~The moment I caught a glimpse of you~
''ချစ်တယ်''
''ကိုယ်ရော...အရမ်းချစ်တယ်''
ဒီတစ်ယောက်ကချစ်တယ်ပြောရင် သူလည်းချစ်တယ်လို့ပြန်ပြောသင့်တယ်လေ။ ယဥ်ကျေးမှုအရ။
''သဘောကျတယ်ကိုကို့ကို''
''ကိုကိုလည်းသဘောကျတယ်''
နောက်တစ်ယောက်ကသဘောကျတယ်ဆိုရင် သူလည်းသဘောပြန်ကျပေးရမှာပေါ့။ အားနာစရာကြီး။
တစ်သက်မှာတစ်ယောက်ပဲချစ်မယ့်သူရဲ့ခံယူချက်ကို ကျွန်တော်နားမလည်ဘူး။ ကျွန်တော့်အတွက်တော့ စစ်မှန်တဲ့သူကိုသိရဖို့ဘယ်သူ့ကိုမဆိုအတည်ပြုပြီးတွဲမှာပဲ။ ခံစားချက်အစစ်အမှန်ကိုသိရဖို့ ဘယ်မိန်းကလေးကိုမဆိုလက်ခံတွဲတဲ့ကျွန်တော်က ''အချစ်စစ်''ကိုရှာတွေ့နိုင်မယ်လို့ထင်လား။ အဲ့ဒီအတွက်သေချာတာကတော့ တိကျတဲ့အဖြေမရှိဘူး။
"ဟေ့ရောင်..မင်းချင့်ချင့်ချိန်ချိန်လဲလုပ်ဦး"
"ဘာကိုလဲ"
"မင်း..မိန်းကလေးတွေတစ်ယောက်ပြီးတစ်ယောက်တွဲနေတာကိုပြောနေတာ"
"ဘယ်သူကငါ့ရဲ့ဖူးစားရှင်အမှန်လဲဆိုတာကို ရှာနေတာလေကွာ။ ဘာကပြဿနာလဲ"
သူကတော့ပုခုံးလေးနှစ်ဖက်တွန့်ပြပြီး အပြစ်ကင်းချင်ယောင်ဆောင်နေတာမဟုတ်ဘဲ သူ့ကိုယ်သူအပြစ်ကင်းတဲ့သူတစ်ယောက်လို့ ယူဆနေလျက်ပဲ။
"ပြဿနာရယ်လို့တော့မရှိဘူးပေါ့။ ဒါပေမယ့် မင်းဟာက ဖူးစာရှင်ရှာနေတာမဟုတ်ဘဲ အပျော်တွဲသလိုဖြစ်နေတယ်"
"ဘယ်သူ့ကိုငါဂရုစိုက်ရမှာလဲ"
"တစ်နေ့မင်းရဲ့ဖူးစာရှင်က မင်းမိန်းကလေးတွေထည်လဲတွဲခဲ့တာသိသွားရင် မင်းဘယ်လိုလုပ်မလဲ"
"သူ့ကိုပွင့်ပွင့်လင်းလင်းပြောပြရုံပေါ့"
"မင်းဟာကအဲ့လောက်တောင်လွယ်ကူရလားကွာ"
" ခက်ခဲနေစရာရောဘာရှိလို့လဲ "
သူကအလုပ်ရှိအကိုင်ရှိ တက်သစ်စလူငယ်လေးတစ်ယောက်ဖြစ်သည်။ ဘွဲ့ရပြီးတာမကြာသေးပေမယ့် မိဘတွေရဲ့နောက်ခံကောင်းမှုနဲ့ အလုပ်ကောင်းတစ်ခုကိုရရှိထားသည်။ သေချာပေါက် သူ့အရည်အချင်းကလည်း နေရာရဖို့ထိုက်တန်သည်။
YOU ARE READING
My Dearest 💜 (BoyxGirl) {COMPLETED}
Romance" I LOVE YOU" Perfect means nothing to me without you. " အဲ့ဒီသူနဲ့ပျော်ရွှင်တဲ့မိသားစုလေးတစ်ခုကိုထူထောင်ဖို့ယုံကြည်ချက်ရှိတဲ့တစ်နေ့ကျွန်မလက်ထပ်မယ် " ~ပွင့်ဖူးနေကြာ " သူမကအဲ့ဒီအချိန်အခိုက်အတန့်လေးမှာအရမ်းကိုလှနေခဲ့တယ်။ ကျွန်တော့်မျက်စိထဲမှာတော့သူမကလ...
