Pink Blessing [COMPLETED]

3

ခွဲစိတ်မှုတွေဆက်တိုက်ဝင်ရသလို မနားတမ်းကုသနေရတာကြောင့် နောက်နေ့မနက်ထိ သူတို့တွေပင်ပန်းကုန်တယ်။ ကယ်တင်လိုက်နိုင်တာတွေရှိသလို လက်လွှတ်လိုက်ရတာတွေလည်းရှိတာပေါ့။

ဒါပေမယ့် သူတို့တွေတတ်စွမ်းသမျှကြိုးစားခဲ့ကြပါတယ်။ အားလုံးပြီးစီးသွားတော့ အချိန်က နေ့လည်တစ်နာရီရောက်နေခဲ့ပြီ။

ရှောင်းကျန့်က လူရှင်းသွားတဲ့လူနာစောင့်ထိုင်ခုံမှာဝင်ထိုင်ရင်း ခဏလောက်နားနေမိတယ်။ ဆေးရုံမှာဖွင့်ထားတဲ့ တီဗွီဖန်သားပြင်မှာ ခရီးသည်အပြည့်ပါတဲ့ Bus နဲ့ ကုန်တင်လာတဲ့ထရပ်ကားတိုက်မှုကို ထပ်ကာထပ်ကာပြသနေတယ်။

Breaking New အနေနဲ့ ထုတ်လွှတ်နေတာဖြစ်ပြီး အသက်ရှင်ကျန်ရစ်သူနဲ့သေဆုံးသူအရေအတွက်ပါ အတိအကျပြသနေတယ်။ အင်း. .သူတို့မကယ်လိုက်နိုင်တဲ့လူတွေပေါ့။

လူနာတွေကိုထပ်ကြည့်ပြီး စိတ်ချရပြီဆိုမှ သူကလည်းနားဖို့အခန်းပြန်ရတယ်။ ဒါပေမယ့်လည်း အခန်းထဲရောက်တဲ့အထိ သူကအပြည့်အဝမနားနိုင်ခဲ့ပါဘူး။

ကိုမာဝင်သွားတဲ့လူနာရဲ့မိသားစုဝန်အတွက် ဖြေသိမ့်နိုင်ဖို့၊ မကယ်တင်နိုင်လိုက်နိုင်လို့ ဝမ်းနည်းနေတဲ့မိသားစုကိုနှစ်သိမ့်ဖို့၊ ခွဲစိတ်မှုနောက်ကျသွားပြီး အသက်ဆုံးရှုံးသွားတာကြောင့် ကိုယ့်ကိုကိုယ်အပြစ်တင်နေတဲ့ အလုပ်သင်ဆရာဝန်လေးကို အားပေးစကားပြောဖို့ သူကမနားနိုင်ပြန်ဘူး။

ထိုင်နေရာကထပြီး ဂျူတီကုတ်ပြန်ဝတ်နေတုန်း နားနေခန်းထဲလူတစ်ယောက်ဝင်လာခဲ့တယ်။ သူက ဒီအတိုင်းလာနားတဲ့ဆရာဝန်တစ်ယောက်လို့ထင်ခဲ့ပေမယ့် . .