🄷🅈🄳🅁🄰🄽🄶🄴🄰

Крис: "Эмигийн хууль ёсны ээж болооч."...

Дахиад л зүүдэллээ. Долоо хоног дарааллан нэг зүүд. Мэдээжийн хэрэг энэ саналаас тэр дор нь татгалзсан ч Крис надад хугацаа өгье гэсэн. Гэхдээ надад тэгж өгөөд байгаа хугацаа нь хэрэггүй шүү дээ. Миний шийдвэр өөрчлөгдөхгүй. Тэгээд бас одоо явсан нь дээр бололтой. Эмигийн хувьд харамсалтай байгаа ч намайг ээжийгээ гэж бодоод яваад байж болохгүй.

Хэд хоног нойргүй хонон байж гаргасан шийдвэрээ хэлэхээр зочны өрөөнд охинтойгоо тоглон суух Крис дээр очлоо.

"Крис, чамд хэлэх зүйл байна."

Крис:"За, хэл л дээ"

Эми одоо ч аавынхаа дэргэд тоглон суух тул шууд Кристэй ярилцаж чадсангүй. Крисыг толгойгоо өргөхөд нь нүдээрээ "Эмигээс тусдаа" гэдгийг ойлгуулж дөнгөв.

Крис:"Хан эгчээ, Эмиг өрөөнд нь оруул"

Эми:"Үгүй ээ, би яагаад өрөө рүүгээ орох ёстой юм бэ? Ээжээ, ааваа хамт тоглоё л доо."

Бяцхан Эмигээс тусдаа ярилцахыг хүссэн ч энэ нь Эмид таатай санагдаагүй бололтой зөрүүдэлнэ.

Крис:"Эми, аав ээж хоёрт нь үнэхээр чухал ярих юм байгаа болохоор түр өрөөндөө байж бай за юу?"

Эми одоо ч зөрүүдэлсэн харцаар бид хоёр руу харж байлаа.

"Хэрвээ Эми өрөөндөө жоохон байчихвал дараа нь ээжтэйгээ аавтайгаа парк явж тоглоцгооё."

Эми:"Хөөх нээрээ юу?" гэсээр итгэл тээсэн гэрэлтсэн нүдээр аав руугаа харлаа.

Крис:"Тиймээ, дараа нь гурвуулаа парк орцгооё."

Нэгэнт л явах гэж байгаа юм чинь Эмитэй арай илүү цагийг хөгжилтэй өнгөрүүлж байгаад явсан нь дээр байх.

Эми ч аавынхаа хариултад сэтгэл хангалуун байгаа бололтой өрөө рүүгээ гүйгээд орчихлоо. Тэгснээ дахин өрөөнөөсөө цухуйн "та хоёрын хоёулханаа байх хугацаа намайг хувцсаа солих хүртэл л шүү" гэж хэлээд буцаад орчхов. Үнэхээр өхөөрдөм охин шүү.

Крис:"Тнгээд юу ярих гэсэн юм."

"Үнэндээ одоо миний явах цаг болсон гэж бодож байна."

Крис:"Юу гэсэн үг юм?"

"Үүний утгыг тэгж тайлбарлуулах шаардлагагүй биз дээ? Мэдээж шууд утгаараа."

Крис:"Миний саналаас болоод уу?"

"Ммм, гэхдээ 100% түүнээс болсон юм биш. Анхнаасаа л бид гэрээ байгуулахдаа тохироогүй гэж үү? Аль нэг тал гэрээг цуцлахыг хүсвэл нөгөө тал эсэргүүцэхгүй."