إذا انقهرت من شاكر اروح اغير اسمه من كل البرامج الي عندي قلك انتقام وكذا😂
بس اسمعو وش رايكم اخليه معيضه ولا اغيره واحط عويضه👀؟
سلام عليكم
كيفكم شخباركم ؟
احم بعد تقريبا ٩ سنوات من الخوف تشجعت اني اجيب جوالي المدرسه بدون علم احد 🌝
انا وصديقاتي قررنا أننا نجيبه بس ماحددنا اليوم
كل مابغينا نجيبه نقعد نتراعد من الخوف
وخلاص قلنا كفايه خوف خلاص باقي سنه ونتخرج بأذن الله وحنا ماسوينا شي مخالف للقانون المدرسي
لازم نخالف شوي عشان نحس اننا بشر مو بهايم تسمع كلام المعلمات
البست اسمها حنين اوكيه؟
كانت تبي تجيبه رحت عند صديقتي الثانيه الي هي غلا البنت ذي مثلي خوافه بس انا اكثر منها
المهم رحت عندها وقلت خلاص تبين تجيبينه معك بكره "على أساس اليوم"
قالت مدري يمكن اجيبه
اما صديقتي الثالثه دارين ذيك مسحوب عليها مدري ليش زمان كنت انا الي مسحوب علي الحين هي
لازم نرجعها زي زمان لأنها تحزن كذا قاعده لحالها في الفصل وماتبي تجلس معنا
المهم اليوم حنين جابته وغلا الغبيه ماجابته تقول احسبكم في يوم ثاني
وانا كنت ابي اجيبه وخلاص حطيته في الشنطه وشحنه ١٠٠ وفيه بيانات وكل شيء
بس في آخر لحظه ماما قالت هاتي جوالك ابي احل واجبات خواتك 💔
اخخ ياقهر يلا هانت أن شاء الله في آخر الترم أو في يوم ثاني
وحنا ٤ خايفين نقفط مع ان في بنات جابو جوالاتهم المدرسه ومحد قفطهم
حنين قالت وربي اول مره يدي ترتجف كذا
ارتفعت حرارتها
ماتلام المسكينه لأن مديرة مدرستنا لو بس ناظرتي فيها يمكن تكتب لك تعهد بدون تفاهم
وفي الفسحه تصورنا مع بعض صح كلها فلاتر ذيك الي تخرب شكلك
بس اهم شيء صورنا وسوينا فلوق على قولة دارين
ودق جرس الحصه الاخيره وحنا نطلق انفاسنا براحه
وقررنا نعيدها بس مو الحين بعدين يمكن آخر الترم احسن عشان نأخذ راحتنا
وكالعاده يا سعادة لساني زل عند اهلي
كبيت العشاء عندهم
ما شاء الله علي مااقدر انطم وانثبر في مكاني لازم اسوي بلوه
وطبعا اهلي قعدو ينصحوني وكذا
يمكن جلسو ينصحوني ساعتين ونص
ترا قليله مرررهه بس انتو ماش
وبس ادري سالفه مثل وجهي
سلكو سلكو مالي غيركم اسولف معكم🌝💜
تصبحون على خير يا قوم 💜💜
