𝚃𝚑𝚎 𝚂𝚝𝚘𝚛𝚢 𝙾𝚏 𝙻𝚒𝚝𝚝𝚕𝚎 𝚃𝚘𝚋𝚢

unstoppable

Ka chawlh rei ngaihhtuahin duhthu a sam lo hle a, min ngaidam dawn nia story ziah ka harsat ta riau mai. Chhiar hreawm deuh lai te kha lo report ula ve mai2. Chuan a ngaihnawm vak lo ang.

LOVE MAZE

CHAPTER - 15

Toby pov:

Ropuia birthday party na lama kal turin ka insiam malh2 a, ka ngaituahna chu hmundang daih ani. Martin-a nen kan inkar chu a hla telh2 in ka hria. Kan chhungte chuan fimkhur turin min chah mawlh2 a, ka û Mawia'n min hruai dawn nghe2 keimah a kal an rem ti lo bur.

Ka inpeih hnu chuan kan chhuak vat a, thil eng eng emaw kan sawi dun a. "Toby va finkhur rawh aw" Ka û chuan a ti a, ka thaw halh "ka hria lawm, ka upa ve tawh a naupang chhia ang mai a min en hi a ninawm" Ka ti hmuk a "chutiang ringawt ani hleinem, kan hlauhthawn vang alawm, va lerh lo la ni mai" A ti a, ka nui hak "lutuk ka chhun lo che a lungngai suh"

Rei lo teah chuan Ropuia te in chu kan thleng a, inchhung a ka luh hma chuan finkhur turin leh dar 10 ah min lo lam tur thu a sawi leh hram kha, ka chhang tawh lem lo. Inchhung ka lut chu mi an lo tam phian mai. Ka bulah Ropuia chu alo kal vat a min be luam a, present pawh ka pe nghal

Ka han hawi vel a, la hre chiah hlawm lo, "Ropui tinge iva sawm tam awm ve a" Ka tih chuan "Tam vak ami, class 12 a classmate hlui te ho an nia Toby i hre chiah tawh hlawm lo ami a" A tih chuan hrelo tih nan lu ka bu sap a.

"Ricky hi alo la thleng lo ami a? "

"Aw thleng alo a niang" Ka ti a Martin-a ka hrechhuak nghal "Ropui Martin-a i sawm lovem ni a" Ka ti a "sawm e ka thiannu ka lo hruai ve thei angem atih nghe2 kha a bialnu anih ka ring" A ti sam et a an lo koh avangin min kalsan rih a.

Bialnu maw, bialnu tih thumal khan ka thinphu a ti rang lutuk, ka nguai nghal vek thei. "Toby i dam maw? " Ti tu lam chu ka hawi a ka bo riau ka bulah chuan mipa khat alo ding a a nuisang bawk hmuh tawhna chu ka nei tahw chiang mahse ka hre tawh lo "Min hria em ni? "

A nui hak "Ropuia sawi kha a dik tak2 ani maw" Tiin a nui suk a "Johnathan-a ka nia, higher ah kan inkawm thin alawm" A ti a, ka bulah alo thu ve nghal chat.

Johnathan-a chu a fel phian a, higher a kan inkawm dan te a sawi luam bawk, mahse a thusawi te chu ka ngaithla lo kawngka lam chu ka melh leh zeuh2 thin.

"Toby nghah i nei em ni? " Johnathan chuan min zawt a "a.. Aih nei love" Ka ti liam ve mai bawk. Chutih lai chuan Jordan-a alo kal a, a hawi kual vulh2 bawk a hnu chuan ka lam lo panin "I thlenna a rei tawh em? "

"Aih rei love"

Johnathan chu a melh a, "nang maw eng nge ilo tih ve a" A ti a a melh rum ang reng "in inhria mi? " Ka lo ti zawi sap

Johnathan chu a nui a, Ropuia birthday alawm le "Toby lo dam zel rawh aw nakinah kan inhmu leh dawn nia ka kal phawt ang e" Tiin a tho a ka sam a tuai thur pah zeuh bawk chhang lem lovin ka en zui.

"Eng tin nge kha pa nen khan in inhmuh a"

"Min lo bia alawm, ka classmate alo ni thin a kan inkawm nasa thin thu a sawi bawk i hria mi a, a fel phian" Ka ti a, a ngawi reng ber bur chuan "I rin ang anilo nia Toby hnai vak suh" A ti a, ka ner nung ringawt "taka Martin-a i hmu em? " Ka tih chuan a min melh dan chu nichin ai khan a rum leh zual "Hmu e pawnah a bialnu nen ka hmu" A ti hmuk a.

A thusawi erawhin min dek zak mai bialnu maw engtik atang khan nge bialnu alo neih a. "A nih chu" Tih chauh in ka chhang rei lovah kawngka atang chuan Martin leh hmeichhe 1 chu an lo inzui lut a, Ropuia'n alo chhawn pawh chuan an hlim hmel takzet, hman ni lawkah ka bulah a inpuang a tunah bialnu a nei leh a, a thusawi kha dawt vek tihna ni thei mai angem.