🄷🅈🄳🅁🄰🄽🄶🄴🄰

•Хүнийг нь бус дурсамжийг нь илүүтэй санагалзах юм•

Крис, Эми хоёртой хамт амьдраад нэлээд хугацааг өнгөрөөчихжээ. Бараг л хагас жил болчихсон байна. Дэндүү хурдан ч гэмээр өнгөрчихсөн хагас жилийн хугацаа.

Крисын зан аашийг ерөнхийдөө мэддэг болчихсон болоод ч тэр юм уу өнөөдөр их л баяртай явж байгааг нь хараад л мэдчихлээ.

"Баяртай үйл явдал болоо юу?"

Багагүй хугацааг хамт өнгөрүүлсний эцэст Кристэй ч дажгүй яриад ойлголцдог болсон тул шуудхан л асуулаа. Ямар нэг ичих, санаа зовох зүйл байсангүй.

Крис: " Аан тиймээ. Хайж байсан хүнээ бараг олчихсон ч гэх юм уу?"

"Хайж байсан хүн гэнэ ээ?"

Крис: "Хоёр жилийн өмнө манай томоохон салбар компани дотоод уналтад ороод хэцүүхэн нөхцөл байдалд байсан ч шинээр ажилд орох гэж байсан нэг хүний төслөөр буцаад сэргэж чадсан юм. Тэр үед яг ч ажилд ороогүй байсан учраас ажилчдын мэдээллийн санд мэдээлэл нь ороогүйн дээр анкетаас нь ч олигтой мэдээлэл авч чадаагүй өнгөрсөн ч саяхан холбоо барих боломжтой болсон."

"Тэгэхээр хоёр жил түүнийг хайсан юм уу?"

Крис:"Мэдээж, бидний аврагч гэж хэлж болохоор хүн шүү дээ"

Ерөнхийдөө Крис бол шударга мөн хичээнгүй. Ямар нэг зүйлийг хийхийг хүсвэл шууд л хийдэг. Эхнээс нь эцэст нь тултал.

"Гэхдээ танай компанид орох гэж байсан юм бол яагаад гэнэтхэн алга болчихсон юм."

Крис: "Би ч гэсэн яг наадахыг чинь бодоод гайхаж л байлаа. "

"Тэгвэл чи өнөөдөр амрахаа больж байгаа юм уу?"

Крис:"Мм?"

"Тэр хүнтэйгээ уулзах юм биш үү?"

Крис:"Одоохондоо баттай холбогдож чадаагүй байгаа тэгэхээр өнөөдөр амардгаараа амарна"

"Ашгүй дээ, тэгвэл би өнөөдөр ээж аавтайгаа уулзаад ирэх гэсэн юм. Чи ганцаараа Эмиг хараад зүгээр биз дээ?"

Крис:"тиймэ--"

Эми:"Үгүй ээ, би ээжтэйгээ хамт явна."

Өвөр дээр минь унтаж байсан бяцхан охины нойрмог хоолой Крис бид хоёрын яриаг тасаллаа.

Крис: "Эми, чи ээждээ ингэж төвөг удаж болохгүй ээ"

Эхэндээ Крис намайг Эмид эгч нь гэж их хэлдэг байсан ч одоо бол ээж нь л гэдэг болсон. Ингээд сонсохоор жинхэнээсээ Эмигийн ээж болчихсон юм шиг санагдах юм.