هلو
كيف الاحوال؟
بكره ان شاء الله اختباري القدرات ورقي اول مره
واحس ان عقلي متلخبط مدري وش اسوي كل الي ذاكرته تبخر
حرفياً نص كتاب المعاصر راح قاعده احاول استرجع المعلومات لو بس حبه وحده بس ماش العقل ميت
واذا ماشفت فايده اروح اتحلطم عند ماما
الله يسعدها صابره علي
ودي اخليها تجربه بما ان باقي ٤ فرص وبخليها محوسب كلها لان يقولون سهل من كل النواحي
مو زي الورقي
عندي احساس اني بحوس بكره
المهم خلونا نطلع شوي من القدرات وابغى استشيركم في حاجه منرفزتني لها شهور
طبعا اغلب المدارس لازم يكون فيه ناس مختلفين عن الناس الطبيعيه زي مثلا اقرب مثال الي يحبون بعض
طبعا مو الحب العادي؟ لا الي قلة أدب وكذا تمام؟
اسفه بس اصبرو في شي أقوى
دايم ذي النوعيه اشوفها قدامي كل يوم
في بنتين من فصلي هم كذا حرفيا في كل جزء من الثانيه لازم يصير شي يسود الوجه والمشكله كل الفصل شايف وعارف ان ذا غلط بس محد تكلم
بنات وربي مااقدر اتخطى يوم صارت قدامي قعدت متصنمه في مكاني من الخرشه وهم انتبهو لي وقامو يضحكون ويقولون عادي صديقات شفيك؟
شايفتني ورعه ماافهم؟
بس تدرون ان حتى المعلمات عارفين وماقالوا شي؟
حسسوني انه شي طبيعي وانا مكبره السالفه
قبل امس تكلمت عند ماما بذا الموضوع بكل اريحيه فجاءه قامت علي وتخاصم وتقول ليش ماقلتي لي من قبل
أخذت اسمائهم ومن بكره وهي في المدرسه
وراحت لاخس وحده تشتكي لها
وعلى طول كذبتني وقالت مستحيل فلانه تسوي كذا انا اعرفها هي خدومه ومتعاونه معنا واصلا فلانه في الركن والثانيه بعيده عنها
يوم قالت كذا انا صدعت من الكذب
وربي انهم في احضان بعض
قامت تضغط على ماما تبغى تعرف اسمي لان ماما قالت ماني معطيتك اسمها عشان البنات يسون فيها مصيبه
وحلفت ان محد يتعرضلي وقالت اسمي
هي ماعرفتني بس تعرف شكلي لاني دايم مسنتره عندها
دق الجرس الفسحه وقمت انا وحنين نطلع طبعا انا ماكنت ادري وش صار مع ماما الا بعد مارجعت البيت
المهم ماما راحت وجات الابله الخبيثه تسال عني عند ابلة الكيمياء
وانا على طلعتي من الفصل الا اسمع ابلة الكيمياء تقول هذي ام البلوفر الازرق ومحد لابس ازرق الا انا
قد اني طاح قلبي ببطني عرفت اني بروح فيها
مع اني ماسويت شي غلط من واجبي كمسلمه ان اوقف حركات الوصخه عشان مااخذ ذنب على سكوتي
واحنا نتمشى انا وحنين في الساحه شفت المعلمات مجتمعين عند باب الساحه ومريت من جنبهم سمعتهم يقولون لازم نسوي محاظره توعويه عن ذا الشي
ما شاء الله انتشار الخبر ب ٥ ثواني
الحين محد مصدقني لان ماعندي دليل فا وش سوت ذيك الابله
قالت بحط بنت سريه على قولتها وبقول لها اي تحركات في الفصل تشوفينها غريبه تعالي عندي طبعا البنت ماندري منهي وهي اصلا ماتدري بسالفه
اما البنتين كمان مايدرون عن ولا شي مع اني اشك صراحه لان نظراتهم امس مارحمتني ابد
الحين انا وهم مراقبين من بنت ومعلمات
تدرون احس في جانب مني تندم انه تكلم
لان وحده منهم كانت زميلتي وكانت متعاونه معي مره من ناحية الدراسه بس يوم شفتها بذي الوضعيات وربي اني انقهر واحزن عليها حتى الثانيه بس هذيك اكثر لاني اعرفها ماهي حقت ذي الحركات
بس سبحان الله تغيرت ١٨٠ درجه
شوفو هل تصرفي صحيح ولا غلط؟ قولو رايكم بكل مصداقيه
احس ندمت اني تكلمت وكمان ماندمت
اقول لكم كل شي متلخبط مااعرف وش اسوي
المهم تصبحون على خير حبايبي استودعتكم الله الذي لا تضيع ودائعه 💗💗
