بلا ملامح

لون الدم ليس سيئاً دائما

ملامح ٨

(وفي عقلي كلاماتُّ ألتفت
حولها ألفُاً من الغَبرة . .)
أفين

--------------------------

رعود ؛؛؛

يمشي في ممرات المستشفى و يتراقص بذاكرته نغزات زملائه و اللي قاله الدكتور جون

يحس بقهر و عصبية لا متناهية كيف انجذب وانعجب بوحدة ضرباه بدون ذنب ولا معرفة وهو اللي لمدة شهر كان متألم من اثر طيحته

وفي النهاية طلع متعاطف معها وساعدها اكثر من مرة

وقف بنفس مكان الحدث

مو مصدق نفسه وكيف قدر يحافظ على هدوءه وما ينقض عليها

رعود بتوعد / برد الصاع صاعين قريب يا ملاذ

اعطى ظهره للمكان اللي كان واقف فيه وكمل طريقه

...

فلة سعود
العصر الساعة ٣

دخلت عليهم من جهة وصايف تسانظها والجهة الثانية العكاز

انفجع الكل بشكل ملاذ ودخلتها عليهم بالطريقة هذي

سعود بهلع / انا ابن ابوي وش اللي صاير ؟
الجدة مزنة / انا بنت ابوي اقربي يا ملاذ بعد عنها يا سعود

اما نوير قربت من ملاذ تساعدها مع وصايف وجلسوها على سرير الجدة

وساعدوها تفسخ عبايتها وهالهم منظر ملاذ اجتمع التعب تحت عيونها مسبب سواد كبير مشوه جمالها

اكمامها مرفوعة لفوق وبانت كدماتها واللي زاد سوء منظرها بياضها وبنطلونها المشقوق لين فوق ركبتها عشان الجبيرة

ملاذ بتهوين / حصل خير هذي اثار طيحة الدرج

سعود عصب بطريقة غير طبيعية لأن السبب في حالة ملاذ بالنسبة له هو رعود

قام من مكانه متوجه لرعود لو مو في المستشفى لشقته ووجه كامل معفوس من قوة عصبيته لما انتبهت ملاذ لشكل ابوها اشرت لوصايف

وصايف / يبه طلبتك تهدي وتسمع مني على حسب اللي سمعته هو ما كان قصده يعورها اهدى الله يخليك الأمور ما تنحل بالطريقة هذي

سعود بصراخ / انتي شايفة حالة اختك كيف ؟ تبغيني اسكت ماني رخمة اسكت بعد حالتها هذي بأخذ حقها منه واكسر له رجله زي ما كسر لها رجلها هذي بنت الغالي