طبعا كلكم تدرون وش صار في اختباراتي لاني بكيت عندكم لين قلت خلاص ياريتاج مصختيها
تذكرون ابلة الفقه؟ الي جيت عندها وقلت لها حددي لنا وسحبت علي؟
جيت عندها لها في الخاص بعد مافتحت الحظر من عندي وسجلت صوتي لها وابي اكتب لكم وش قلت :
السلام عليكم ابله مصلحه بغيت اكلمك في حاجه، ابله آنا مااذكر اني اذيتك في شي ولا سويت لك شي و اختباراتي عندك مره كامله والكامل الله يعني ولا مره راح علي اختبار أو واجب حتى لو راح علي واجب انا اصلا المنصه عندي معلقه نادر ماتطلع الواجبات عندي كذا مره كلمت المشرفه عن ذا الموضوع وتروح تسحب علي، وكمان مرات انتي تقولين لي اشرحي الدرس وانا اقوم اشرح بدالك واكتب اسماء المشاركات عشان تحطين الدرجات لهم وانتي جالسه في مكتبك مرتاحه بس يوم اني اجيك هنا في الواتس اطلبك تحددين لنا قبل الاختبارات بأسبوع تروحين تقرين كلامي وتطنشين ويوم اني اجيك قبل اختبارك بيوم يعني يوم الأحد اطلبك تحددين * صامله مااتوب *تروحين تقولين انا حددت بما فيه الكفاية ومدري ايش مع انك انتي سويتي حركه مره مارضتنا احنا الطالبات انك حددتي لفصل وفصل لا وتساهلتي مع فصل وفصل لا وجاني خبر شوفي انا ماابي أظلمك بس ذا كلام البنات انك جيتي الفصول وغششتيهم فا اسلك بالله ياأبله ان ذولي البنات الي غششتيهم أولى مننا حنا الممتازات عندك؟ الي يشاركون معك أول بأول ومؤدبات معك يعني صارو ذولي اولى الي مهسترين معك ولا معطينك بال؟ وهذي الدرجه الي اعطتينيها ياأبله مره ماترضي! ترضيني انا أخذها كذا وانا ماسويت لك ولا شي!! وغيري ياخذها بارده مبرده حتى مذاكره مايذاكرها ابدا ماترضي هذي الدرجه ٨٨ هذي فحستني مره
طبعا كل ذا الصياح بصوتيه مدتها دقيقتين طلعت الي في قلبي كله وأرسلت لماما الصوتيه قبلها عشان بشوف اذا كلامي في شي منا ولا منا والحمدلله ماما قالت كلام سليم أرسله لها وأرسلت الصباح الساعه ٧ دوبها ردت شوفو
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
مليون سؤال ينطح سؤال في بالي ثالث جمله كذوب فيها وربي انها حددت لفصول وفصول لا ورابع جمله انا كنت متأكده من حلي مافي شيء فيه بس واضح انها مثل الناقه حقوده
وبعدين شدخل كل عام وانت بخير؟ قلت لحنين السالفه وقالت معناتها بداية الشر وربي خفت حسبي الله ونعم الوكيل على العدو
ماابي ارد عليها ذحين بسحب لين العشاء واذا شفت نفسي مروقه برد عليها مادام اسلوبها كذا جارح خليه ينفعها اجل
يلا هانت الترم الثالث ان شاء الله خير لي ولكم وهلله هلله بدرجات الزينه
