𝐓𝐡𝐞 𝐓𝐞𝐧𝐭𝐡 𝐝𝐚𝐲

Chapter 5: 1st day-- the alternate plan and the creature's shadow

[A/N] Binasa ko 'yong prev chapters at na-realize ko na bitin pala talaga lagi 'yong flow, kaya ito na. Hahabaan ko na🤭

🍀🍀🍀

LEANNE's POV

First day!

First day na first day at wala kaming ibang ginawa kundi ang magtitigan at magpalitan ng buntong-hininga hanggang maghapon.

I don't know what happened to Angel, kung talaga bang exhausted lang siya o kaartehan na naman niya 'yan--nilang dalawa ni Roux.

Naiintindihan ko naman si Roux dahil sa kondisyon niya, but Angel? No! She doesn't have any illnesses, sadyang maarte lang talaga siya. Ayaw ko pa naman talaga sa lahat ay 'yong pa importante. Jusko!

Andami na sana naming nagawa ngayon kung hindi lang talaga--ugh!

Muli akong nagbitaw ng napakalalim na hininga para kalmahin sarili ko habang nakatingala sa kahoy na tinitigan ni Roux kanina bago ulit siya natulog.

What's with this tree anyway? Aside sa ito ang pinakamalaking kahoy na nakikita ko, wala namang kakaiba dito.

Pinalagyan ko lang naman 'yan ng light na kakapalit lang kanina ni Van kasi na pundi.

"Oh? Hanggang tuhod ulit 'yang nguso mo?"

"'Wag mo'kong guluhin." Walang gana kong sabi nang hindi nakatingin sa kanya't alam ko namang si Pearl 'yon.

"Alam mo kasi, Leanne..." Huminto siya't umayos ng tayo sa tabi ko. Kita ko sa peripheral vision ko na tinignan niya rin 'yong kahoy na kanina ko pa sinusukat ng tingin.

"Napapansin ko na--naming lahat--na masyado mo nang siniseryoso pagiging school at homeroom president mo. Can you chill sometimes? 'Yan tuloy--"

"'Yan tuloy ano?" Pagputol ko sa sana'y sasabihin niya. Nag-krus ako ng braso saka siya binalingan.

"Bakit 'pag nag chill-chill ba ako, may mangyayari? Matutuloy 'tong camping?" Kalmado pero malutong kong tanong.

"Ako na nga gumagawa ng mga tasks niyo tapos may gana pa kayong kwestyunin 'yon? Don't even deny, alam kong tinanong niyo si ma'am and according to her, you looked disappointed na hindi ko kayo kinonfront sa activities. Well, can you blame me? Ang simple lang ng instructions ko na kayo na mag brainstorming sa activities at ako na ang magpapa-approve sa school board at mag co-coordinate, maghahanap ng venue and mag-make sure na safe kayong lahat do'n."

Huminto ako para tumingin sa malayo.

"I've been very specific from the beginning na kapag hindi niyo 'yon nagawa, ako na ang kikilos which turned out na ako nga talaga. 'Yon lang naman kasi, 'di niyo pa magawa ng maayos tapos sasabihin mong mag-chill lang ako? Pff!" Sarkastiko kong tawa.

"Oh!" Sarkastiko rin siyang tumawa kaya napatingin ako sa kanya. "Excuse me lang, ha! Baka nakakalimutan mo rin ang part na nag submit kami ng ideas pero lahat 'yon 'di mo nagustuhan kasi masyadong boring para sayo." Tumango-tango siya, halatang nanunuya.

"My god! You think going swimming in pools, beaches, lakes, and springs for a day is considered as camping? Ang tanga lang!"

Tumaas na boses ko kaya kita kong mabilisang nag-iba ang timpla ng kanyang mukha at awra.

"Mag ingat-ingat ka diyan sa pananalita mo, ah! Kaibigan kita ng ilang taon, Leanne, at ayaw kong masira 'yon pero kung ganyan mo lang naman kami kung tratuhin at tawag-tawagin lang na tanga, magkalimutan nalang tayo!" Sigaw niya na sa mismong mukha ko.

"Excuse me?" Ngiwi kong tanong. "Wala akong sinasabing tanga kayo, 'yong idea 'yong tinutukoy ko!" Sigaw ko na rin pabalik.

"Kami ang nag suggest ng idea'ng 'yon kaya sinabi mo naring kami 'yong tanga!"