ارحبو تراحيب المطر كيفكم شخباركم يا حلوين؟ شوفو قد ايش عدد ضيوف الرحمن العدد يخوف بشكل حلو المهم
دوبي خلصت عمره الحمدلله ومااحكيلكم عن الألم اخر مره اروح مع اهلي خصوصا (بابا) قسم بالله اني انهرت وانا هناك ذحين بقول لكم ايش صار
في البداية تضاربنا انا وماما وشاكر على الشامبو مافي الا شوي
طبعا مين الي فاز؟ ماما وباقي شوي نتفه واعطته شاكر وريتاج لها الله
تخطيت ذا الحب الزايد وسكتت قبل مانطلع كنت متوقعه البس الحجاب والكمامه بس بدون مااغطي وجهي لا بنقاب ولا رميه دوبي اطلع من البيت الي جاء بابا يمسكني :لايكون تبين تطلعين كذا؟ انا : اي ان شاء الله *بصرف الموضوع * يلا يلا تأخرنا بابا : اقول والله ماتطلعين الا وانتي متغطيه انا : طيب كيف ارتاح وانا اعتمر قسم مااقدر انت تدري اني فيني كتمه * تراني كذابه مافيني الا العافيه *
أخذت كم كلمه حلوه منه وركبة السياره
وصلنا الحرم بس مادخلنا باقي نركب الباص وهذي كانت وحده من أمنياتي اني اركبه وربكته بس ايش؟ دوبي ابي ادخل الا واطيح على وجهي وخذلك زحليقه خطيره الكل ضحك علي وانا قمت سويت نفسي ان الوضع عادي مافي شي يستحق الاحراج وانا من داخلي أصيح من قوة الألم
دخلنا الحرم وبدينا نطوف ذحين بعرف مين الي قال لأبوي اني دجاجه؟ طول الوقت وهو ماسكني مع رقبتي واذا ماله طاقه يمسك ينغز في ظهري وانا مااداني احد يمكسني كذا ولا ينغز
ويدفني عند الزحمه |:| الخطين ذولي عيال والي نقطتين انا وبابا بابا يدفني يبيني امشي من بينهم تخيلو الموقف يدف وينغز ويمكس رقبتي في نفس الوقت وانا مدري شسوي اضحك على النغز ولا اعصب من ادف ولا ابكي خوف من العيال ذولي
وفوق هذا كله طرحتي كل شوي تنفتح ومااقدر اشوف زين بس اصقع في خلق الله
وماما تعصب بدون سبب وتحط حرتها فيني
أكثر واحد مبسوط هو شاكر ماسك الجوال ويصور ولما اسأله لمين تصور يقول للمتابعين وهو ماعنده الا ١٩ متابع وكلهم أهلنا واثنين هو من حسابين مختلفه
بقول شيء بس لا تضحكون تمام؟ انا ضعت '-' اكذب عليكم اذا قلت مابكيت وتخيلت ان اهلي متقصدين انهم يتركوني في الحرم ويتبرون مني
دقيقه دوبها تنفك الصوراء حقتي انا ليش بكيت بصوت عالي؟ صدق ليش انا بالعاده ابكي عادي بدون صوت واليوم بصوت عالي
بسم الله المهم رحت لعند عسكري وانا ودموعي مع تلعثم في الكلام انا : ياعم اقصد اخوي مدري من انت بس طالع العسكري : هلا انا : انا ضايعه لي ساعه ومحد من اهلي شفته تقدر تساعدني هز براسه وقام قالي الحقيني قلت له طيب باقي لي شوطين مابعدي خلصتها كنت خايفه لو طلعت من الدور راح يروح كل الطواف الي سويتها وتعبي يروح هو مارد علي واضح ماله خلق يتكلم سحبت عليه ورحت لعسكري ثاني وابكي عنده سألني اذا حافظه أرقام اهلي قلت لا بس خالي الي حافظته واعطته الرقم تدرون اني مسطوله ولالا؟ كان جوالي في الشنطه ليش مااعطيته رقم بابا؟ واصلا خالي في بيته كيف راح يساعدني قسم اني مسطوله طبعا خالي رد وعرف اني ضايعه قام اتصل على بابا واعطاها رقم العسكري الله يسعده واتصل بابا عليه ووصف له مكاني وجاء لنا شفته من بعيد كان وجهه عادي يعني بس اب خايف على بنته بس لما شكر الرجال ورحنا قام يجيني ذيك الهبده الي خلتني انسى مين انا لمدة ٥ ثواني ماخلا كلمة الا وقالها وسبه والا وقاله وانا بس ساكته جاني تبلد من الهبده أعوذ بالله بعدها سمعت ماما تقول الله يلعني اذا اخذتك معي مشوار مره ثانيه طيب انا ايش دخلني اذا ضعت فيه مليون مسلم اكيد راح اضيع بينهم
وبعد شوي كنت ادعي وانا اطوف واشوف الرجال يسعون بحكم اننا عند الصفا والمروة الا ويجي واحد مدري وش اقول عنه
عملاق قليله في حقه
جاء دفني وهو يقول ابعدي ياحرمه
نعم!! ليه قالولك متزوجه وعندي درزن ورعان عشان تقول لي حرمه؟؟
غبني ابو سيقان
معلينا منه ابشركم ضعت للمره ٢ بس هذي المره تصفقت من كلا الطرفين
وحلفو انهم ماياخذوني معهم مره ثانيه
اصلا من زين عمرتكم الي كلها نكد اروح مع خالاتي ازين لي
عموماً هذي عيديتي لكم حلفت انها ماترجع 💗
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
