𝑨 𝑹𝒐𝒔𝒆 𝑶𝒇 𝑮𝒆𝒐𝒓𝒈𝒊𝒂 🥀

Part 3

Unicode~

'Suzan Clark'

မျက်လုံးပြာ​​တွေနဲ့ Suzanက ဒီနယ်တစ်ဝိုက်မှာ ကွမ်း​တောင်ကိုင် အလှတစ်ပါး။
၁၆နှစ်အရွယ် လှ​သွေးကြွယ်တာမို့ ပိုးကြပန်းကြသူ​တွေမနည်းရှိသည်။
စစ်တက္ကသိုလ်က ဗိုလ်​လောင်း​လေး​တွေကဆို နယူး​ယော့ခ်ကလာတဲ့ ပိုးထည်​တွေ၊ ချည်မျှင်​တွေကို တကူးတက၀ယ်လာပြီး ပိုး​ကြေးပန်း​ကြေး​ပေးကြသည်အထိ။

နီလာ​ရောင်မျက်ဝန်း​တွေရယ်၊ ဖြူသွယ်သွယ်ကိုယ်လုံး​လေးရယ်၊ အနီ​ရောင်ဆံသား​တွေရယ် ပိုင်​ဆိုင်တဲ့ Suzan.
လွှာဖိနပ်​လေး တကြွကြွနဲ့ အကသိပ်​ကောင်းသူ...ကြိုးကြာမ​လေးလို ကနိုင်သူ။
Clarkမျိုးရိုးရဲ့ အလှဂုဏ်​ဆောင်​လေးရယ်​ပေါ့။

​လော​လောဆယ် Suzan အိပ်ရာမှာ လဲ​နေသည်။ ဝမ်းဗိုက်အလယ်က ဒဏ်ရာက တဆစ်ဆစ်နာသည်။

ထိုလူကို သူတစ်ခါမှမ​တွေ့ဖူး၊ မမြင်ဖူး။ သို့သည်တိုင် ထိုထူဟာ အဆင့်အတန်းမြင့်တဲ့လူဖြူမျိုးထဲက ဖြစ်​ကြောင်း သိ​နေသည်။
ဒါဟာ ထိုလူရဲ့ ဝတ်စားဆင်ယင်ပုံ၊ ပြောဆိုဆက်ဆံပုံတို့ကို ကြည့်ပြီး ​ကောက်ချက်ချခြင်းမဟုတ်။
ပကတိအမြင်ဖြင့် သိမိခြင်းသာဖြစ်သည်။

ဒါ​ပေမယ့် ဘာမဟုတ်တဲ့ ဖဲ​သားဂါဝန်ပေါ်မှာ ဆီးအရက်ချို​လောင်းချမိတဲ့ ကိစ္စအတွက် အငြင်းအခုံဖြစ်ရုံဖြင့်​တော့ သူ့ကို ဒီလိုမလုပ်သင့်ပါ။

'​ဒေါက် ​ဒေါက်!'

"ကိုယ်ဝင်လာလို့ ရမလား Suzan"

​ဒေါက်တာJeon အသံကို ကြားတာနှင့် အိပ်ရာ​ပေါ် ​ခွေ​ခေါက်​နေရာက အတင်းထပြီး ကြည့်​ပျော်ရှိ​ပျော်ရှိ​အောင် ပြင်ဆင်လိုက်သည်။
ပွ​ယောင်း​နေတဲ့ သူ့ဆံပင်​တွေက ​ယောကျ်ားသားတစ်​ယောက် ​တွေ့မြင်ဖို့ရာ မသင့်​တော်​ချေ။

ယုတ်စွအဆုံး​ပြောရရင်ဖြင့် မိန်းမပျိုအခန်းထဲ ​ယောကျ်ားသားဝင်ဖို့ရာ​​တောင်မသင့်​တော်။
​ဒေါက်တာJeonက ဆရာဝန်တစ်​ယောက်ဖြစ်​နေသည်က ခြွင်းချက်။

"ရပါတယ် ​ဒေါက်တာ"

​"ဒဏ်ရာက ဘယ်လို​နေ​သေးလဲ Suzan"