آلم آلفرآق

بارت 3

امي ورزان كعدن يسولفن شافتني امي
_اكلي من هذا الكيك
_اي جاي اكل انطيني عصير
شربت عصير
امي جانت تحس بالفراغ الي بيناتنه  كااخوه وحاولت تملي بس كل شخص يمشي حسب هوا والجو الخاص بي ومزاجه بس امي  ضلت تلح تريد تشوفنه نسولف نضحك ننسجم كالت
_اريدكم دوم تضلون سوه انتي وعبدلله ورزان ماريد الوكت يخرب خوتكم اني اريد ابني خوتكم للزمن خاف الدنيا تدور على واحد منكم عالاقل عنده سند يسند ضهره وكت ماالدنيا تدور عليه ماريد كل واحد عازل نفسه عن الثاني اريدكم تواعدوني واحد يبقه سند للثاني للوكت
ضلينه ساكتين امي كالت ها شنو ماعجبكم كلامي؟
_اني اكثر شخص احبهم  راح ابقه اسندهم وما اعوفهم واحبهم واحن عليهم ميلكون مثلي
وضحكت كالت امي
_انتي حنينه على امج
_وشبيه اني هم حنينه تره لو صايره تسوين عنصريه لازمه ايد طيبه وتمدحين بيهه اني شنو هنا
ضليت اضحك علييهه وكتلله انتي ضحكه بيتنه كله
_حسيت بالدفو الي امي شايلته بكلبهه النه و واعدتهه اصير اختهم الجبيره وما اعوفهم ابد واصيرلهم سند للوكت
ضلينه نضحك ونسولف وناكل كيك وحب
اجه بابا علينه عالحديقه ورجعنه بالسيارة للبيت صعدت لغرفتي احضر كتبي باجر دوام حسيت الباب انفتح انداريت لكيته عبدلله
_اسف لان ضوجتج بكلامي اني اريد مصلحتج وسمعتج تبقه حلوة واريدلج كلشي زين وما اخلي احد يطخج مدام اني عايش
_ما اله داعي تبررلي ادري بنيتك شنو واني ما زعلت عليك بس لان سلمت عليك ومارديت عليه انقهرت حيل فعبالي ضجت مني
_انتي اخيتي شلون اضوج منج
اجه حضني وكالي اريدج تبقين رافعه راسنه
بعدين باوعلي وطلع من جيبه 2 الفين جانن الالفين هووواي كلش بوكتنه مو مثل هسه
جبرني اخذهن اخذتهن
_تصبحين على خير
_وانت بخير
راح هوا واني فرحت حيل منه
نمت وكعدت الصبح وبدلت ورحت للدوام وي اخواني... خلصت المدرسه واندكت بابنه
فتحت الباب وجان تطلع لمى
شبكتهه وفرحت حيل بجيتهه لبيتنه ضيفتهه بالصاله
_شلونج طيبه
_الحمدلله بخير وانتي شخبارج مشتاقتلج حيل
_ واني الاشوق حبيبتي
_فرحت حيل بجيتج النه نورتي البيت كله
_بعد كلبي انتي النور كله
_شكو ماكو عندج
_اجيت اشوفج باجر احنه نسافر
ضليت ساكته وماحجيت وكتلهه
_شنو تحبين اشربين جاي كهوة عصير
ما احب لحضاات الوداع فه ردت اتجنب هل شي لان بس احجي بهيج موضوع بسرعه ابجي
_اكعدي مااريد شي اجيت اشوفج واروح
خلي اشبع منج  كني
_جبتلج هذا الصندوك الي سوينا اني وياج بالابتدأئيه تذكرينه بي هوواي صور النه اخذت منهن 4 مختلفات اتذكرج بيهن والباقي الج العلبه راح تبقه يمج لحد ما نلتقي اريدج تحافظين عليهه
ضليت ساكته واباوع الهه والدمعه بعيني كالتلي
__اني ماريد تباوعيلي بهل نضره وكانو هاي اخير مره تشوفيني بيهه
_بس هاي فعلا اخير مره راح اشوفج بيهه
شبكتني وكالت
_وداعتج نتلاكه لتبجين هاي عود انتي القويه تبجين باوعيلي
باوعت الهه وكالت
_اني راح آتاخر اهلي ينتضروني اريدج تضمين صندوكنه وتديرين بالج على نفسج ودراسج واكلي زين لتبقين ضعيفه هيج
واريدج تصيرين قويه متبجين بسرعه فهمتيني
باوعتلي وشافتني واني ابجي كالت
_هيه هيج الدنيا ماكو شي يبقه للابد بكل زمان نخسر مكان
مسحت دموعي وكلتلهه
_راح اشتاقلج حيل بعدني مافرحت رجعنه وانحلت مشاكلنه تطلع النه سالفه منا
اتمنى اكدر ابقييج يمي اللابد
بعدين سكتنه
شفتهه باوعت للساعه مالتته البيدهه وكالت
مو تنسين الوصيتج بي اريدج قويه و واعيه متنهزين الدنيا طريق طويل وصعب وكله حفر ديري بالج حتى من القريب
_وانتي هم ديري بالج على نفسج واتذكريني دوم مو تنسيني وراح ابقه بكل نفس اتذكرج
حسيتهه بجت بعدين كالت
_جيبيلي كلاص مي
_تماام
رحت ركض اجيبلهه مي واريد اودعهه  دقيقه و رجعت لكيتهه ماكو عبالي بالحمام ما لكيتهه راحت وعافتني بدون متودعني💔
ركضت للباب لكيتهه رايحه بدون متشبكني كعدت عالقنفهه ابجي والحركه بكلبي تقهر لكيت بالمكان الجانت كاعده بي الصندك وفوكا رساله... اخذتهه ورحت لغرفتي واني ابجي صعدت كعدت عالجربايه وحسيت نفسي دخت بعد ما اشوف مددت عالجربايه وقريت الرسأله.............