Pink Blessing [COMPLETED]

7

စားပွဲအစွန်းကိုလက်ဆစ်နဲ့ခေါက်သံကတစ်ဒေါက်ဒေါက်။ ရှောင်းကျန့်က စုံထောက်မျက်လုံးတွေနဲ့ အရှေ့ကသူ့သူငယ်ချင်းနှစ်ယောက်ကို အကဲခတ်တယ်။

တစ်ခုခုကမူမမှန်ဘူး။ သူ့အကြည့်တွေကိုရှောင်လွှဲနေတဲ့ ပိုင်ရန်နဲ့လီအမကြီးက လုံးဝကိုမူမမှန်ဘူး။

" ကျန့်ကျန့် အဲ့လိုကြီးကြည့်မနေပါနဲ့။ ဒီနေ့မင်းကြိုက်တာစား။ ငါကျွေးမယ် ဟုတ်ပြီလား? "

သွားဖြီးပြီးဆိုလာတဲ့ပိုင်ရန်ကို ရှောင်းကျန့်ကမျက်မှောင်ကျုံ့ကြည့်တယ်။ ဒါပဲ။ ဒါကပိုင်ရန်လုပ်နေကြစတိုင်လ်မှမဟုတ်တာ။

ရှေ့ကဖန်ဖန်းကလည်း သူမဟုတ်သလိုငြိမ်နေတာ၊ မသိရင် ပိုင်ရန်နဲ့လီဖန်ဖန်းက ဇာတ်လမ်းတွဲတွေထဲကလို ဝိဉာဉ်ချင်းလွဲသွားသလိုပဲ။

"‌ ဝေ့ ဖန်ဖန်း။ ဘယ်လိုဖြစ်လို့ တိတ်ဆိတ်နေရတာလဲ? ငါ့ကိုဘာတွေဖုန်းကွယ်ထားလဲ? "

ရှောင်းကျန့်က သံသယမျက်လုံးတွေအစွမ်းကုန်ဖွင့်ထားပြီးမေးတဲ့အခါ ဖန်ဖန်းကမချိပြုံးနဲ့ဘာမှမဖြစ်ပါဘူးသာဆိုတယ်။

" ဘာလဲ? နင်‌တို့နှစ်ယောက်တွဲနေပြီမဟုတ်လား? "

အိုးဟို ငြိမ်ကျသွားလိုက်တာများ။ ထင်သားပဲ။ အခြားဘာများရှိမှာမို့လို့လဲ? အဟွန်း!

" အိုက်ယား ဒါကငါသိပြီးသားကြီးကို။ ဘာတွေရှက်နေကြတာလဲ? "

" အဟဲ ဟုတ်သားပဲ။ နင်ဖြင့်သိပြီးသားကြီး ငါကဘာရှက်ရမှာလဲ? ဟုတ်သားနော် "

ဖန်ဖန်းက အခုမှသူမစတိုင်လ်နဲ့သူမပြန်ဖြစ်တော့တယ်။ ကြမ်းကြမ်းတမ်းတမ်းအမကြီးမျိုးပေါ့။ ပိုင်ရန်ကတော့ ငေါက်ခနဲထသွားပြီး ဖန်ဖန်းဘေးသွားထိုင်တာပဲ။ အော် အတွဲတွေဖြစ်သွားပြီကိုး။