انتضرت يومين حتى احاجي ورة يومين بابا جان كاعد وسالني هوا شلونه الدوام وياج جان امي كالت
_عبدلله ما خلاهه تروح صارلهه يومين ما مداومه
بابا كال لعبدلله
_وانت منو ومتخليهه تروح اني هنا ابوها مو انته
_يابه وضع الجامعه ماعاجبني طبه وطلعه وملابس ومكياج
_اني ماريد ملابس ومصرفي اني جاي اطلعه ومكياج ماعندي اصلا
حسيت عيون بابا كامن يطلعن نار على عبدلله لانو بابا ميريد احد ياخذ دورة ك اب
_انته معليك بيهه اذا مصروفهه ياذيك اني هنا ابوهه واصرف عليهه بناتي ذني مدام اني عايش واشتم الهوى يبقن عايشات ملكات ببيت ابوهن وعزه ودلاله مو انته الي هستوك بلغت تريد تكبر براسهن سمعت
رزان كالت
_هوا ضربهه عبدلله
_وتمد ايدك عليهه هم مو اليوم اكسر راسك ولله اريد اشوف شلون تمد ايدك عليهه انته منو هنا
_اجه بابا راد يضرب عبدلله وكفت صديته عنه
_لاتضربه الله عليك
عبدلله ضاج لان دافعت عنه عباله اني اسوي نفسي اشفق عليه وكال
_وخري انتي معليج فهمتي لو لا انتي مو اختي اذا تعاندين كلمتي
انداريت عليه وجان احس صوت الراشدي من كد ما عالي وجع اذني
بابا ضرب عبدلله
_اطلع من بيتي اني ماعندي ولد يتبرى من اخته اطلع ماريد اشوفك ولي بره
ركضت امي لزمت عبدلله هوا دفعهه وطلع بابا راح لغرفته وكلهه راحت هنا اني حسيت نفسي جاي افلش بيتنه وحياتنه وجاي اسبب مشاكل كعدت عالقنفه وضليت ابجي احس النار اشتعلت بكلبي
حيل انقهرت وضجت من نفسي حيل
عبدلله عاف البيت بسببي ياربي اني خايف حيل هوا ماعنده احد يروحله وين راح يروح
ياربي رجعه بالسلامه لبيتنه وابعد عنه ولد الحرام
رحت لغرفتي وضليت كاعده وخايفه حيل والخوفني اكثر انو بيتنه مابي ولاصوت كلهه ساكته وكاعده بغرفتهه مااحب صمت البيت يطول اكثر رحت دكيت الباب على امي مافتحتلي دكيت حيل محد فتح
رجعت ضليت كاعده ورة نص ساعه سمعت امي تتعارك وي بابا تكله
_هذا ابنك مايصير تخلي يضل يتهجول بالشارع لا يروح يصير بي شي وهوا حتى ما اخذ فلوس ويا روح شوفه وين راح
_خلي يولي هوا يدبر امورة ما اركض ورا اني سمعتي هذا من وره دلالج اله حتى كام مايحترم احد انتي انطيتي وجه وماشيه بمرامه كام يتقوى على اي احد كباله وايلاسن كومي سويلنه عشه يلا
جنت واكفه عالباب واسمعهم ركضت لغرفتي نزلت امي للمطبخ
رزان نزلت وراهه
صارت الساعه 10 ونص باليل وعبدلله ماكو صارله 5 ساعات ماكو
بابا راح نام بغرفته عنده دوام راحت امي تحجي ويا
_صارت الساعه 10 ونص عبدالله ماكو كوم شوف ابنك وين راح خاف يروح يصيرله شي
_كتلج عوفي خلي يتعلم يعتمد على نفسه
وين يروح شويه وتلكينه باب الشارع طفي الضوا ونامي تعبان اني باجر عندي دوام
_ليش هيج صاير كلبك قاسي تجاه جهالك معقول انسانيه ماضلت بكلبك ذوله قطعه من كلبك
معقوله تبقي قطعه من كلبك تفتر بالشوارع حتى متدري هيه وين راحت
_طفي الضوا ونامي احسلج
طفت الضوا امي وطلعت ضلت كاعده كالقنفه منتضرته يجي صارت ب 12 وامي تحوس ماتكدر تنام حجينه اني ورزان وياها هسه يجي كومي نامي تكول اني ام والام ميهده كلبهه اله تشوف جهالها يمهه
_روحي نامي طيبه يلا حتى انتي رزان روحي نامي
_كومي انتي ويانه
_لا راح انتضر عبدلله من يجي انام روحن نامن يلا
ضلت امي تلح راحت رزان واني ضليت كاعده ماقبلت امشي ابد
شويه وحسيت امي دمعت وتباوع عالباب
اول مره اشوف امي بهل وضع حست عليه انتبهت عليهه جان تكلي
_مامتعودة اعوفكم ابد احس نقص بكلبي كلش جبير من ما اشوفكم يمي الفراغ الي بكلبي انتو مليتو انتي ورزان جنتن اخوات الي وصديقات موبس بنات لاني ماحضيت بعائله تسد فراغ كلبي
بس انتو هسه عوضتوني عن الحنان الي جنت مفتقدته
حسيتهه من جابت طاري اهلهه دمعت
أنت تقرأ
آلم آلفرآق
Storie d'amore"لقد كبرنا دون أن ننتبِه، لمّ يُسمح لنا بأن نكبر على مهل". -💔💔 جار آلكتآبه
