اجتني امي كالت
_طيبه حضري غراضج حتى تداومين
_لا يمه باجر مااداوم لان بس انتي ورزان هنا ميصير اني ابقى اساعدجن رزان متعرف تطبخ غده وانتي ضهرج يوجعج وباجر كلهه فوك راسج ميصير
_خاف باجر عدكم دروس مهمه
_لا يمه اليوم امتحنه وباجر ماعدنه شي
_اليوم جاوبتي بالامتحان
_اي يمه الحمدلله
_عفيه بنيتي
_يلا يمه روحي ارتاحي
_تصبحين على خير طيوبه
_وانتي بخير يمه
راحت امي نامت واني حيل تعبانه بسرعه غفيت كعدت الساعه 10 وشويه نزلت لكيتهم نايمين صليت الصبح هاي اول مره اكعد هيج وقت وما اصلي صلاة الصبح بوكتهه صليتهه وغسلت وجهي وفرشت اسناني ولبست لبس طويل وخليت حجابي على جتفي خاف ولد عمي يجون للمطبخ فجاة نزلت بهدوء حتى محد يكعد لكيت عبدلله كاعد يسقي الزرع بالحديقه اجيته من ورة بدون ميحس
لمست ايده من ورة بسرعه اندار
_يمه خرعتيني شجابج هنا
_هههههههه دريت بيك كاعد انته متبقه نايم ليهسه
_فديت هل صباح
_هههه
_عبودي جيبلنه بيض وصمون ماعدنه وجيب كيمر عرب
_شنسوي بالكيمر واحنه عدنه طيبه
_هههههههه دورح قبل ليكعدون
_صار
راح عبدلله للمحل واني حضرت الجاي المهيل وطلعت الجبن الي عدنه وسويت طماطه صعدت كعدت رزان كامت رزان ولمت الفراشات الزايده وفراش عبدلله ولملمنه البيت وكعدنه ماما وبابا ورتبنه الصاله وحضرنه سفرتنه اجه عبدلله سويت البيض وحميت الجاي وراحت رزان كعدتهم كلهه جانت بالصاله كعد عمي ومرته وبناته غسلو وكعدو عالسفرة واني بالطبخ احضر و رزان تودي الجاي والصمون جاي اغسل المواعين الي سوينه بيهن اجه علي ابن عمي للمطبخ يغسل ايده لكاني ضل واكف يباوعلي من وره اني ما انتبهت اله بعدين اجيت اريد اندار لكيته اخترعت وكع من ايدي الماعون بسرعه لبست حجابي
_اسف خوفتج
وراد يلم الماعون الي انكسر
_لا عوفه اني اشيله
_اجيت اريد اغسل وشفتج تغسلين كلت من تكملين اغسل
_جان كتلي وغسلت وكعدت تتريك
_صارت بعد
غسل هوا واني لميت الماعون وذبيته
بعدين صاحتلي امي
_طيبه تعاي يمه اتريكي
_اجيت
كعدت بصف امي ورزان بصفي وعبدلله كبالي كعدنه
خلصنه ولميت كلشي وشويه وكال بابا نروح للالعاب حضرو نفسكم لل 4 العصر نطلع
ضلينه نسولف اني وعمتي وبناتهه وامي ورزان عمتي تريد تزوج علي وجاي تدورله على مره وتكول لماما تشوفلهه بنيه خلوقه وحلووة اني من سمعتهه هيج تحجي على الزواج عفتهه ونزلت كلهه جانت طالعه بابا وعبدلله وعمي واحمد طلعو وبقه علي كاعد بالصاله
كعدت اني بحديقتنه اني زارعه ورد احمر وابيض لان احب الورد وعبدلله زرع فراوله كعدت عالكرسي الي من جهت الورد واباوع شويه واجه علي لبست حجابي من سمعت صوت طلع هوا ما باوعتله كال
_اكعد
_بكيفك
_شبيج ضايجه
_مابيه شي بالعكس فرحانه بجيتكم
_الحجاب الاسود ميلوكلج
انداريت عليه وباوعتله باستغراب
_لتباوعيلي هيج انتي يلوكلج كل الالوان بس الاسود مو حلو
_اني احب هل لون
_بكيفج بعد
_شنو تحبين نلعب
باوعتله وكلت
_نلعب؟
_اي نلعب انتي تريدين نلعب
_شنلعب
_اسأله
ضليت ساكته
_تره حلوة اللعبه يلا خلي نبدا انتي اول شي راح اسألج وجاوبيني بصراحه
_شنو الاشياء الي تضوجج
_الجذب والنفاق
_يلا دورج اسأليني
_انت شنو الي يضوجك
_الف والدوران
راح اسالج
_شنو الاشياء الي تحبينهن بالشخص
_الصراحه اهم شي
_يعني لو الشخص كالج شي يضوجج انتي متزعلين
_لا ليش ازعل راح اكون متقبله حتى اذا الشي يضوجني احسن ما اعرف بنفسي هنا راح تكون ردة فعلي صعبه
_اني عكسج اعصابي ما اسيطر عليهه باي حاله ردة فعلي تكون جارحه من اعصب كلماتي تكوم تجرح بالشخص حيل
_هيج راح تخسر كل الي يحبوك
_مااكدر اغير طبعي
ضليت ساكته مارديت عليه
_نرجع للعبتنه... يلا دورج
_انت متسامح
_لا اني اذا شفت غلطه من شخص اقفل بعد
_انتي اول ماشفتيني شنو اخذتي انطباع عني
_اني ما احلل شخصيه الشخص من اشوفه تصرفاته هيه الي تحجي مو تحليلي عنه
_اني من شفتج حيل متغيره من مثل قبل من جنتي ب الخامس اعدادي جنتي مرحه وتسولفين هسه حيل متغيره مو مثل قبل
_الانسان يكبر مو يصغر
_صحيح
_يلا اروح اني
_وين اكعدي
_لا راح احضر كيك ومن هل سوالف من نطلع ناخذهن
_تماام تحتاجين مساعده
_لا تسلم
مشيت للمطبخ كلت اسوي كيك واحضر عصائر ناخذهن طلعت الغراض وحضرتهن اجتي امي
_ها يمه شجاي تسوين
_راح اسوي كيكه ناخذها ويانه
_اي عفيه عاشت ايدج سوي كيكتين حتى تكفي وحده ككو وحدة حليب
_صار
طلعت القالب وبديت اخبط المكونات سويت كيكتين يخبلن نزلت عمتي وشافته
'هذا شغلج يوم
_اي عمه اني سويته
_عفيه عاشت ايدج
_بعد كلبي
جهزنه نفسنه اني والبنات شويه واجتي رزان
_ولج طيبه بنات عمو فؤاد ملابسهن تخبل واني ماعندي ملابس
_تعالي اني اشوفلج
_عندج تنورة
_اي خلي اني ارتبلج ملابسج
_تمام
طلعت الهه تنورة وردي وصخ وانطيتهه قميص اسود حتى يرتب اللبس و حجاب وردي باهت كلش وبي ابيض وحذاء افلات ابيض وشويه اكسسوارات وطلعت توب وتخبل
_عجبج
_غير يخبل
اني.... لبست تنورة بيضه وعليهه تول شفاف خفيف ومنقش عليه ورد ولبست قميص نيلي وحجابي ابيض وحذاء نيلي ولبست اسوار وقلاده بسيطه وجنطتي بيضه وبسيطه اني هوااي احب اللبس الحجل
_طيبه ليش انتي طالعه احللا مني
_انتي هم حلوة طالعه
_ملابسج احلا من ملابسي
_لا ولله انتي طالعه كمر
_عفيه هيج دوم اريدج ترفعين معنوياتي
_ههههه صار
نزلنه ولكيناهم بعدهم يرتبون بالغراض طلعت للحديقه انتضرهم اجتي رزان و وكفنه اني وياها نسولف اجه علي
_هاي شنو طالعات كيكه
أنت تقرأ
آلم آلفرآق
Romansa"لقد كبرنا دون أن ننتبِه، لمّ يُسمح لنا بأن نكبر على مهل". -💔💔 جار آلكتآبه
