ﻟﺞ ﺧﺪﻳﺠﻪ ﺷﻔﺘﻲ ﺷﻠﻮﻥ ﻳﺒﺎﻭﻋﻠﻲ .
ﻭﻟﺞ ﻳﻤﻌﺰﺍﻳﻪ ﻻ ﺗﻔﻀﺤﻴﻨﻪ ﻭﺍﻟﻠﻪ ﺍﺫﺍ ﺷﺎﻓﻨﻪ ﻭﺍﺣﺪ ﻳﻜﺘﻠﻨﻪ ﺑﻠﻤﺠﺎﻥ ﺳﺘﺮﻱ ﻋﻠﻴﻨﻪ ﻳﻤﻌﻮﺩﻩ .
ﺗﺪﺭﻳﻦ ﺧﺪﻳﺠﻪ ﺭﻭﺣﻲ ﺗﺮﻑ ﻋﻠﻴﻪ ﻳﺎﺭﻳﺖ ﺟﻦ ﻃﻴﺮ ﻭﺍﺷﻮﻓﻪ ﺷﻴﺴﻮﻱ .
ﺍﻣﺪﺍﺝ ﻳﻠﻐﻤﺎﻥ ﻣﺰﺯﺯﺯﻭﺝ ﻭﻓﻮﻛﺎﻫﺎ ﻣﺎ ﻋﻨﺪﻩ ﺑﺰﺭ ﺷﻠﺞ ﺑﻲ .
ﻣﺎ ﺍﺩﺭﻱ ﻭﺍﻟﻠﻪ ﺷﻜﺪ ﺍﻛﺮﻩ ﺍﻟﻤﺰﻭﺟﻴﻦ ﻭﺷﻜﺪ ﺍﻛﺮﻩ ﺍﻟﺘﺎﺧﺬ ﻋﻠﻰ ﺷﺮﺝ ﺍﺣﺴﻬﺎ ﻫﺪﺍﻣﺘﻪ ﺑﻴﻮﻭﻭﻭﺕ ﺑﺲ ﻭﺍﻟﻠﻪ ﻣﻮ ﺑﻴﺪﻱ ﻭﻟﺞ ﺑﺲ ﺍﺷﻮﻓﻪ ﻳﺮﺗﺎﺡ ﻛﻠﺒﻲ .
ﻋﻤﺘﻲ ﺍﻡ ﺍﻣﺠﺪ : ﻳﺎﻫﻮ ﻫﺬﺍ ﺍﻟﻲ ﺑﺲ ﺗﺸﻮﻓﻴﻨﻪ ﻳﺮﺗﺎﺡ ﻛﻠﺒﺞ .
ﻃﻔﺮﺭﺭﻧﻪ ﺛﻨﻴﻨﻪ ﻭﻛﻠﺒﻲ ﻛﺎﻡ ﻳﺪﻙ ١٠٠٠٠ ﻣﺘﺘﺖ ﻳﺒﺴﺖ ﺑﺪﻣﻲ . ﻋﻤﻲ ﺣﺴﻦ ﻳﺸﺒﻪ ﺍﺑﻮﻱ ﺍﻟﻠﻪ ﻳﺮﺣﻤﻪ ﻣﻦ ﺍﺷﻮﻓﻪ ﻛﻠﺶ ﺍﺭﺗﺎﺡ .
ﻭﺷﺠﺎﺏ ﻋﻤﺞ ﺣﺴﻦ ﻋﻠﻰ ﺍﺑﻮﺝ ﻳﺼﻠﻔﻪ ﻟﻮ ﺗﺮﺩﻥ ﺗﺴﺘﺮﻥ ﻋﻠﻰ ﺭﻭﺍﺣﺠﻦ .
ﻳﺎ ﻋﻤﻪ ﺷﺠﺮﺍﻟﺞ ﻭﺍﻟﻨﻌﻤﻪ ﻣﺎ ﺟﻨﻪ ﻧﺠﻴﺐ ﻏﻴﺮ ﻃﺎﺭﻱ .
ﺧﺪﺩﺩﺩﺩﻳﺠﻪ .
ﻫﺎ ﻳﻤﻪ .
ﻋﻠﻴﻤﻦ ﺟﻨﺘﻦ ﺗﺤﺠﻦ .
ﻳﻤﻪ ﺗﻜﻮﻝ ﺍﺗﻤﻨﻪ ﺍﺑﻮﻱ ﻋﺎﻳﺶ ﺟﺎﻥ ﺩﻟﻠﻨﻲ ﻭﺷﺘﺮﺍﻟﻲ ﻣﻼﺑﺲ . ﻛﺘﻠﻬﺎ ﺍﻣﻲ ﻭﺍﺑﻮﻱ ﻣﻘﺼﺮﻳﻦ ﻭﻳﺎﺝ . ﻛﺎﻟﺖ ﻻ ﻭﺍﻟﻠﻪ ﻣﻦ ﺍﺷﻮﻑ ﻋﻤﻲ ﺟﻦ ﺷﺎﻳﻔﻪ ﺍﺑﻮﻱ . ﺭﻭﺡ ﺗﺮﺩ .
ﺍﻱ ﺧﻮﺵ ﻳﻼ ﻭﺷﺪﻋﻮﺍﺝ ﻫﻴﺞ ﻛﺎﺗﻠﻪ ﺭﻭﺣﺞ ﻉ ﺍﻟﻤﻼﺑﺲ . ﺷﻨﻬﻮ ﻣﺸﻮﻫﻪ ﻣﺎ ﺷﺎﻳﻔﻪ .
ﻧﺰﻟﺖ ﺭﺍﺳﻲ ﻭﺳﻜﺘﺖ . ﻭﺭﻩ ﻣﺎ ﺭﺍﺣﺖ ﻛﺮﺻﺘﻨﻲ ﺣﻴﻞ ﺧﺪﻳﺠﻪ . ﺳﻤﻌﻲ ﻭﻟﺞ ﺗﺮﺩﻳﻦ ﺗﻜﺼﻴﻦ ﺭﻛﺒﺘﺞ ﺭﻭﺣﻲ ﻛﻮﻟﻲ ﺍﺭﻳﺪﻧﻪ ﻭﻋﺎﺷﻜﺘﻪ ﺑﻌﻴﺪ ﻋﻨﻲ ﻻ ﺗﺨﻠﻴﻨﻲ ﺍﻣﻮﺗﻦ ﻭﻳﺎﺝ ﻭﺟﻔﻴﻨﻲ ﺷﺮﺝ .
ﻫﺴﻪ ﺍﻧﻲ ﺷﺤﺠﻴﺖ ﻳﺎ ﻋﺎﻟﻢ ﻳﺎ ﻧﺎﺍﺍﺍﺱ ..
ﺷﻔﺘﻲ ﺷﻠﻮﻥ ﻟﺰﻣﺘﺞ ﺍﻟﻪ ﺷﻮﻳﻪ ﺟﺎﻥ ﻣﺘﻲ ﺑﻬﺬﺍ ﺍﻟﻴﻮﻡ ﻭﺗﺪﺭﻳﻦ ﺍﺣﻨﻪ ﺯﻋﻄﻮﻃﻨﻪ ﻣﺎ ﻳﺮﺣﻤﻨﻪ ﺍﻧﻮﺏ ﺍﻟﺰﻟﻢ . ﺩﻳﺮ ﺑﺎﻟﺞ ﺍﻧﻲ ﺣﺬﺭﺗﺞ . ﻋﻮﻓﻲ ﻏﺮﻳﺐ ﺍﺣﺴﻦ ﺍﻟﺞ ﻣﺎ ﻳﺸﻔﻌﻠﺞ ﻟﻮ ﺻﺎﺭ ﺷﻲ .....
ﻫﻢ ﺣﻈﻲ ﻭﻗﺴﻤﺘﻲ ﻫﺎﻱ .....
.
ﻭﻗﺮﺭﺕ ﻣﻦ ﻫﺬﺍ ﺍﻟﻴﻮﻡ ﺍﻃﻮﻱ ﺳﻴﺮﺗﻪ ﺍﺑﺎﻟﻲ ﻭﺣﺘﻠﻮ ﺍﺟﻪ ﻃﺎﺭﻱ ﻫﻢ ﺍﻧﺴﻲ ﺭﻭﺣﻲ . ﻣﺮﺕ ﺍﻻﻳﺎﺍﻡ ﻭﺍﻧﻲ ﻛﻞ ﺗﻔﻜﻴﺮﻱ ﺑﻲ . ﺍﺣﺲ ﺭﻭﺣﻲ ﺍﺭﻳﺪﻩ ﻟﻮ ﻣﺸﺘﺎﻗﺘﻠﻪ ﻭﻣﺸﺘﺎﻗﻪ ﺷﻮﻓﺘﻪ ﻛﻠﺶ . ﺟﻦ ﻋﺸﻚ ﺟﺎﻫﻠﻪ ﻭﻣﺎ ﺷﺎﻓﺖ ﺍﺣﺪ ﻭﺣﻴﺎﺗﻲ ﻣﺎ ﻣﺮﺕ ﺑﺮﺟﺎﻝ ﻣﺜﻞ ﻫﻠﻤﻬﻨﺪﺱ ﻫﺬﺍ . ﺻﺮﺕ ﺍﺗﻤﻨﻪ ﻣﺨﻠﺼﻪ ﺩﺭﺍﺳﻪ ﻭﺑﺪﻭﻥ ﺣﺘﻪ ﻣﺎ ﺍﻋﺮﻑ ﺍﻟﻬﻨﺪﺳﻪ ﻛﻤﺖ ﺍﻓﻜﺮ ﺑﻠﻤﻬﻨﺪﺳﻴﻦ ﻭﺿﻠﻴﺖ ﺍﻋﺸﻖ ﺷﻲ ﺍﺳﻤﻪ ﻣﻬﻨﺪﺱ ﺑﺪﻭﻥ ﺍﻱ ﻣﻌﻠﻮﻣﻪ ﻋﻦ ﺍﻟﻬﻨﺪﺳﻪ . ﻳﻌﻨﻲ ﻛﺒﻞ ﺟﺎﻧﺖ ﺍﻟﺪﻧﻴﺎ ﺻﻐﻴﺮﻩ ﻣﻮ ﻣﺜﻞ ﻫﺴﻪ ﺍﻛﻮ ﻧﺖ ﻭﺗﺒﺤﺚ ﻛﺒﻞ ﻻ ﺍﻟﺰﻣﻦ ﻳﺨﺘﻠﻒ ﺑﺴﺴﺴﺴﻴﻂ ﻭﺍﺣﻠﻰ ﻣﺎ ﺑﻲ ﺑﺴﺎﻃﺘﻪ .
ﺭﻋﺪ ﺟﺎﻥ ﻋﺒﺎﺭﻩ ﻋﻦ ﻓﺎﺭﺱ ﺍﺣﻼﻣﻲ ﺍﻟﻲ ﻣﺎ ﻳﻮﻡ ﻣﺮ ﻣﻦ ﺍﻻﻳﺎﻡ ﺍﺫﺍ ﻣﺎ ﺣﻠﻤﺖ ﺑﻲ ﻭﻫﺬﺍ ﻛﻞ ﺍﻟﻲ ﺍﻛﺪﺭ ﺍﻭﺻﻒ ﺷﻌﻮﺭﻱ ﺑﺬﺍﻙ ﺍﻟﻮﻗﺖ .
...............
ﻫﺎﻱ ﺷﺒﻴﻬﺎ ﺍﻡ ﻋﻴﻮﻥ ﺍﻟﺰﺭﻙ ﻟﻴﺶ ﻫﻴﺞ ﺗﺒﺎﻭﻋﻠﻲ ﻭﺍﻟﻠﻪ ﻋﺠﻴﺒﻪ ﺭﺍﺡ ﺍﺗﺨﺒﻞ .
أنت تقرأ
المهندس (مكتمله)
Fiksi Remajaﺳﻼﻡ ﻋﻠﻴﻜﻢ ﺍﻧﻲ ﺍﺳﻤﻲ ﺭﻋﺪ ﻋﻤﺮﻱ ٢٨ ﺳﻨﻪ ﻣﺘﺰﻭﺝ ﺑﺖ ﻋﻤﻲ ﺍﺣﻼﻡ ﺍﺣﺒﻬﺎ ﺣﻴﻞ ﻭﺗﺤﺒﻨﻲ ﻭﺻﺎﺭ ﺯﻭﺍﺟﻨﻪ ﺑﺴﻨﻪ ﺍﻝ١٩٩١ ﻳﻌﻨﻲ ﺑﺴﻨﻪ ﺍﻻﻧﺘﻔﺎﺿﻪ ﻭﺑﺤﺮﺏ ﺍﻟﻜﻮﻳﺖ ﻭﺑﻠﺤﺼﺎﺭ ﻳﻌﻨﻲ ﺑﻀﺮﻭﻑ ﻛﻠﺶ ﺻﻌﺒﻪ
