سلام عليكم ورحمة الله وبركاته
كيفكم ياحلوين عساكم بخير؟
جت فكره ببالي خاطري اسويه الي هي بقول لكم قصص جداني وجداتي بخليها فقره لكم بما انها لها فايده وجميله وكمان بسرد القصه على انهم هم الي يقولونها
اتفقنا؟
بسم الله
القصه الأولى بعنوان : فاعل الخير خيره ماينسى ✨
انا ياوليدي يوم كنت بعمرك يمكن ١٦، ١٨ سنه حولها يعني كنت مع ابويه اشتغل في البلاد والحلال معه وكان وقتها الزمن مو زين ذحين سهالات كان حالنا على الحديده ماش فلوس زي ذحين كانت الرواتب عندنا ١٠ ولا ٢٠ ريال هذا اذا كان شغله في الديره يبني بيوت ولا يرعى حلال كانت الرواتب بين ذي وكنا نشوف ١٠٠ كأنها مليون، جاء يوم ابويه قال لي قم ياشاكر روح الغساله ( حي في مكه كانت هذي نقطة تجمع اهل الديره لانه فيه خدمات كثيره وقريبه منهم ) وجيب معك دقيق ورز وتمر والدقيق ايامها الي مو مطحون بريالين والي مطحون ب ١٠ ريال كنا ناخذ ابو ريالين وكنا نطحنه بنفسنا المهم واعطني ١٠ ريال وقال اذا زاد منها جيب معك طحنيه (تعرفون الحلاوه الي تجي مع النواشف؟ هذي هي) هذي كنا نسميها حلاوه الاولين وزكن علي ابقي ريالين حقت السياره وقتها قليل الي عنده سياره مافي الا الابل نركب بها ولا حمير عزكم الله وكان الي عنده سياره يركب الشخص بريالين والي في باص ب ٢٥ ورحت اشتري الي موصيني عليه يوم حاسبةطلعت المقاضي كلها ١٠ صافي ومابقي ولا ريال حق الرجعه استهميت عليها وقعدت اهوجس كيف ارجع وانا مامعي ولا ريال ومحد بيقبل يوصلني ببلاش اذن المغرب وانا على حالي يوم رحت اصلي وخلصت تذكرت ان فيه واحد ينقال له ابو صالح عنده خير وربي مكرم عليه وهو رجال كبير سن رحت لعنده طالبه حق الرجعه يوم دخلت عليه كان جالس وجنبه صحن مليان فيه ورق ومعدن (فلوس ورق وانصاص) قلت له طالبك يابو صالح انك تعطيني ريالين حق الرجعه ابوي مرسلني اجيب له مقاضي البيت وخلصت الفلوس وماعندي حق الرجعه، قام قال ماعندي، زدت طلبته بلكي يعطيني لانه هو مخرجي الوحيد بعد الله قام عصب وطردني طلعت وانا الهم ماكلني صكت البيبان بوجهي الا يشوفني رجال اسمه عبد الله صاحبنا يعرفني ويعرف ابويه جاء عندي وسلم وسألني وش حالي قمت قلت له قام طلع محفظه فيها ٦٠ ريال كلها خمسات قام أعطاني ٥ وقال خذ هذي لك ورح لبيتك ولاتشيل هم فرحت فيها بس استهميت مره ثانيه تذكرت كيف ارجعها له وانا مامعي غيرها رحت لمحل حق القهوه قلت بتعشى ب ٣ ريال وريالين بخليها وانا على عشاء امس يوم دخلت الا اشوف اخو عبد الله اسمه ضيف الله شافني ورحب بي وحلف انه يقهويني والله وشربنا الشاهي وكان هذاك اطعم شاهي ذقته بحياتي طعمه حلو يوم خلصت وكنت بمشي الا يمسكني ضيف الله وسألني وش بي قمت قلت له ان اخوك اعطاني خمسه حقت الرجعه وانا شايل هم كيف ارجعها قام طلع خمسه وقال هذي عطيه هديه مني لك ماهي سلف ورح الله يفتح عليك ويوفقك ورحت بيتي وانا ياوليدي عمري ٨٥ ذحين من هذاك اليوم إلى ذحين وانا ادعي لهذولي في كل فرض وماعمري نسيت جميلهم معي قد انهم ماتوا من زمان بس ادعي لهم برحمه والمغفرة وربي يعتقهم من النار فاعل الخير خيره ماينسى ابد وفاعل الشر برضوا شره ماينسى انتبهي ونبهي احبابك ينتبهون لاتسوين شر خل الناس تذكرك بزينه لين ربي ياخذ امانته ربي يطول بعمرك ويخليك لاهلك شوفي جميلهم معي له ٣٠ سنه ولا نسيته ليومك هذا وانا اذكرهم بالخير عند اهل الخير وسلامتكم .
هذي اول بداية خير وان اعجبتكم بستمر فيها ان شاء الله وان مااعجبتكم بسحب عليها عادي
والله يوفقكم باختباراتكم ويسهلها عليكم بأذن الله
استودعتكم الله الذي لا تضيع ودائعه 💗
