اختي وضليت اني اباوع للشابك جان اكو رجال جبير بالعمر دوم اشوفه من شباك غرفتي اكثر من مره يبيع ورد
اشوف الناس تحب تساعده وتنطي فلوس بدون ميشترون بس ميرضه ياخذهن يكول كل شخص ياخذ حق استحقاقه جان كلش طيب
ضليت اباوع عليه والتجاعيد تارسه وجهه قهرني حيل
..
اجيت اريد انام ماكدرت انام ضليت احوس بعدين طلعت دفتري وكتبت ...
وها انا اكتب لك الرساله التي لم استطيع قولها لك... لانني لا استطيع التعبير عن مشاعري دون ابكي💔
منذ ان غادرت وانا انتضرك بنفس المكان الذي تركتني فيه
كان الغريب في حياتي هوا انني عندما احب احدهم واخشى رحيله .... يرحل وبسهوله
وكان هذا ابشع شعور يشعر به الانسان في حياته
كانت انتصاراتي في هذا العام انني خسرت الكثير من اشباه الفرص واشباه الاصدقاء واشباه المحبين وفقدتك ايضا لا استطيع نسيانك لان الامر اصبح اكثر صعوبا علي عندما اتخيل انك ستصبح بكلمه ذكرى عابر
اعلم انك الان لا تقرا رسالتي لاكنني مجبورة على كتابتها لان لاسلطه لدي على حنيني الذي لايريد ان يبقى مكتوف هكذا💔
لا استطيع ان اركن كل شيء هكذا على رف النسيان وانسى
وصلت لهذا السطر من الكتابه واحس دموعي بللت الدفتر بعد ماكدرت اكمل كتابه سديت الدفتر بسرعه وحطيته بالكنتور ومسحت دموعي جنت دوم من اكتب شي عن صديقتي واشوف كلمه انو انساهه ماكدر اكمل نص الاوراق بيها جان نقص مجرد تعبير عن مشاعري الي ماكدر اكملهه
مرت يومين واني وعبدلله ميحاجيني صح هوا اذاني بكلامه بس مااحب اشوفه يتجاهلني هيج وميسلم عليه واني ابقه اخته
ماحاجيت بابا على سالفه الدوام انتضرت الوقت المناسب