يلا خلص الوقت الي صار ان في حريق في المدرسه طول عمري كنت ادعي انها تنحرق وانحرقت صدق بس ياهو يوم مرعب وبنفس الوقت يهبل احس ودي انه ينعاد بس بدون احد يتضرر
بشرح وش صار دقيقه
اول شي المدرسه محد داوم كثير زي فصلي محد داوم غيري وغلا ووحده من بنات الفصل بس ونفس الطريقه باقي الفصول وفي فصول محد داوم زي الادبي حرفياً فاضيه
درعمت علينا وكانت تقول اعوذ بالله من ظلمات القبر يوم انها شافت اننا مطفين النور حطيت عباتي ومويتي فوق الطاوله و نزلنا واحنا نضحك عليها شوفوا ترا احنا ماننزل من نفسنا لازم احد ينزلنا كرامتنا مانعترف بها
المهم خلصت الاذاعه وجينا نطلع الفصل دوبي بدخل الي اسمع بنات الفصل الي جنبنا يصيحون انخرشت من كمية الدخان الي طلعت
عرفت انه التماس بغيت اموت يوم شفت النار طالعه على طول دخلت الفصل واخذ عباتي ووقت اخذهم كنت اسمع صوت مكيف فصلنا يطلع صوت غريب بسرعه لملمت اغراضي ونزلت واخذت غلا معي لانها فهت يوم شافت المنظر
شفت بنت من اولى هي فيها شي بس مدري وشهو يعني عقليتها مو زي وحدها كبيره فهمتوني؟
المهم شفتها وهي تضحك ورايحه لعند الفصل الي فيه حريق
مسكتها وقلت ياعسل امشي هناك فيه نار بقت الكهرباء وغلا تمسكني وتقول فاضيه تتدلعين البنت امشي
المفروض اخاف بس كان عبالي انه حريق بسيط بس يوم شفت الدفاع المدني مدرعمين علينا عرفت ان السالفه صدق
وبعدين هم دخلو بسرعه بدون مايقولون ياولد طريق ولا اعطونا مجال نتغطى على طول درعمو
هو صح ماله داعي بس مدري خفت يوم دخلو مجموعه كبيره
انا صديت عنهم يوم شفتهم وتغطيت بسرعه لان احسب بيخلونا نطلع بس المديره المريضه منعتنا حتى الي اهلها برا
جو الابلات كل وحده تعطي البنات جوالاتهم عشان يتصلون على اهاليهم
قعدت اراقب البنات بهدوء الي اشوفها تبكي والي منهاره خايفه والي جات حالة الربو عندها
اما غلا حاله خاصه تقعد تطالع في الارض ولا الجدارن وتهوجس
فجاءه جاء صوت قوي من فوق لدرجة حسيت ان الحريق وصل في الدور كله
وجو مجموعه ثانيه وجت الشرطه وجاء واحد غريب عنهم اتوقع كهربائي وجاء حارس المدرسه وهو يركض زلق من المويه وطاح
المفروض محد يضحك بس كلنا ضحكنا حتى الدفاع المدني والرجال مسكين قام وهو مكشوم وزوجته جت قامت تساعده
دقيت على اهلي وجو بعد ماقضينا وراحو اغلب البنات
بوريكم وش صار في الفصل احس حزنت على المديره لانها ضربت بويه جديده وزبطت الفصول بحسابها الخاص وفي الاخير راح هباء منثورا
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
انا في ذي الايام :
الحمدلله على سلامتنا والحمدلله ان دويد ماجت لانها ماراح تستوعب انه في حريق الا بعد ماترجع البيت اما حنين راح تقعد ترجف وتخاف وتخوفنا معها
وبس والله هذا اللي صار وحسيت اني مكبره الموضوع بس ماحبيت اخليه في خاطري لازم اسولف ولا اموت
فمان الله ياعيوناتي انتم استودعتكم الله الذي لا تضيع ودائعه 💗
