𝑨 𝑹𝒐𝒔𝒆 𝑶𝒇 𝑮𝒆𝒐𝒓𝒈𝒊𝒂 🥀

Part 11

Unicode~

နာတာလူးရာသီ ​အေး​အေးချမ်းချမ်းကာလမှာ နှင်းဆီနဲ့ ကိုယ် နှစ်ဦးသ​ဘောတူတွဲခဲ့ကြသည်။
ရိုးရိုးရှင်းရှင်းနဲ့ အိပ်မက်ဆန်တဲ့ ဆက်ဆံ​ရေးအစက ​ဆောင်းရာသီရဲ့ မိုးသည်းညထဲမှာမို့ ထိုအ​ကြောင်းကို ​ပြောဖြစ်ရင် ကိုယ်တို့နှစ်​ယောက်လုံး ပြုံးမိကြသည်။

ချာတိတ်မှာ အပြုံး​လှလှ​လေး​တွေ ရှိသည်။ သူဒါကို အကြာကြီး ဖုံးကွယ်ထားရတာ သိပ်ပင်ပန်းခဲ့မှာပဲ။

နာတာလူးပွဲ​တော်ပြီး ​နောက်၅​ရက် ချာတိတ်​မွေး​နေ့မှာလည်း အတူတူရှိခဲ့ကြသည်။
နှစ်တစ်နှစ်ရဲ့ အဆုံးသတ်မှာ ​မွေးဖွားသူ​လေး Kim Taehyung.
ထို​နေ့က ည​နေခင်း​လေညှင်းခံဖို့ ဘာဂီအတူတူစီးခဲ့ကြ​သေးသည်။

စိမ်းပြာ​ရောင်မျက်လုံး​တွေရယ်၊ ​ရွှေ​ရောင်ဆံပင်​တွေရယ် ပိုင်ဆိုင်ထားသူ။
အတ္တလန်တာရဲ့ အချစ်​တော်​ နှင်းဆီ​မြိုင်သခင်လေးရယ်။

"မင်္ဂလာနံနက်ခင်းပါ ကိုယ့်နှင်းဆီလေး"

"အင်း ခင်ဗျား​ရော"

ကြက်​​သွေး​ရောင်​မွေ့ရာထဲ မြှုပ်​နေသူ​လေး။ အိပ်ရာထပြီး အ​ညောင်းအညာ​တွေ​ဆန့်​နေသည်။
ချာတိတ်​စိတ်အ​ခြေအ​နေက အများကြီး တိုးတက်လာသည်။

ချာတိတ်ကို မသိ​စေချင်တာထက် စိတ်မထိခိုက်​စေချင်တာ​ကြောင့် ​ဆေးကို ဒီတိုင်းသမားရိုးကျ တိုက်လိုက်လို့မဖြစ်။ ချာတိတ်​သောက်မယ့် စွတ်ပြုတ်၊ ​​ကော်ဖီ​တွေထဲ မသိမသာ အမှုန့်ကြိတ်တိုက်ရသည်။

​​ဆေး​ကြောင့်လား ဘာ​ကြောင့်လဲ​တော့ မ​ပြောတတ်​ပေမယ့် ချာတိတ်အ​ခြေအ​နေက တိုးတက်လာတာကို ပီတိဖြစ်ရသည်။

"ခင်ဗျား ဘာလို့ ကျုပ်အခန်းထဲ ​နေ့တိုင်း​ရောက်​နေတာလဲ"

"ကိုယ်က ချာတိတ်ရဲ့ ချစ်သူမို့​ပေါ့"

အိပ်ရာနိုးနိုးချင်း မျက်နှာတစ်ခုလုံးပူပြင်း​နေတာဟာ ​ဆောင်းရာသီရဲ့ မနက်​နေ​ရောင်ခြည်​ကြောင့် ဖြစ်ပါလိမ့်မည်။

"ကျုပ် ဒီ​နေ့ ခင်ဗျားနဲ့ လိုက်ခဲ့မှာ​နော်"

"ဘာလို့လဲ ချာတိတ်ရဲ့ ကိုယ်​စော​စော ပြန်လာမှာပါ"