السلام عليكم ورحمة الله وبركاته على احلى متابعين في الدنيا عاملين ايه يارب على احسن حال و رمضان كريم و كل سنة و أنتم طيبين.
في نقطة مهمة أو وجهة نظر حقيقي مدايقني و نفسي اتكلم فيها من زمان، مؤخرا ظهرت حركة غريبة معظم الكاتبات الكبار الي على الواتباد بيعملوها و حقيقي مستفزة بالنسبالي كقارئة و كتابة لاني قبل ما اكون كاتبة مشهورة روايتها بتوصل لملايين المشاهدات كنت قارئة عادية بتبسط بقراءة الروايات
المهم،،
الفترة الأخيرة بدأت معظم الكاتبات تحذف معظم فصول روايتها و تبدأ تنزلها على تطبيق اسمه بحرف الدال مش بقول الاسم عشان مش عايزة حد يقول حاجة و المصيبة ان التطبيق ده مش مجاني لا ده بفلوس لا و كمان دولار تخيلوا انك تدفع في كل فصل تقرأه فلوس طب قبل ده انت ككاتبة في نقاط مهمة مفتكرتيش فيهم انا هقولك عليهم
- مش كل متابع من متابعينك عنده القدرة المادية ان يدفع بالدولار عشان يقرأ فصل من الرواية
- من غير اي مقدمات بتفقدي عدد كبير قوي من المتابعين الي المفروض ان هما الي اصلا سبب في شهرتك ككاتبة
- لو ٢٠ في المية عندهم الفلوس الي تندفع في الرواية في ٨٠ في المية بالعافية بيشحنوا باقة عشان يقرأ الرواية
الواتباد لما الناس تهافتت عليه مش بسبب ان واو و كده لا خالص بل لأن اهم ميزة فيه انه مجاني فأنا مش فاهمة ليه المعظم بيعمل كده و الوحدة اصلا بتكون روايتها واصلة مثلا لعشرة مليون مشاهدة يعني اصلا الواتباد ليه الفضل الأكبر في شهرة الرواية
و بعدين في حاجة مهمة جدا انا الي عرفته ان التطبيق بيعمل معاك عقد أو أنه يشتري الرواية الي هي اصلا لما تحسبي تمنها مش هيعدي ١٠٠ دولار يعني انت بتبيعي روايتك الي انت تعبانة فيها كل ده لحد ممكن تحت اي لحظة ببند واحد من بنود العقد يبيع الرواية لأي حد و تخسري حقوق الطبع والنشر كاملة كده هيبقي كويس؟؟؟!!!!
المهم انا قولت وجهة نظري في الموضوع و اي حد عايز يقول حاجة التعليقات مفتوحة بكل احترام هرد عليه
في ناس هتقول طب ما هي بتكسب و ده عادي هقولك اه ممكن بس برضو في كاتبات كبار ما شاء الله بقى عندهم روايات منشورة ورقية و بيكسبوا كويس الحمد و السلم وحدة وحدة بيتطلع مش مرة وحدة
ده حتى الواتباد لما عمل خاصية paid story معملتهاش على كل الروايات لانها بتقدر ان في قراء مش قادرين على دفع ثمن الرواية و كمان عاملها لناس و كتاب معينين مش للكل
و شكرا على كدة سلاااااام بصوت محمد طاهر😂
أنت تقرأ
نوفيلا جحر العقرب بقلمي نور
Roman d'amourتوفي والديها فلم يتبقى لها سوى خالتها فحاولت اعالة نفسها لتدخل جحر العقرب بقدمها ليلدغها بسم عشقه القاتل +18 نوفيلا جحر العقرب بقلمي نور 💕
